Dànì Kèhoį̀wo 17:4 - Nǫ̀htsı̨ Nı̨htł'è

⁴ “Sı̨ sìı dıı nàowo nàtsoo nexè whıhtsı̨ hǫt'e: Dǫ xàgeèɂaa łǫ gıcho nelı̨ ha.

Dànì Kèhoį̀wo 17:4 ပူးပေါင်းရင်းမြစ်များ

Dànì Kèhoį̀wo 12:2

Nı̨ nets'ıhɂǫ̀ǫ-dǫǫ̀ ı̨łè xàgeèɂaa deè gı̨ı̨lı̨į̀ agehłe ha, eyıts'ǫ nexè sìghà hòɂǫǫ̀ ahłe ha. Nıızì nechà ahłe ha eyıts'ǫ nets'ıhɂǫ̀ǫ-dǫǫ̀ hazǫǫ̀ gıxè sìghà hòɂǫ ha.

Dànì Kèhoį̀wo 13:16

Nets'ıhɂǫ̀ǫ-dǫǫ̀ dèè k'e ehtł'è lageètłǫ agehłe ha. Ehtł'è gıhtà ha dìì-le nı̨dè nets'ıhɂǫ̀ǫ-dǫǫ̀ sı gogıhtà ha dìì-le.

Dànì Kèhoį̀wo 16:10

Eyıts'ǫ yak'eet'ı̨į̀ hayèhdı, “Nets'ıhɂǫ̀ǫ-dǫǫ̀ łǫ geet'è agehłe ha. Sıì gı̨ı̨tłǫ t'à dǫ wı̨ı̨zìı gogıhtà ha nıìle,” yèhdı.

Dànì Kèhoį̀wo 22:17

hotıì nexè sìghà hòɂǫǫ̀ agohłe ha. Nets'ıhɂǫ̀ǫ-dǫǫ̀ sıì łǫ t'à yat'a whǫ̀ lageètłǫ ha, eyıts'ǫ tabàa ewaà lageètłǫ ha. Dǫ naxıts'ǫ̀ xànıgı̨ı̨ɂaa gıts'ǫ kǫ̀godeè gòlaa sìı nets'ıhɂǫ̀ǫ-dǫǫ̀ goghǫ gìhchı ha.

Dànì Kèhoį̀wo 25:23

Gots'ǫ̀ K'àowo yets'ǫ̀ hadı, “Ełèchǫekèa chǫ wheke. Eyı dǫ nàke xàɂaa gı̨ı̨lı̨ ha sìı ełek'èch'a agı̨ı̨t'e ha. Įłè gonahk'e elı̨ ha, eyıts'ǫ ǫhdah sìı edechı gha eghàlaeda ha,” yèhdı.

Dànì Kèhoį̀wo 28:3

Nǫ̀htsı̨ t'asìı wegha dìì-le sìı nexè sìghà ayııle, eyıts'ǫ dǫ xàgeèɂaa łǫ nets'ǫ xàhohwhıì ayııle.

Dànì Kèhoį̀wo 32:12

Hanìkò dıı hasį̀ı̨dı ı̨lè, ‘Ehkw'ı t'à nexè sìghà hòɂǫǫ̀ agohłe ha, eyıts'ǫ nets'ıhɂǫ̀ǫ-dǫǫ̀ tıchobàa ewaà laàtłǫǫ̀ agehłe ha. Sıì gı̨ı̨tłǫ t'à gıts'ıhtà ha dìì agode ha,’ hasį̀ı̨dı ı̨lè,” Jacob hadıì Nǫ̀htsı̨ ts'ǫ̀ xàyaı̨htı.

Dànì Kèhoį̀wo 35:11

Eyıts'ǫ Nǫ̀htsı̨ yets'ǫ̀ hadı, “Nǫ̀htsı̨ t'asìı wegha dìì-le aht'e. Chekoa łǫ nets'ǫ welè. Nets'ıhɂǫ̀ǫ-dǫǫ̀ gots'ǫ dǫ xàgeèɂaa łǫ gǫ̀hłı̨ ha, eyıts'ǫ k'àowocho łǫ nets'ǫ xàhohwhı ha.

Dànì Kèhoį̀wo 48:19

Hanìkò wetà į̀le yèhdı, “Wek'èehsǫ ne seza, wek'èehsǫ ne. Ededı̨ sìı dǫ ı̨łè xàɂaadeè elı̨ ha, eyıts'ǫ wets'ıhɂǫ̀ǫ-dǫǫ̀ łǫǫ̀ ade ha. Hanìkò wechı sìı yenahk'e elı̨ ha eyıts'ǫ wets'ıhɂǫ̀ǫ-dǫǫ̀ xàgeèɂaa łǫǫ̀ ade ha,” yèhdı.