Dànì Kèhoį̀wo 24:27 - Nǫ̀htsı̨ Nı̨htł'è

²⁷ hadı, “Gots'ǫ̀ K'àowo, sets'ǫ̀ k'àowo Abraham Wenǫ̀htsı̨ weghàsǫhoedı welè. T'aats'ǫǫ̀ k'àowo Abraham ts'ǫ̀ wedzeè eteèɂı̨ xè t'aats'ǫǫ̀ yets'ǫ̀ ehkw'ı eghàlaeda hǫt'e. Ekò sı̨ sìı gots'ǫ̀ K'àowo, Abraham wèot'ı̨ gıkǫ̀ ts'ǫ̀ segha ehkw'ı goòɂà ayį̀į̀là,” hadıì yaı̨htı.

Dànì Kèhoį̀wo 24:27 ပူးပေါင်းရင်းမြစ်များ

Dànì Kèhoį̀wo 13:8

Eyıt'à Abram edesah Lot ts'ǫ̀ hadı, “Ełèot'ı̨ ats'ı̨ı̨t'e t'à ełek'èch'a ats'ııdì-le. Sets'ǫ tıts'aàdìı-k'èdìı-dǫǫ̀, eyıts'ǫ nets'ǫ tıts'aàdìı-k'èdìı-dǫǫ̀ ełek'èch'a hogıhtsį̀-le.

Dànì Kèhoį̀wo 14:20

Nǫ̀htsı̨ Enıìyah Deè elı̨ı̨ sìı weghàsǫts'eedı welè. Dǫ nek'èch'a gı̨ı̨lı̨ı̨ sìı netł'aà nègòı̨la hǫt'e,” Melkızedek Abram ts'ǫ̀ hadı. Eyı tł'axǫǫ̀ Abram ełegegǫ gots'ǫ t'asìı hazǫǫ̀ nèyı̨ı̨waa sìı wets'ǫ hoònǫ-ı̨łè yahtıı Melkızedek ghàyı̨ı̨la.

Dànì Kèhoį̀wo 24:12

Eyıt'à Abraham wecheekeè hadıì yahtı, “Gots'ǫ̀ K'àowo, Abraham Wenǫ̀htsı̨ anet'e. Dıı dzęę̀ sets'ǫ̀ hoedıì anele, sets'ǫ̀ k'àowo Abraham wets'ǫ̀ nedzeè eteèɂı̨ welè.

Dànì Kèhoį̀wo 24:21

Abraham wecheekeè t'asadı-le ekìı yeghàeda. Asį̀į̀ Nǫ̀htsı̨ wets'ǫ̀ hoedıì ayį̀į̀là lì gha hotıì yeghàeda.

Dànì Kèhoį̀wo 24:4

Senèk'e segǫ̀hłı̨ı̨ sìı nàątła. Ekǫ xàè sèot'ı̨ gıta gots'ǫ seza Isaac wegha ts'èko į̀hchı,” Abraham yèhdı.

Dànì Kèhoį̀wo 24:42

“Dıı dzęę̀ k'e tık'è ts'ǫ̀ nèehtła ekò dıı haehsı̨ ı̨lè, ‘Gots'ǫ̀ K'àowo, Abraham Wenǫ̀htsı̨ anet'e. Ayìı gha jǫ nèehtłaa sìı sets'ǫ̀ hoedıì anele.

Dànì Kèhoį̀wo 24:48

Eyı tł'axǫǫ̀ nàgòıhgè, gots'ǫ̀ K'àowo weghàtsį̀ehdı. Sets'ǫ̀ k'àowo Abraham Wenǫ̀htsı̨ ts'ǫ̀ sǫehdı. Sets'ǫ̀ k'àowo wèot'ı̨ ts'ǫ̀ ehkw'ıì asį̀į̀là, weza gha ts'èko èhchı ha t'à.

Dànì Kèhoį̀wo 32:10

Sets'ǫ̀ nedzeè eteèɂı̨ xè sets'ǫ̀ ehkw'ı eghàlaı̨da ha dǫ lahoeht'ı̨ nıìle. Segeè k'ehtı̨ zǫ t'à jǫ Jordan deh nıɂàa weteèhtła ı̨lè. Ekò dıì t'aa dǫ łǫ sexè aget'ı̨ t'à nàke ts'ǫ̀ łats'ıgıhwha hǫt'e.

Dànì Kèhoį̀wo 32:11

Sı̨ı̨de Esau wech'à edaxàsı̨ı̨htè. Ełaàsèhwhı ha gots'ǫ̀ naetłe at'ı̨ sǫnı, eyıts'ǫ chekoa, gımǫ sı ełaàgòhde ha sǫnı.

Dànì Kèhoį̀wo 9:26

Eyıts'ǫ hadı, “Gots'ǫ̀ K'àowo, Shem Wenǫ̀htsı̨ sìı wets'ǫ̀ sìghà welè! Kanan got'ı̨į̀ sìı t'aats'ǫǫ̀ Shem gha eghàlageedaa-dǫǫ̀ gıılè.

Luke 1:68

“Gots'ǫ̀ K'àowo, Israel Wenǫ̀htsı̨ weghàsǫts'eedı welè. Edets'ǫ dǫ edaxàgole ha goghǫ nììtła.

John 1:17

Nǫ̀htsı̨ sìı Moses wet'ǫ̀ǫ̀ nàowo wet'à ts'eedaa sìı gots'ǫ̀ ayį̀į̀là ı̨lè, hanìkò Zezì-Krı wets'ıhɂǫ̀ wesǫnıwǫ deè eyıts'ǫ nàowo ehkw'ıı gots'ǫ̀ ajà.

Ephesus 1:3

Nǫ̀htsı̨, gots'ǫ̀ K'àowo Zezì-Krı Wetà, weghàsǫts'eedı welè, ededı̨ sìı goxè sìghà hòɂǫǫ̀ ayį̀į̀là hǫt'e. Įdòo yak'e gots'ǫ Zezì-Krı wedahxà t'asìı hazǫǫ̀ wet'à goxè sìghà hòɂǫ ha sìı hòt'a goghàyı̨ı̨la hǫt'e.

1 Tımothy 1:17

Gots'ǫ K'àowocho welǫ whìle ts'ǫ edaa, eładı̨į̀ ade-le, eyıts'ǫ wègaat'ı̨-le sìı, weghàsǫts'eedı welè. Gonǫ̀htsı̨ ı̨łàet'ee zǫ sìı welǫ whìle ts'ǫ̀ wexè enıìyah welè. Amen.