Dànì Kèhoį̀wo 21:8 - Nǫ̀htsı̨ Nı̨htł'è

⁸ Sarah Isaac nìı̨htı̨ı̨ sìı nechà dèzhǫ xè bò ghǫ shètı̨į̀ ajà. Isaac bò ghǫ shètı̨į̀ ajà t'à Abraham yegha nàsı̨ whehtsı̨.

Dànì Kèhoį̀wo 21:8 ပူးပေါင်းရင်းမြစ်များ

Dànì Kèhoį̀wo 19:3

Hanìkò Lot k'èdaà adı t'à wekǫ̀ ts'ǫ̀ agejà. Gogha łèdı̨ dę łèt'è wheht'e t'à shègıazhe.

Dànì Kèhoį̀wo 21:7

Eyıts'ǫ hadı, “Sarah chekoa eht'ò ayele ha sìı amìı Abraham ts'ǫ̀ hadı welì? Hanìkò eneèko whelı̨ tł'axǫǫ̀ wezaa nìı̨htı̨,” Sarah hadı.

Dànì Kèhoį̀wo 21:9

Ekò k'e Sarah, Ishmael, Isaac k'adaawo yaɂı̨. (Egypt got'ı̨į̀ Hagar, Abraham wezaa Ishmael nìı̨htı̨ ı̨lè hǫt'e.)

Dànì Kèhoį̀wo 26:30

Eyıt'à Isaac gogha nàsı̨ whehtsı̨ t'à ełexè shègıazhe.

Dànì Kèhoį̀wo 29:22

Eyıt'à Laban yegha nàsı̨ ehtsı̨ ha t'à dǫ hazǫǫ̀ gokàwhehɂà.

Dànì Kèhoį̀wo 40:20

Taı dzęę̀ k'e nèhòı̨wo ekò k'àowocho Faraoh wedzęę̀ hǫt'e nǫǫ̀. Eyıt'à wecheekeèdeè hazǫǫ̀ gogha nàsı̨ whehtsı̨. K'àowocho ayìı edǫǫ dǫ yegha yexoehdıı elı̨ı̨ sìı eyıts'ǫ dǫ yegha bò xàeht'èe elı̨ı̨ sìı į̀łah edecheekeèdeè gonadąą̀ gokayaı̨htı.