Dànì Kèhoį̀wo 21:10 - Nǫ̀htsı̨ Nı̨htł'è

¹⁰ Eyıt'à Sarah, Abraham ts'ǫ̀ hadı, “Eyı ts'èko gogha eghàlaedaa sìı weza xè xàwı̨ı̨hɂà. Eyı ts'èko weza sìı seza xè t'asìı hazǫǫ̀ nets'ǫ sìı weghaelı̨ ha nıìle,” hadı.

Dànì Kèhoį̀wo 21:10 ပူးပေါင်းရင်းမြစ်များ

Dànì Kèhoį̀wo 17:19

Nǫ̀htsı̨ yets'ǫ̀ hadı, “Hęɂę, hanìkò nets'èkeè Sarah nezaa nìhtè ha, Isaac wìyeh awı̨ı̨le ha. Ededı̨ wexè nàowo nàtsoo ehtsı̨ ha, eyıts'ǫ wetł'axǫǫ̀ wets'ıhɂǫ̀ǫ-dǫǫ̀ welǫ whìle ts'ǫ̀ gıxè senàowoò k'ę̀ę̀ eghàlaehda ha.

Dànì Kèhoį̀wo 17:21

Hanìkò Isaac ededı̨ wexè senàowoò nàtsoo wheɂǫ ha. Nezaa elı̨ ha, nets'èkeè Sarah ts'ǫ wegǫ̀hłı̨ ha. Dıı hagǫ̀ht'e ı̨dae-xo nı̨dè wegǫ̀hłı̨ ha,” Nǫ̀htsı̨ hayèhdı.

Dànì Kèhoį̀wo 20:11

Abraham yets'ǫ̀ hadı, “ ‘Dıı yeè nèk'e dǫ wı̨ı̨zìı Nǫ̀htsı̨ ts'àgeejı̨-le t'à sets'èkeè wets'ıhɂǫ̀ ełaàsegèhwhı ha sǫnı,’ dehwhǫ ı̨lè.

Dànì Kèhoį̀wo 22:10

Eyı tł'axǫǫ̀ edeza ełaehwhı ha beh nıìchì.

Dànì Kèhoį̀wo 25:19

Abraham weza Isaac dıı hanì wegodıì dek'eèhtł'è: Abraham, Isaac wetà hǫt'e.

Dànì Kèhoį̀wo 25:6

Hanìkò ı̨łaà eda et'ıì wets'èkeè eyıì-le gıza sìı wets'ǫ t'asìı mǫ̀hdaa gota whela gà sa kàɂàa nèk'e ts'ǫ̀ nagoèhɂà, weza Isaac ts'ǫǫ̀ nıwà nagoèhɂà.

Matthew 22:13

“Eyıt'à k'àowocho edecheekeè gots'ǫ̀ hadı, ‘Wılà eyıts'ǫ wekè ełèahzha gà mǫ̀ht'a xàweahxà. Edı̨į̀ togoòtł'òo sìı ekǫ ts'ǫ̀ aweahłe; ekǫ dǫ getse xè dagı̨ı̨ɂa ha.’

John 8:35

Dǫ, k'àowo gha eghàlaeda elı̨ı̨ sìı xàè weza elı̨ nıìle, hanìkò k'àowo xàè weza sìı welǫ whìle ts'ǫ̀ weza elı̨ hǫt'e.

Galatıa 3:18

Nǫ̀htsı̨, Abraham ghà-t'asìı-yele ha yatı whehtsı̨ı̨ sìı Moses wenàowoò k'èts'edì zǫ t'à goıtà ha nı̨dè, Nǫ̀htsı̨ edeyatıì Abraham ghàı̨ɂǫǫ sìı wek'ę̀ę̀ hòɂǫ-le agode ha. Hanìkò Nǫ̀htsı̨ wesǫnıwǫ dahxà edeyatıì yeghàı̨ɂǫ t'à Abraham ghà-t'asìı-yele ha.

Galatıa 4:7

Eyıt'à dǫ k'àowo tł'a geèhkw'e laaht'e-le aahjà, hanìkò Nǫ̀htsı̨ weza aaht'e. Weza aaht'e t'à Nǫ̀htsı̨ t'asìı hazǫǫ̀ edeza gha ts'atà yehłaa sìı naxıghàyele ha hǫt'e.

1 Peter 1:4

Nǫ̀htsı̨ ayìı naxıda ts'atà whehłaa sìı naxıghǫ̀t'à ha hǫt'e, yak'e naxıgha wek'èhodì ne t'à wezǫą ade hǫı̨lı̨ ha-le, ek'eèhtsǫ̀ ade hǫı̨lı̨ ha-le, eyıts'ǫ ı̨hjıì ade hǫı̨lı̨ ha-le.

1 John 2:19

Gota gots'ǫ xàgeède, hanìkò xàè gots'ǫ agı̨ı̨t'e nıìle. Gots'ǫ agı̨ı̨t'e nı̨dè ı̨łaà goxè geèhkw'e ha ı̨lè, hanìkò gots'ǫǫ̀ xàgeède t'à xàè gots'ǫ agı̨ı̨t'e-le wek'èts'eezǫ.