Dànì Kèhoį̀wo 24:3 - Nǫ̀htsı̨ Nı̨htł'è

³ Gots'ǫ̀ K'àowo, yak'e eyıts'ǫ dıı nek'e gha Nǫ̀htsı̨ elı̨ı̨ sìı wıızì t'à yatı nàtsoo sexè nehtsı̨. Jǫ Kanan got'ı̨į̀ gını nàhdèe sìı gıta gots'ǫ seza wegha ts'èko į̀hchı ha-le.

Dànì Kèhoį̀wo 24:3 ပူးပေါင်းရင်းမြစ်များ

Dànì Kèhoį̀wo 14:19

Abram ts'ǫ̀ sìghà nıwǫ t'à dıı hadıì Abram ts'ǫ̀ xàyaı̨htı, “Nǫ̀htsı̨ Enıìyah Deè elı̨ı̨ sìı Abram xè sìghà hòɂǫǫ̀ ayııle. Ededı̨ sìı yak'e eyıts'ǫ dèè sı whehtsı̨ı̨ hǫt'e.

Dànì Kèhoį̀wo 14:22

Hanìkò Abram eyı k'àowocho ts'ǫ̀ hadı, “Nǫ̀htsı̨ Enıìyah Deè, yak'e eyıts'ǫ dèè whehtsı̨ı̨ sìı wets'ǫ̀ dadeehtso t'à yatı nàtsoo whıhtsı̨ hǫt'e.

Dànì Kèhoį̀wo 21:23

Eyıt'à jǫ Nǫ̀htsı̨ nadąą̀ sexè yatı nàtsoo nehtsı̨. Sets'ǫ̀ hoìla hoı̨htsı̨ ha-le, seza sı eyıts'ǫ ı̨daà gòı̨ɂà nı̨dè sets'ıhɂǫ̀ǫ-dǫǫ̀ sı gıts'ǫ̀ hoìla hoı̨htsı̨ ha-le sìı̨dıì, sexè yatı nàtsoo nehtsı̨. Jǫ gonèk'e xàhtǫ lanì nàądè t'à dànì nets'ǫ̀ sedzeè eteèɂı̨ k'ę̀ę̀ nı̨ sı sets'ǫ̀ nedzeè eteèɂı̨ welè,” yèhdı.

Dànì Kèhoį̀wo 24:7

“Gots'ǫ̀ K'àowo, yak'e gots'ǫ Nǫ̀htsı̨, setà wekǫ̀ gots'ǫ eyıts'ǫ senèè gots'ǫ xàseèhchìı sìı dıı hanì yatı nàtsoo sexè whehtsı̨ ı̨lè: ‘Nets'ıhɂǫ̀ǫ-dǫǫ̀ sìı dıı dèè gıghàehɂà ha,’ sèhdıı sìı, edeyak'eet'ı̨į̀ nenakweè sıìgogeleè ayele ha. Hanì-ı̨dè ekǫ gots'ǫ seza wegha ts'èko gǫ̀hɂà ha.

Dànì Kèhoį̀wo 27:46

Eyıt'à Rebekah Isaac ts'ǫ̀ hadı, “Het got'ı̨į̀ gots'ǫ ts'èko gıghǫ segha dìì agòjà. Jacob jǫ nèk'e Het got'ı̨į̀ gots'ǫ ts'èko į̀hchì nı̨dè ehda-le kò dehwhǫ,” yèhdı.

Dànì Kèhoį̀wo 28:1

Eyıt'à Isaac edeza Jacob kayaı̨htı. Naetła kwe yatı nezı̨ı̨ yàı̨ɂǫ, dıı hayèhdı, “Jǫ Kanan got'ı̨į̀ gots'ǫ ts'èko į̀hchı-le.

Dànì Kèhoį̀wo 28:8

Esau, Kanan got'ı̨į̀ gots'ǫ ts'èko wetà wegha nezı̨-le, yek'èhoèhzà t'à,

Dànì Kèhoį̀wo 34:9

Goza eyıts'ǫ gotì ełexè honìgııdè. Naxıtì goghàahtè eyıts'ǫ gotì naxıghàts'ehtè ha.

Dànì Kèhoį̀wo 38:2

Ekǫ Kanan got'ı̨į̀ Shuya wìyeh wetì xè at'ı̨. Yexè honìdza gà yet'àı̨tè.

Dànì Kèhoį̀wo 47:31

“Hotıì segha hanele ha neyatıì nàtsoo seghàı̨ɂà,” wetà yèhdı. Eyıt'à Joseph, yatı nàtsoo yeghàı̨ɂǫ. Eyı tł'axǫǫ̀ Israel, edetè k'e whehdì xè Nǫ̀htsı̨ ghàsǫedı.

Dànì Kèhoį̀wo 50:25

Joseph, Israel weza yatı nàtsoo gèhtsı̨į̀ agǫ̀ǫ̀là, hadı, “Nǫ̀htsı̨ ekǫ nèk'e ts'ǫ̀ xànaxeèwa nı̨dè sekw'ǫǫ̀ jǫ nèk'e gots'ǫ edexè ahłe gha naxıyatıì seghàahɂà,” gòhdı.

Dànì Kèhoį̀wo 6:2

Nǫ̀htsı̨ weza gı̨ı̨lı̨ı̨ sìı dǫ gıtì gıgha gìdaat'ı̨ t'à t'agı̨ı̨wǫǫ sìı edegha ts'èko gį̀į̀hchı.

Dànì Kèhoį̀wo 6:4

Ekìıyeè k'e, eyıts'ǫ ekò gots'ǫ whaà-le, dıı nèk'e godęę̀ gǫ̀hłı̨ ı̨lè. Ekò k'e Nǫ̀htsı̨ weza dǫ gıtì ts'ǫ̀ agejà, gıxè gıza gǫ̀hłı̨į̀ agòjà. Eyı gıza sìı ı̨nę̀ę gots'ǫ dǫ deè gı̨ı̨lè t'à gıgodıì gǫ̀hłı̨.

1 Corınth 7:39

Ts'èko wedǫǫ̀ ełaàwı gots'ǫ̀ wets'ǫ̀ dawhetł'ı̨ lanì hǫt'e. Hanìkò wedǫǫ̀ ełaı̨wo nı̨dè eyıì-le dǫzhìı xè honǫ̀ǫda ha nıwǫ nı̨dè edets'ǫ̀ k'àowo. Hanìkò eyı dǫzhìı sìı Nǫ̀htsı̨ wets'ǫ dǫ elı̨ ha hǫt'e.

Hebrew 6:16

Dǫ yatı nàtsoo gehtsı̨ nı̨dè dǫ gınahk'e elı̨ı̨ sìı wıızì t'à yatı nàtsoo gehtsı̨ hǫt'e. Yatı nàtsoo gehtsı̨ı̨ weghàà ehkw'ı gogede gık'èhoedzǫ, wet'à dǫ gots'ǫ̀ nàyagehtı-le aget'į̀.