Dànì Kèhoį̀wo 25:10 - Nǫ̀htsı̨ Nı̨htł'è

¹⁰ Eyı dèè sìı Abraham Het got'ı̨į̀ goghǫ nàyeèhdì ı̨lè. Ekǫ Abraham wets'èkeè Sarah gà wekw'ǫǫ̀ whetǫ.

Dànì Kèhoį̀wo 25:10 ပူးပေါင်းရင်းမြစ်များ

Dànì Kèhoį̀wo 10:15

Kanan t'akwełǫ̀ǫ̀ weza sìı Sıdon wìyeh, eyıts'ǫ dıı dǫ haàtłǫǫ xàgeèɂaa sìı Kanan wets'ıhɂǫ̀ǫ-dǫǫ̀ agı̨ı̨t'e: Het got'ı̨į̀,

Dànì Kèhoį̀wo 23:16

Abraham, Efron dàtłǫ sǫǫ̀mba dıı sìı k'ę̀ę̀ ayį̀į̀là. Dàtłǫ sǫǫ̀mba elı̨ı̨ sìı dǫ hazǫǫ̀ godaà yets'àɂeèhdì. Nàedìı-dǫǫ̀ gık'ę̀ę̀ t'asìı wedaedaa sìı k'ę̀ę̀ dı̨akw'eènǫ (400) sǫǫ̀mba degoo yets'àɂeèhdì.

Dànì Kèhoį̀wo 23:17

Eyıt'à kǫ̀ta goyagoòɂàa k'è Het got'ı̨į̀ hazǫǫ̀ gınadąą̀ dèè Makpelah gòyeh Mamer nèk'e gà gòɂǫǫ Efron wedèè ı̨lèe sìı enı̨htł'è k'e Abraham wets'ǫ hǫt'e dek'enègı̨ı̨tł'è. Eyı dèè, kwe yìı gòɂǫǫ, eyıts'ǫ ts'ı dehshee hazǫǫ̀ Abraham wets'ǫ elı̨į̀ adlà.

Dànì Kèhoį̀wo 23:20

Eyıt'à Het got'ı̨į̀ eyı dèè eyıts'ǫ kwe yìı gòɂǫǫ sìı Abraham wets'ǫ dǫkw'ǫǫ̀ whelaa k'è gòɂǫǫ dek'enègı̨ı̨tł'è.

Dànì Kèhoį̀wo 23:3

Eyı tł'axǫǫ̀ Abraham wets'èkeè wekw'ǫǫ̀ gà gots'ǫ nıìtła. Het got'ı̨į̀ eyı nàgedèe ts'ǫ̀ gode ha gots'ǫ̀ èhtła,

Dànì Kèhoį̀wo 23:9

Kwe yìı gòɂǫǫ Makpelah gòyeh sìı wedèè welǫ wheɂǫ hǫt'e. Eyı weghǫ naehdì ha dehwhǫ. Sèot'ı̨ eyı gıkw'ǫǫ̀ whela ha dehwhǫ t'à eyı dèè weghǫ naehdì ha segha weahkè,” Abraham gòhdı.

Dànì Kèhoį̀wo 47:30

Ełaıhwho nı̨dè Egypt nèk'e gots'ǫ xàseahtè, secho edı̨į̀ gıkw'ǫǫ̀ whelaa sìı gıgà sekw'ǫǫ̀ nìı̨tį̀ nǫǫ̀,” hadı. “Dàsį̀ı̨dıı sìı hahłe ha,” Joseph edetà èhdı.

Dànì Kèhoį̀wo 49:31

Ekǫ Abraham eyıts'ǫ wets'èkeè Sarah, gıkw'ǫǫ̀ whela, Isaac eyıts'ǫ wets'èkeè Rebekah gıkw'ǫǫ̀ whela, eyıts'ǫ ekǫ sets'èkeè Leah wekw'ǫǫ̀ nìı̨htǫ ı̨lè.