Dànì Kèhoį̀wo 22:7 - Nǫ̀htsı̨ Nı̨htł'è

⁷ Isaac edetà ts'ǫ̀ hadı, “Età.” “Seza, ayìı?” Abraham yèhdı. “Kǫ̀kwıì eyıts'ǫ tso k'ets'ele hanìkò Nǫ̀htsı̨ ts'ǫ̀ sahzǫ̀ązaa k'ets'eehk'ǫ̀ ha sìı welaedì?” edetà èhdı.

Dànì Kèhoį̀wo 22:7 ပူးပေါင်းရင်းမြစ်များ

Dànì Kèhoį̀wo 22:8

Abraham yets'ǫ̀ hadı, “Seza, Nǫ̀htsı̨ wets'ǫ̀ sahzǫ̀ązaa k'ets'eehk'ǫ̀ ha sìı ededı̨ goghàyehtè ha hǫt'e,” edeza èhdı. Hadı tł'axǫǫ̀ nàke geet'eè ı̨daà łegeèhtła.

Dànì Kèhoį̀wo 8:20

Eyı tł'axǫǫ̀ Noah Nǫ̀htsı̨ ts'ǫ̀ t'asìı k'eehk'ǫ̀ gha kwe ełeka nèyı̨ı̨wa t'à kwe-ladà whehtsı̨. Tıts'aàdìı nezı̨ı̨ xàɂaa sìı eyıts'ǫ yat'a k'edèe nezı̨ı̨ xàɂaa sìı mǫ̀hdaa neyı̨į̀wa gà Nǫ̀htsı̨ ts'ǫ̀ yek'eehk'ǫ̀.

Matthew 26:39

Įdaà gǫǫwà-lea nììtła, dèè k'e nàgòı̨hgè xè hadıì yahtı, “Setà, dìì-le nı̨dè dıı t'asìı wet'à dàıhɂaa sìı sets'ǫǫ̀ anele. Hanìkò sınì k'ę̀ę̀ welè-le; nınì k'ę̀ę̀ welè,” Zezì hadıì yaı̨htı.

Matthew 26:42

Zezì k'achı̨ yahtı ha ekǫ naèhtła, hadıì yahtı, “Setà, dıı wet'à daıhɂa ha sìı wedę adle ha dìì nı̨dè, nınì k'ę̀ę̀ welè,” Zezì hadıì yaı̨htı.

John 1:29

Ek'èdaedzęę̀ k'e John-Baptıst, Zezì yets'ǫ̀ etłe yaɂı̨ ekò, hadı, “K'eaht'į̀. Nǫ̀htsı̨ wesahzǫ̀ą wet'à dıı nèk'e dǫ gıhołı̨į̀ hazǫǫ̀ nahoezhe ha!

John 1:36

Zezì naetłe yaɂı̨ ekò John-Baptıst dǫ gots'ǫ̀ dıı hadı, “K'eaht'į̀. Nǫ̀htsı̨ wesahzǫ̀ą naetłe!” gòhdı.

John 18:11

Zezì, Peter ts'ǫ̀ hadı, “Nets'ǫ behcho deyìı naı̨chı! Setà lıbò sets'ǫ̀ dayakaa sìı ehts'e ha-le neewǫ nì? Setà wınì k'ę̀ę̀ eghàlaehda ha hǫt'e,” yèhdı.

Rome 8:15

Įnì naxıts'ǫ̀ ajàa sìı naxınì dejı̨ ha anaxį̀į̀là nıìle, hanìkò Yedàyeh Nezı̨ı̨ naxık'e ajà t'à Nǫ̀htsı̨ weza aahłı̨ hǫt'e. Yedàyeh Nezı̨ı̨ wedahxà, “Abà, Setà,” ts'edı hǫt'e.

John Wenazhıı 13:8

Dıı nèk'e dǫ hazǫǫ̀ tıts'aàdìı nechàa ts'ǫ̀ yagehtı ha. Sahzǫ̀ą ełaàwìgwo wenı̨htł'è k'e gıızì dek'eèhtł'è-le agı̨ı̨t'e. Dıı dèè hòèlı̨ gots'ǫ amìı welǫ whìle ts'ǫ̀ geeda ha sìı eyı enı̨htł'è yìı gıızì dek'eèhtł'è.