Dànì Kèhoį̀wo 19:25 - Nǫ̀htsı̨ Nı̨htł'è

²⁵ Hanì t'aa eyı kǫ̀godeè nàke eyıts'ǫ ekǫ dèe goı̨tłoa hazǫǫ̀ yedıhòèhtsı̨. Dǫ hazǫǫ̀ ekǫ nàgedèe sìı hazǫǫ̀ godıhòèhtsı̨, eyıts'ǫ dèe k'e t'asìı dehshee hazǫǫ̀ yedıhòèhtsı̨.

Dànì Kèhoį̀wo 19:25 ပူးပေါင်းရင်းမြစ်များ

Dànì Kèhoį̀wo 13:10

Lot kǫ̀ta Zoyar ts'ǫ̀ dèè hazǫǫ̀ k'e k'eet'į̀. Jordan deh nıɂàa gà dèè hazǫǫ̀ wek'e tı at'ı̨ t'à dèè nezı̨ı̨ wègaat'ı̨. Gots'ǫ̀ K'àowo wets'ǫ dèè-wèdaat'ı̨ı̨-k'è lanì xègaat'ı̨, Egypt nèk'e lanì xègaat'ı̨. (Gots'ǫ̀ K'àowo, kǫ̀godeè nàke Sodom eyıts'ǫ Gomorah gòyeh godıhòèhtsı̨ kwe hagǫ̀ht'e ı̨lè.)

Dànì Kèhoį̀wo 13:12

Abram Kanan nèk'e nàdè eyıts'ǫ wesah Lot Jordan deh nıɂàa gà kǫ̀ta gòlaa sìı gota nàdè. Kǫ̀ta Sodom gòyeh gà edenı̨hbàa nàı̨hgè.

Dànì Kèhoį̀wo 14:3

K'àowocho sı̨làı nǫǫde gıts'ìzıı sìı ełets'àgedı gha gıts'ǫ eghǫǫ-dǫǫ̀ łetagı̨ı̨wa. Shìhge dèè nıɂàa Sıdım gòyeh, ekǫ ełegegǫ gha łą̀ą ełègı̨ı̨de.

2 Peter 2:6

Eyıts'ǫ Sodom got'ı̨į̀ eyıts'ǫ Gomorah got'ı̨į̀ gots'ǫ̀ hoìla eghàlaı̨dà; łèbè gı̨ı̨lı̨ ts'ǫ̀ gok'enı̨hk'ǫ. Eyı hanì gots'ǫ̀ eghàlaı̨dàa sìı weghàà dǫ Nǫ̀htsı̨ k'èch'a hogehtsı̨ı̨ sìı dànì ı̨daà Nǫ̀htsı̨ gots'ǫ̀ eghàlaeda ha wek'èhoedzǫǫ̀ ayį̀į̀là hǫt'e.