Dànì Kèhoį̀wo 17:1 - Nǫ̀htsı̨ Nı̨htł'è

¹ Abram łǫǫ̀tǫènǫ-daats'ǫ̀-łǫǫ̀tǫ weghoò ekò gots'ǫ̀ K'àowo wets'ǫ̀ wègoèht'į̀, hayèhdı, “Nǫ̀htsı̨ t'asìı wegha dìì-le aht'e. Senadąą̀ hotıì ehkw'ı ı̨da.

Dànì Kèhoį̀wo 17:1 ပူးပေါင်းရင်းမြစ်များ

Dànì Kèhoį̀wo 12:1

Gots'ǫ̀ K'àowo Abram ts'ǫ̀ hadı, “Nenèè gots'ǫǫ̀ aąde. Nèot'ı̨ eyıts'ǫ netà wekǫ̀ agı̨ı̨t'ee sìı gıts'ǫǫ̀ aąde. Edı̨į̀ ts'ǫ̀ anede ha sìı nets'ǫ̀ haehsı̨ ha.

Dànì Kèhoį̀wo 12:7

Ekǫ nèk'e gots'ǫ̀ K'àowo Abram ts'ǫ̀ wègoèht'į̀, hayèhdı, “Jǫ dèè gòɂǫǫ sìı nets'ıhɂǫ̀ǫ-dǫǫ̀ gıghàehɂà ha,” yèhdı. Eyıt'à Abram, eyı nèk'e gots'ǫ̀ K'àowo ts'ǫ̀ t'asìı k'eehk'ǫ̀ gha kwe ełeka nèyı̨ı̨wa t'à kwe-ladà whehtsı̨.

Dànì Kèhoį̀wo 16:16

Abram ek'èdı̨ènǫ-daats'ǫ̀-ek'ètaı (86) weghoò ekò Hagar wezaa Ishmael wegǫ̀hłı̨.

Dànì Kèhoį̀wo 18:1

Amor got'ı̨į̀ Mamer wets'ǫ ts'ı nechàa nàwheɂaa ts'ǫ̀ nıwà-le, gots'ǫ̀ K'àowo Abraham ts'ǫ̀ wègoèht'į̀. Dzętanı edı ekìıyeè k'e Abraham edenı̨hbàa gà tı̨ı̨dà wheda ı̨lè.

Dànì Kèhoį̀wo 18:14

Gots'ǫ̀ K'àowo wegha t'asìı dezhìı gǫ̀hłı̨ nıìle. Įdae-xo eyı wek'ę̀ę̀ hòɂǫ ha dehwhǫ nı̨dè nets'ǫ̀ anahde ha. Ekìıyeè k'e nı̨dè Sarah wezaa gǫ̀hłı̨ ha,” gots'ǫ̀ K'àowo yèhdı.

Dànì Kèhoį̀wo 24:40

“Eyıt'à dıı hasèhdı, ‘Gots'ǫ̀ K'àowo wenàowoò k'ę̀ę̀ ehdaa sìı edets'ǫ yak'eet'ı̨į̀ nexè ayele ha, eyıts'ǫ ayìı gha ekǫ naątła ha sìı nets'ǫ̀ hoedıì ayele ha. Hanì-ı̨dè setà wèot'ı̨ gots'ǫ seza wegha ts'èko į̀hchı ha.

Dànì Kèhoį̀wo 26:2

Gots'ǫ̀ K'àowo Isaac ts'ǫ̀ wègoèht'į̀, hayèhdı, “Egypt nèk'e ts'ǫ̀ aąde-le. Dıı yeè nèk'e edı̨į̀ nàądè nèehsı̨ ha sìı nàądè.

Dànì Kèhoį̀wo 28:3

Nǫ̀htsı̨ t'asìı wegha dìì-le sìı nexè sìghà ayııle, eyıts'ǫ dǫ xàgeèɂaa łǫ nets'ǫ xàhohwhıì ayııle.

Dànì Kèhoį̀wo 35:11

Eyıts'ǫ Nǫ̀htsı̨ yets'ǫ̀ hadı, “Nǫ̀htsı̨ t'asìı wegha dìì-le aht'e. Chekoa łǫ nets'ǫ welè. Nets'ıhɂǫ̀ǫ-dǫǫ̀ gots'ǫ dǫ xàgeèɂaa łǫ gǫ̀hłı̨ ha, eyıts'ǫ k'àowocho łǫ nets'ǫ xàhohwhı ha.

Dànì Kèhoį̀wo 43:14

Nǫ̀htsı̨ t'asìı wegha dìì-le sìı eyı k'àowo etenaxeèhɂı̨į̀ ayııle welè. Hanì-ı̨dè naxıchı ı̨łè aìdaa sìı eyıts'ǫ naxıchı Benjamın naxıxè ek'èt'à nageedè agole welì. Ekò sı̨ sìı seza seghǫ gıwhìle nı̨dè hawet'è,” Israel gòhdı.

