Dànì Kèhoį̀wo 21:7 - Nǫ̀htsı̨ Nı̨htł'è

⁷ Eyıts'ǫ hadı, “Sarah chekoa eht'ò ayele ha sìı amìı Abraham ts'ǫ̀ hadı welì? Hanìkò eneèko whelı̨ tł'axǫǫ̀ wezaa nìı̨htı̨,” Sarah hadı.

Dànì Kèhoį̀wo 21:7 ပူးပေါင်းရင်းမြစ်များ

Dànì Kèhoį̀wo 17:17

Abraham Nǫ̀htsı̨ nadąą̀ dèè k'e nàgòı̨hgè, hanìkò wegha enıìyah t'à edets'ǫ̀ nàɂedlò, hanıwǫ, “Dǫ ı̨łèakw'eènǫ weghoò sìı dàht'e wezaa gǫ̀hłı̨ nǫǫ̀? Eyıts'ǫ Sarah łǫǫ̀tǫènǫ (90) weghoò elı̨ı̨ sìı chekoa nìhtè ha nì?” edets'ǫ̀ hanıwǫ t'à wegha sììdì lanì.

Dànì Kèhoį̀wo 18:13

Gots'ǫ̀ K'àowo Abraham ts'ǫ̀ hadı, “Dànìghǫ Sarah nàɂedlò xè dıı hanıwǫ, ‘Hòt'a ts'ǫǫ̀ko whıhłı̨ tł'axǫǫ̀ edànì chekoa sets'ǫ welì?’ hanıwǫ?

Dànì Kèhoį̀wo 21:8

Sarah Isaac nìı̨htı̨ı̨ sìı nechà dèzhǫ xè bò ghǫ shètı̨į̀ ajà. Isaac bò ghǫ shètı̨į̀ ajà t'à Abraham yegha nàsı̨ whehtsı̨.

Ephesus 3:10

Nǫ̀htsı̨ hanì eghàlaı̨dà hǫt'e. Dànì deɂǫ̀ǫ̀ gǫǫzǫǫ sìı yat'a ı̨nì k'aodèe hazǫǫ̀ gık'èezǫ ha nıwǫ t'à, edecheekeè got'à hanì eghàlaı̨dà hǫt'e.

2 Thessalonıca 1:10

Zezì jǫ nǫ̀ǫtłaa dzęę̀ k'e nı̨dè wets'ǫ dǫ degaı gıghàsǫedı ha, eyıts'ǫ dǫ gıgha ehkw'ı-ahodıı sìı gıxè enıìyah deè ha hǫt'e. Godı nezı̨ı̨ naxıts'ǫ̀ nèts'ı̨ı̨ɂǫǫ sìı naxıgha ehkw'ı-ahodı t'à naxı̨ sı naxıxè agode ha hǫt'e.