Dànì Kèhoį̀wo 24:35 - Nǫ̀htsı̨ Nı̨htł'è

³⁵ Gots'ǫ̀ K'àowo sìı sets'ǫ̀ k'àowo Abraham xè sìghà hòɂǫǫ̀ ayį̀į̀là t'à dǫ ahxee whelı̨. Sahzǫ̀ą, ejıe, sǫǫ̀mba degoo, eyıts'ǫ sǫǫ̀mbaekwo yeghàı̨la. Eyıts'ǫ eghàlageedaa-dǫǫ̀, dǫzhìı sı, ts'èko sı, tıts'aàdìıcho, eyıts'ǫ tłı̨tsoa yeghàı̨la hǫt'e.

Dànì Kèhoį̀wo 24:35 ပူးပေါင်းရင်းမြစ်များ

Dànì Kèhoį̀wo 12:16

K'àowocho, Sarayı wets'ıhɂǫ̀ Abram ts'ǫ̀ nezı̨į̀ nageɂa. Sahzǫ̀ą eyıts'ǫ ejıe łǫ gıghàı̨la, eyıts'ǫ tłı̨tsoa werezhıì eyıts'ǫ wedets'è łǫ gıghàı̨la, eyıts'ǫ dǫzhìı eyıts'ǫ ts'èko eghàlageedaa-dǫǫ̀ łǫ gıghàı̨la, eyıts'ǫ tıts'aàdìıcho t'asìı k'elee hanıı sı łǫ gıghàı̨la.

Dànì Kèhoį̀wo 12:2

Nı̨ nets'ıhɂǫ̀ǫ-dǫǫ̀ ı̨łè xàgeèɂaa deè gı̨ı̨lı̨į̀ agehłe ha, eyıts'ǫ nexè sìghà hòɂǫǫ̀ ahłe ha. Nıızì nechà ahłe ha eyıts'ǫ nets'ıhɂǫ̀ǫ-dǫǫ̀ hazǫǫ̀ gıxè sìghà hòɂǫ ha.

Dànì Kèhoį̀wo 12:3

Dǫ nexè sìghà hogehtsı̨ı̨ sìı gıxè sìghà agohłe ha, eyıts'ǫ dǫ yatı nezı̨-le nek'e nègııɂàa sìı yatı nezı̨-le gıghàehɂà ha. Eyıts'ǫ nı̨ nets'ıhɂǫ̀ dıı nèk'e dǫ hazǫǫ̀ gıxè sìghà hòɂǫ ha,” Nǫ̀htsı̨ yèhdı.

Dànì Kèhoį̀wo 13:2

Abram sahzǫ̀ą eyıts'ǫ ejıe łǫ wets'ǫ ajà, sǫǫ̀mba degoo eyıts'ǫ sǫǫ̀mbaekwo łǫ wets'ǫ t'à dǫ ahxee whelı̨.

Dànì Kèhoį̀wo 24:1

Abraham hòt'a weghoò łǫǫ̀ ajà t'à sıì eneèko whelı̨, eyıts'ǫ gots'ǫ̀ K'àowo t'asìı hazǫǫ̀ t'à wexè sìghà hòɂǫǫ̀ ayį̀į̀là ı̨lè.

Dànì Kèhoį̀wo 25:11

Abraham ełaı̨wo tł'axǫǫ̀ Nǫ̀htsı̨ Isaac xè sìghà hòɂǫǫ̀ ayį̀į̀là. Ekò k'e Isaac Ber-Lahaı-Roı gòyeh gà nàde ı̨lè.

Dànì Kèhoį̀wo 25:5

Abraham t'asìı hazǫǫ̀ wets'ǫ sìı Isaac weghaelı̨į̀ ayį̀į̀là.

Dànì Kèhoį̀wo 30:43

Hanì t'aa Jacob dǫ ahxee-deè whelı̨. Tıts'aàdìı łǫ wets'ǫ, ts'èko eyıts'ǫ dǫzhìı gıgha eghàlaedaa łǫ wets'ǫ, eyıts'ǫ tıts'aàdìıcho eyıts'ǫ tłı̨tsoa sı łǫ wets'ǫǫ̀ ajà.

Dànì Kèhoį̀wo 49:25

Netà Wenǫ̀htsı̨ nets'àdı ha, Nǫ̀htsı̨ t'asìı wegha dìì-le sìı yat'a gots'ǫ chǫh eyıts'ǫ dèè gotł'a ts'ǫ tı t'à nexè sìghà ayele ha, tıts'aàdìı łǫ eyıts'ǫ chekoa łǫ neghàyele ha.

Matthew 6:33

Naxı̨ sìı, Nǫ̀htsı̨ Wenàowoò k'ę̀ę̀ hòɂǫǫ hak'eaht'į̀ eyıts'ǫ wek'ę̀ę̀ ehkw'ı ts'eeda ha dahwhǫ, eyı haahłà nı̨dè t'asìı hazǫǫ̀ wet'à ts'eedaa sı naxıghàyele ha hǫt'e.

Luke 12:45

Ekò edahxǫ eyı dǫ edets'ǫ̀ dıı hadı, ‘Sets'ǫ̀ k'àowo whaà nı̨dè jǫ nǫ̀ǫtła ha ne,’ hadı t'à k'àowo wecheekeè dagǫ̀ǫhɂa eyıts'ǫ shètı̨ xè yedǫ zǫ k'alawo.

1 Tımothy 4:8

Gozhį̀į̀ hòtł'ò eghàlaeda ats'ehɂı̨ı̨ sìı yaazea zǫ wet'àaɂà, ekò Nǫ̀htsı̨ wınì k'ę̀ę̀ ts'eedaa sìı t'asìı hazǫǫ̀ gha wet'àaɂà hǫt'e, dıì ts'eedaa gha eyıts'ǫ ı̨daà ts'eeda gha Nǫ̀htsı̨ edeyatıì goghàı̨ɂǫ ne t'à.