Dànì Kèhoį̀wo 21:22 - Nǫ̀htsı̨ Nı̨htł'è

²² Ekìıyeè k'e k'àowocho Abımelek eyıts'ǫ yegha eghǫǫ-dǫǫ̀ ts'ǫ̀ k'àowo elı̨ı̨ Fıkol, Abraham ts'ǫ̀ hagedı, “Nǫ̀htsı̨ t'asìı hazǫǫ̀ t'à nexè sìghà hòɂǫǫ̀ ayį̀į̀là hǫt'e.

Dànì Kèhoį̀wo 21:22 ပူးပေါင်းရင်းမြစ်များ

Dànì Kèhoį̀wo 20:14

Eyı tł'axǫǫ̀ Abımelek sahzǫ̀ą, ejıe, eyıts'ǫ dǫzhìı, ts'èko gıgha eghàlageedaa gı̨ı̨lı̨ ha sìı Abraham ghàı̨la, eyıts'ǫ wets'èkeè Sarah yeghǫı̨htı̨.

Dànì Kèhoį̀wo 20:17

Eyı tł'axǫǫ̀ Abraham yegha Nǫ̀htsı̨ ts'ǫ̀ yaı̨htı t'à Abımelek, wets'èkeè eyıts'ǫ ts'èko gıgha eghàlageedaa sìı chekoa nègele gha k'aàt'ıì anagejà.

Dànì Kèhoį̀wo 20:2

Abraham ekǫ nàı̨dè ekò edets'èkeè Sarah ghǫ dǫ ts'ǫ̀ hadı, “Sedè hǫt'e,” gòhdı. Eyıt'à Abımelek kǫ̀ta Gerar gha k'àowocho elı̨ı̨ sìı Sarah ìhchı ha yekàehɂà t'à wecheekeè gıts'ǫ̀ geèhchì.

Dànì Kèhoį̀wo 26:26

Isaac eyı nàde ekò kǫ̀ta Gerar gots'ǫ k'àowocho Abımelek yets'àèhtła. Ahuzat yegha k'eyaetıı-dǫǫ̀ eyıts'ǫ Fıkol yegha eghǫǫ-dǫǫ̀ ts'ǫ̀ k'àowo gıxè aget'ı̨.

Dànì Kèhoį̀wo 26:28

Abımelek eyıts'ǫ wexè aget'ı̨ı̨ sìı hagedı, “Hoɂıì gots'ǫ̀ K'àowo nexè at'ı̨ wek'èts'eezǫ, eyıt'à ełexè yatı nàtsoo ts'ehtsı̨ ha ts'ı̨ı̨wǫ. Ełexè ts'èwhı̨į̀ ts'eeda gha yatı nàtsoo ełeghàts'ıɂà.

Dànì Kèhoį̀wo 28:15

Nexè aht'e ha. Edı̨į̀ ts'ǫ̀ k'ehoı̨hwhoo sìı nexoehdı ha, eyıts'ǫ jǫ nèk'e ts'ǫ̀ naneehchı ha. Seyatıì neghàehɂǫǫ sìı wek'ę̀ę̀ hòèhtsı̨ gots'ǫ̀ nets'ǫǫ̀ anahde ha-le,” yèhdı.

Dànì Kèhoį̀wo 30:27

Hanìkò Laban yets'ǫ̀ hadı, “Etesenèeɂı̨ nı̨dè ı̨łaà goxè nàądè. Sìdìı k'èhokw'o weghàà, nı̨ nets'ıhɂǫ̀ gots'ǫ̀ K'àowo sexè sìghà hòɂǫǫ̀ ayį̀į̀là wek'èehsǫ asììdlà hǫt'e,” yèhdı.

Dànì Kèhoį̀wo 31:5

Gots'ǫ̀ hadı, “Naxıtà sets'ǫ̀ wınì ładı̨į̀ ajà, ı̨nę̀ę lanì sets'ǫ̀ naɂa-le, hanìkò setà Wenǫ̀htsı̨ sìı sexè at'ı̨ hǫt'e.

Matthew 1:23

“T'eekogòò hotıì eda-le ade ha, dǫzhìa nìhtè ha eyıts'ǫ Emmanuel wìyeh ha,” hadı ı̨lè. (Emmanuel ts'edıı sìı “Nǫ̀htsı̨ goxè nàwo” ts'edıì-ats'edı.)

Rome 8:31

Eyıt'à eyı wek'èts'eezǫ nı̨dè weghǫ dàts'edı welì? Nǫ̀htsı̨ goxè hǫt'e nı̨dè amìı gok'èch'a at'ı̨ welì?

1 Corınth 14:25

eyıts'ǫ ededzeè yìı ayìı nàehɂı̨ı̨ sìı ghǫ gogedeè-agedı yek'èezǫǫ̀ ade ha. Eyı ts'ıhɂǫ̀ nàgòhge xè Nǫ̀htsı̨ ghàsǫedı ha, hòtł'ò dıı hadı ha, “Xàè Nǫ̀htsı̨ naxıta wheda nǫǫ̀!” hadı ha.

Hebrew 13:5

Sǫǫ̀mba ghaahwhı ch'à edek'èahdì, eyıts'ǫ ayìı naxıts'ǫ sìı wet'à naxınà welè. Nǫ̀htsı̨ dıı hadı t'à, “Naxıts'ǫǫ̀ ahde hǫı̨lı̨ ha nıìle, ɂǫ̀naxeehdè hǫı̨lı̨ ha nıìle,” hadı, dek'eèhtł'è.

John Wenazhıı 3:9

Eyı dǫ wehłı̨ı̨ wecheekeè agı̨ı̨t'ee sìı naxınadąą̀ nàgògehgè agehłe ha. Naxıghǫneehtǫ hǫt'e gık'èezǫǫ̀ agehłe ha. Israel got'ı̨į̀ agı̨ı̨t'e-le kò xàè ‘Israel got'ı̨į̀ ats'ı̨ı̨t'e’ gedı t'à hogets'ìı-dǫǫ̀ agı̨ı̨t'e.