Dànì Kèhoį̀wo 23:16 - Nǫ̀htsı̨ Nı̨htł'è

¹⁶ Abraham, Efron dàtłǫ sǫǫ̀mba dıı sìı k'ę̀ę̀ ayį̀į̀là. Dàtłǫ sǫǫ̀mba elı̨ı̨ sìı dǫ hazǫǫ̀ godaà yets'àɂeèhdì. Nàedìı-dǫǫ̀ gık'ę̀ę̀ t'asìı wedaedaa sìı k'ę̀ę̀ dı̨akw'eènǫ (400) sǫǫ̀mba degoo yets'àɂeèhdì.

Dànì Kèhoį̀wo 23:16 ပူးပေါင်းရင်းမြစ်များ

Dànì Kèhoį̀wo 23:15

“K'àowo, seę̀hkw'ǫ. Eyı dèè dı̨akw'eènǫ (400) sǫǫ̀mba degoo elı̨ hǫt'e, hanìkò į̀łah gogha eyı ayìı welè? Nets'èkeè wekw'ǫǫ̀ nìı̨htį̀,” Efron yèhdı.

Dànì Kèhoį̀wo 43:21

Hanìkò to ts'eetè ha nèts'ı̨ı̨de ekò goɂǫhchì ts'ǫdaà xàts'ı̨ı̨wa là hazǫǫ̀ gotaàt'eè gots'ǫ satsǫ̀ą degoo goɂǫhchì yìı whela nǫǫ̀. Eyıt'à edexè jǫ nàts'ı̨ı̨wa.

Dànì Kèhoį̀wo 49:29

Eyı tł'axǫǫ̀ Jacob dıı hagòhdı: “Hòt'a ełaehwhı ha sehòı̨hwho, secho gıts'ǫ̀ ahde ha ne. Het got'ı̨į̀ Efron wedèè k'e secho gıxè sekw'ǫǫ̀ whetǫ aahłe.

Dànì Kèhoį̀wo 50:13

Kanan nèk'e ts'ǫ̀ wekw'ǫǫ̀ geèhchì. Mamer nèk'e gà dèè Makpelah k'e kwe-yìı-gòɂǫǫ yìı wekw'ǫǫ̀ nègı̨į̀tǫ. Abraham eyı kwe-yìı-gòɂǫǫ dèè xè Het got'ı̨į̀ Efron ghǫnàyeèhdì ı̨lè.

Matthew 7:12

Eyı xèht'eè dànì dǫ naxıts'ǫ̀ nezı̨į̀ eghàlageeda ha dahwhǫ k'ę̀ę̀ gıts'ǫ̀ eghàlaahda. Moses wenàowoò eyıts'ǫ nakwenàoɂǫǫ gını̨htł'è k'e hanì dek'eèhtł'è.

Zezì Wecheekeèdeè 7:16

Gıkw'ǫǫ̀ kǫ̀ta Shechem ts'ǫ̀ agį̀į̀là eyıts'ǫ kwe yìı gòɂǫǫ nègogį̀ı̨wa ı̨lè. Eyı kwe yìı gıkw'ǫǫ̀ whelaa sìı Abraham Hamor weza ghǫ nàyeèhdì ı̨lè.

Rome 13:8

Naxını̨htł'è gǫ̀hłı̨ welè-le. Enı̨htł'è ı̨łè zǫ t'aats'ǫǫ̀ gots'ǫ ha sìı ełeghǫnets'eètǫ eyı hǫt'e. Eyı t'aats'ǫǫ̀ naxını̨htł'è elı̨ ha hǫt'e, eyıts'ǫ t'aats'ǫǫ̀ wek'e eghàlaahda ha hǫt'e. Dǫ hazǫǫ̀ ghǫnıahtǫ nı̨dè nàowo hazǫǫ̀ k'èaht'e hǫt'e.

Phılıppı 4:8

Sèot'ı̨ı̨, nǫǫde t'à dıı hanaxèehsı̨ ha dehwhǫ: T'asìı ehkw'ıı ne sìı, wet'à dǫ nezı̨į̀ agı̨ı̨wǫ ha sìı, wet'à ehkw'ıı gòɂǫǫ, t'asìı nezı̨ı̨, t'asìı degaı, wet'à ełeghǫ masì ts'ı̨ı̨wǫǫ, eyıts'ǫ wet'à dǫ ełets'ıìt'ı̨ı̨, eyı hanıı hazǫǫ̀ wedaànıahdè.

1 Thessalonıca 4:6

Eyıt'à dǫ wı̨ı̨zìı edèot'ı̨ ts'ǫ̀ ekǫ-le eghàlaeda ha nıìle eyıts'ǫ hołı̨ı̨ k'ę̀ę̀ edèot'ı̨ k'alawo ha nıìle. Hòt'a hanaxèts'edı ı̨lè, dǫ hanì nàowojıı ghàlaedaa sìı gots'ǫ̀ K'àowo nàyeehkwa ha hǫt'e.