Dànì Kèhoį̀wo 17:5 - Nǫ̀htsı̨ Nı̨htł'è

⁵ Jǫ gots'ǫ ı̨daà Abram nìyeh ha-le; dǫ xàgeèɂaa łǫ gıcho nelı̨ ha t'à Abraham nìyeh ha.

Dànì Kèhoį̀wo 17:5 ပူးပေါင်းရင်းမြစ်များ

Dànì Kèhoį̀wo 17:15

Eyıts'ǫ Nǫ̀htsı̨ Abraham ts'ǫ̀ hadı, “Ekò Sarayı nets'èkeè elı̨ı̨ sìı Sarayı wį̀ı̨dı ha-le, Sarah wìyeh ha.

Dànì Kèhoį̀wo 32:28

Eyı tł'axǫǫ̀ eyı dǫ hadı, “Jǫ gots'ǫ ı̨daà Jacob nìyeh ha-le, Israel nìyeh ha. Nǫ̀htsı̨ eyıts'ǫ dǫ k'anewo xè honeèhnǫ t'à hanìyeh ha,” yèhdı.

Dànì Kèhoį̀wo 32:29

Jacob hadı, “Nıızì sets'ǫ̀ haı̨dı,” yèhdı. Hanìkò eyı dǫ yets'ǫ hadı, “Ayìıha sıızì ghǫ dası̨ı̨hke?” yèhdı tł'axǫǫ̀ yatı nezı̨ı̨ t'à yek'eèyaı̨htı.

Dànì Kèhoį̀wo 35:10

Nǫ̀htsı̨ yets'ǫ̀ hadı, “Jacob nìyeh kò, jǫ gots'ǫ Jacob nìyeh ha-le. Israel nìyeh ha,” yèhdı. Eyıt'à Israel wìyeh ayį̀į̀là.

John 1:42

Eyıt'à Andrew edı̨ı̨de Zezì ts'ǫ̀ yeèhchì. Zezì hotıì Sımon ghàı̨dà ekò hayèhdı, “Nı̨ sìı John weza Sımon anet'e. Cephas nìyeh ha,” yèhdı. (“Cephas” gedı nı̨dè “Peter” gedıì-agedı.)

Rome 4:17

Dıı hanì dek'eèhtł'è k'ę̀ę̀, “Dǫ hazǫǫ̀ xàɂaa gha gotà nèwhıhtsı̨ hǫt'e,” dek'eèhtł'è. Nǫ̀htsı̨ sìı dǫ ełaı̨dèe nagìdà agohɂı̨, eyıts'ǫ dǫ t'asìı gı̨ı̨lı̨-le sìı gıt'àaɂàa agohɂı̨ hǫt'e. Ededı̨ Abraham gha ehkw'ı adı t'à gotà elı̨į̀ ayį̀į̀là hǫt'e.

John Wenazhıı 2:17

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welì. T'aa hołı̨ı̨ ghǫehnèe sìı ‘Manna’ deɂı̨į̀ wheɂǫǫ sìı weghàehdı ha. Eyıts'ǫ kwe degoo k'e wıızì gòò dek'eèhtł'èe sìı weghàehɂà ha. Amìı eyı weghǫ̀t'ǫǫ sìı ededı̨ zǫ yek'èezǫ ha.