Dànì Kèhoį̀wo 2:19 - Nǫ̀htsı̨ Nı̨htł'è

¹⁹ Gots'ǫ̀ K'àowo Nǫ̀htsı̨ tıts'aàdìı hazǫǫ̀ eyıts'ǫ t'asìı hazǫǫ̀ yat'a k'edèe sìı dèè gots'ǫ ehtł'è t'à gòèhtsı̨ hǫt'e. Tıts'aàdìı hazǫǫ̀ whehtsı̨ı̨ sìı dǫ dànì goızì yehtsı̨ ha nıwǫ t'à, yets'ǫ̀ nègòı̨wa. Tıts'aàdìı dànì goızıı sìı k'ę̀ę̀ gıızì gǫ̀hłı̨į̀ ajà.

Dànì Kèhoį̀wo 2:19 ပူးပေါင်းရင်းမြစ်များ

Dànì Kèhoį̀wo 1:28

Nǫ̀htsı̨ gots'ǫ̀ sìghà xàyaı̨htı, hagòhdı, “Dıı nèk'e hazǫǫ̀ ts'ǫ̀ naxıts'ıhɂǫ̀ǫ-dǫǫ̀ łǫǫ̀ awede eyıts'ǫ dèè ts'ǫ̀ k'ahoahdè. Tıcho yìı łıwe, yat'a k'edèe hazǫǫ̀, eyıts'ǫ t'asìı hazǫǫ̀ dèè k'e k'eɂàa sìı ts'ǫ̀ k'ahoahdè,” gòhdı.

Dànì Kèhoį̀wo 6:20

Yat'a k'edèe hazǫǫ̀ xàɂaa wets'ǫ nàke, tıts'aàdìı hazǫǫ̀ xàɂaa wets'ǫ nàke, eyıts'ǫ tıts'aàdìı hazǫǫ̀ xàɂaa dèè k'e k'eɂàa sìı wets'ǫ nàke edexè anele, hazǫǫ̀ xàgeeda gha gık'èı̨dì ha hǫt'e.

Dànì Kèhoį̀wo 9:2

Dıı nèk'e tıts'aàdìı hazǫǫ̀, yat'a k'edèe hazǫǫ̀, dèè k'e k'eɂàa hazǫǫ̀, eyıts'ǫ tı yìı nàdèe hazǫǫ̀ naxıts'àgeejı̨ ha; naxıtł'aà whelaà agììdlà.