Dànì Kèhoį̀wo 24:7 - Nǫ̀htsı̨ Nı̨htł'è

⁷ “Gots'ǫ̀ K'àowo, yak'e gots'ǫ Nǫ̀htsı̨, setà wekǫ̀ gots'ǫ eyıts'ǫ senèè gots'ǫ xàseèhchìı sìı dıı hanì yatı nàtsoo sexè whehtsı̨ ı̨lè: ‘Nets'ıhɂǫ̀ǫ-dǫǫ̀ sìı dıı dèè gıghàehɂà ha,’ sèhdıı sìı, edeyak'eet'ı̨į̀ nenakweè sıìgogeleè ayele ha. Hanì-ı̨dè ekǫ gots'ǫ seza wegha ts'èko gǫ̀hɂà ha.

Dànì Kèhoį̀wo 24:7 ပူးပေါင်းရင်းမြစ်များ

Dànì Kèhoį̀wo 13:15

Dèè hazǫǫ̀ weghàı̨daa sìı nı̨ eyıts'ǫ nets'ıhɂǫ̀ǫ-dǫǫ̀ naxıghàehłe ha, welǫ whìle ts'ǫ̀ naxıghaelı̨ ha.

Dànì Kèhoį̀wo 15:18

Ekò k'e gots'ǫ̀ K'àowo Abram xè nàowo nàtsoo whehtsı̨, hayèhdı, “Egypt nèk'e ts'ǫ̀ nıwà-le deh nıɂàa gots'ǫ, yeè dehcho Yufrates wìyeh ts'ǫ̀ dèè haı̨hcho nets'ıhɂǫ̀ǫ-dǫǫ̀ gıghàehɂǫ hǫt'e.

Dànì Kèhoį̀wo 16:7

Gots'ǫ̀ K'àowo weyak'eet'ı̨į̀ ekìı-ka nèk'e tı-xàewìı gà yegòhɂǫ. Eyı dèè goyìı tı-xàewìı sìı kǫ̀ta Shur gòyeh ts'ǫ̀ tı̨lı nıɂàa gà hǫt'e.

Dànì Kèhoį̀wo 17:8

Dıì Kanan nèk'e xàhtǫ lanì wek'e nàądè kò dıı dèè hazǫǫ̀ welǫ whìle ts'ǫ̀ neghaelı̨į̀ ahłe ha. Eyıts'ǫ netł'axǫǫ̀ nets'ıhɂǫ̀ǫ-dǫǫ̀ gı̨ı̨lı̨ı̨ sìı dıı dèè gıghaelı̨į̀ ahłe ha, eyıts'ǫ Sı̨ Gınǫ̀htsı̨ ehłı̨ ha,” yèhdı.

Dànì Kèhoį̀wo 21:17

Hanìkò Nǫ̀htsı̨ eyı dǫzhìa etse yeèhkw'ǫ. Nǫ̀htsı̨ wets'ǫ yak'eet'ı̨į̀ yak'e gots'ǫ Hagar ts'ǫ̀ gode, hayèhdı, “Hagar nexè dàgòjà? Dı̨ı̨jı̨-le, dǫzhìa eyı whetı̨ı̨ xè etsee sìı Nǫ̀htsı̨ yeèhkw'ǫ hǫt'e.

Dànì Kèhoį̀wo 22:11

Hanìkò gots'ǫ̀ K'àowo weyak'eet'ı̨į̀ yak'e gots'ǫ yets'ǫ̀ whezeh, “Abraham! Abraham!” yèhdı hǫt'e. “Hęɂę, neèhkw'ǫ,” Abraham yèhdı.

Dànì Kèhoį̀wo 24:3

Gots'ǫ̀ K'àowo, yak'e eyıts'ǫ dıı nek'e gha Nǫ̀htsı̨ elı̨ı̨ sìı wıızì t'à yatı nàtsoo sexè nehtsı̨. Jǫ Kanan got'ı̨į̀ gını nàhdèe sìı gıta gots'ǫ seza wegha ts'èko į̀hchı ha-le.

Dànì Kèhoį̀wo 24:40

“Eyıt'à dıı hasèhdı, ‘Gots'ǫ̀ K'àowo wenàowoò k'ę̀ę̀ ehdaa sìı edets'ǫ yak'eet'ı̨į̀ nexè ayele ha, eyıts'ǫ ayìı gha ekǫ naątła ha sìı nets'ǫ̀ hoedıì ayele ha. Hanì-ı̨dè setà wèot'ı̨ gots'ǫ seza wegha ts'èko į̀hchı ha.

Dànì Kèhoį̀wo 26:24

Eyı toò k'e gots'ǫ̀ K'àowo yets'ǫ̀ wègoèht'į̀, hayèhdı, “Netà Abraham Wenǫ̀htsı̨ aht'e. Nek'èhdì ne t'à nı̨ı̨jı̨-le. Nexè sìghà hòɂǫǫ̀ agohłe ha eyıts'ǫ nets'ıhɂǫ̀ǫ-dǫǫ̀ łǫǫ̀ agehłe ha. Secheekeè Abraham wets'ıhɂǫ̀ negha hagohłe ha,” yèhdı.

Zezì Wecheekeèdeè 7:5

Ekìıyeè k'e Nǫ̀htsı̨ jǫ nèk'e yeghàı̨ɂǫ-le ı̨lè, dèè nechà-lea kò yeghàı̨ɂǫ-le ı̨lè. Hanìkò Nǫ̀htsı̨ sìı Abraham ghàyatıı̨ɂǫ ı̨lè. Dıı hayèhdı ı̨lè, ‘Nǫǫde-ı̨dè ededı̨ eyıts'ǫ wets'ıhɂǫ̀ǫ-dǫǫ̀ geedaa sìı dıı dèè gıghaelı̨ ha,’ yèhdı ı̨lè. Ekìıyeè k'e Abraham weza gǫ̀hłı̨-le kò Nǫ̀htsı̨ hanì yets'ǫ̀ goı̨de ı̨lè.

Hebrew 1:14

Yak'eet'ı̨į̀ hazǫǫ̀ ı̨nì agı̨ı̨t'e, dǫ edaxàgeedè ha sìı gots'àgedı gha Nǫ̀htsı̨ goı̨hɂà agı̨ı̨t'e.

Hebrew 11:9

Wegha ehkw'ı ahodı t'à dèè weghǫ̀t'à ha sìı k'e xàhtǫ lanì nı̨hbàa yìı nàı̨dè. Isaac eyıts'ǫ Jacob ededı̨ sı Nǫ̀htsı̨ eyı xèht'eè goxè yatı whehtsı̨ı̨ sìı ededı̨ sı ekǫ xàhtǫ lanì nı̨hbàa yìı nàgı̨ı̨dè.

John Wenazhıı 11:13

Eyı sadzeè et'ıì dèè hòtł'ò nàèhdǫ t'à kǫ̀godeè gots'ǫ kǫ̀ łǫ hodàètł'ı; kǫ̀ gòlaa hoònǫ ts'ǫ ı̨łè hodàètł'ı. Dèè hòtł'ò nàèhdǫ t'à dǫ łǫ̀hdı̨-lemì ełaı̨dè. Dǫ ełaı̨dè-le sìı sıì geèhyeh t'à Nǫ̀htsı̨ yak'e whedaa ghàsǫgeedı.