Dànì Kèhoį̀wo 24:24 - Nǫ̀htsı̨ Nı̨htł'è

²⁴ T'eeko yets'ǫ̀ hadı, “Betuyel wetì aht'e, setà wemǫ Mılkah wìyeh, eyıts'ǫ wetà Nahor wìyeh,” yèhdı.

Dànì Kèhoį̀wo 24:24 ပူးပေါင်းရင်းမြစ်များ

Dànì Kèhoį̀wo 11:29

Abram eyıts'ǫ Nahor į̀łah hoget'ı̨ ı̨lè. Abram wets'èkeè Sarayı wìyeh, eyıts'ǫ Nahor wets'èkeè Mılkah wìyeh. Eyı ts'èko sìı Haran wetì hǫt'e. Haran sìı Mılkah eyıts'ǫ Iskah gıtà hǫt'e.

Dànì Kèhoį̀wo 22:20

Sìghaı̨waà hoòwo tł'axǫǫ̀ Abraham ts'ǫ̀ hagedı, “Mılkah ededı̨ sı gomǫ whelı̨. Nechı Nahor gha dǫzhìa nìı̨la.

Dànì Kèhoį̀wo 22:23

Betuyel, Rebekah wetà hǫt'e. Mılkah, Abraham wechı Nahor wets'èkeè, hazǫǫ̀ t'à dǫzhìı ek'èdı̨ Nahor gha nìı̨la.

Dànì Kèhoį̀wo 24:15

Yahtı ghǫ nǫǫt'e-le et'ıì t'eeko Rebekah, tıtǫǫ̀ edeehgò ka dayèhtǫ xè eyı nììtła. Eyı t'eeko Betuyel wetì hǫt'e. Wetà Betuyel, Mılkah weza hǫt'e, Mılkah, Abraham wechı Nahor wets'èkeè hǫt'e.

Dànì Kèhoį̀wo 24:23

Eyı tł'axǫǫ̀ dayeehke, “Amìı wetì anet'e? Asį̀į̀ netà wekǫ̀ to ts'eetè ha gogha gòɂǫ?” yèhdı.

Dànì Kèhoį̀wo 24:25

Eyıts'ǫ hanaedı, “Tıts'aàdìıcho gıgha tł'oh eyıts'ǫ gıghǫ shèzhee łǫ gots'ǫ ne, eyıts'ǫ gogà daahtè ha naxıgha gòɂǫ ne,” yèhdı.

Dànì Kèhoį̀wo 24:47

“Eyı tł'axǫǫ̀ daweehke, ‘Amìı wetì anet'e?’ wèehsı̨. “ ‘Betuyel wetì aht'e. Wetà Nahor wìyeh, eyıts'ǫ wemǫ Mılkah wìyeh,’ sèhdı. “Eyıt'à goı̨ghǫ̀-lamǫ̀ǫ eyıts'ǫ golachı̨į̀ k'e whelaa wek'e nìıhwha.

Dànì Kèhoį̀wo 29:5

Gots'ǫ̀ hadı, “Asį̀į̀ Laban, Nahor wekwı k'èahsǫ?” gòhdı. “Hęɂę, wek'èts'eezǫ,” gıìhdı.