Dànì Kèhoį̀wo 46:3

“Nǫ̀htsı̨ aht'e, netà Wenǫ̀htsı̨ aht'e,” yèhdı, “Egypt nèk'e ts'ǫ̀ aąde gha nı̨ı̨jı̨-le, ekǫ nets'ıhɂǫ̀ǫ-dǫǫ̀ dǫdeè-xàɂaa gı̨ı̨lı̨į̀ agehłe ha.

Dànì Kèhoį̀wo 48:15

Hanì t'aa Joseph gha nezı̨į̀ xàyaı̨htı, hadı, “Nǫ̀htsı̨, secho Abraham eyıts'ǫ Isaac gık'ę̀ę̀ geedaa sìı, dıı dzęę̀ ts'ǫ̀ sek'èdìı elı̨ı̨ sìı goxè sìghà ayııle, Yak'eet'ı̨į̀ hoìla hazǫǫ̀ ch'à edaxàsį̀ı̨htı̨ı̨ sìı dıı chekoa gıxè sìghà ayııle. Sıızì, secho Abraham eyıts'ǫ Isaac gıızì k'ę̀ę̀ gogıızı welè, eyıts'ǫ dıı nèk'e gıts'ıhɂǫ̀ǫ-dǫǫ̀ łǫ welè,” hadıì xàyaı̨htı.

Dànì Kèhoį̀wo 48:3

Jacob, edeza Joseph ts'ǫ̀ hadı, “Kanan nèk'e Luz gòyeh ekǫ Nǫ̀htsı̨ t'asìı wegha dìì-le sìı sets'ǫ̀ wègoèht'į̀ xè yatı nezı̨ı̨ seghàı̨ɂǫ ı̨lè.

Dànì Kèhoį̀wo 5:22

Metuselah wegǫ̀hłı̨ tł'axǫǫ̀ Enoch taekw'eènǫ (300) xo ts'ǫ̀ Nǫ̀htsı̨ xè aet'į̀. Weza eyıì-le łǫ eyıts'ǫ wetì sı łǫ gòı̨lè.

Dànì Kèhoį̀wo 5:24

Enoch Nǫ̀htsı̨ xè aet'į̀. Eyı tł'axǫǫ̀ Nǫ̀htsı̨ nayìchı t'à wènagoèht'į̀-le.

Dànì Kèhoį̀wo 6:9

Dıı Noah wegodıì hǫt'e: Ekìıyeè k'e Noah dǫ ehkw'ı eda ı̨lè. Dǫ gota nàı̨dèe sìı goxèht'eè ı̨ı̨dà-le, Nǫ̀htsı̨ k'ę̀ę̀ ı̨ı̨dà ı̨lè.

Matthew 19:26

Zezì goghàeda xè hadı, “Dǫ gıgha dìì hǫt'e, hanìkò Nǫ̀htsı̨ sìı wegha t'asìı dìì gǫ̀hłı̨ nıìle,” gòhdı.

Matthew 5:48

Eyıt'à Nǫ̀htsı̨ Naxıtà yak'e whedaa sìı degaı hǫt'e, wexèht'eè naxı̨ sı degaı aaht'e ha hǫt'e.

Luke 1:6

Į̀łak'aà Nǫ̀htsı̨ gha ehkw'ı geeda xè Nǫ̀htsı̨ nàowoò hazǫǫ̀ deghàà gık'į̀ı̨t'e.

Zezì Wecheekeèdeè 23:1

Paul, k'aodèe ehkw'ı goghàeda xè hagòhdı, “Sèot'ı̨ı̨, dıı dzęę̀ ts'ǫ̀ Nǫ̀htsı̨ dànıwǫǫ sìı k'ę̀ę̀ sedzeè t'à ehkw'ı eghàlaıhdà, wek'èehsǫ hǫt'e,” gòhdı.

Zezì Wecheekeèdeè 24:16

Goxè hanì hòɂǫ ha t'à Nǫ̀htsı̨ wenadąą̀ eyıts'ǫ dǫ gınadąą̀ sınì ehkw'ı t'à eghàlaehda ha dehwhǫ.

Ephesus 3:20

Nǫ̀htsı̨ godzeè yìı nàtsoò eghàlaeda k'ę̀ę̀, t'asìı wets'eekèe, hanì-le-ı̨dè gogha dànì eghàlaeda ghǫ nànıts'edè nahk'e nezı̨į̀ goghàlaeda ha wegha dìì nıìle. Wets'ǫ dǫ gıt'ǫ̀ǫ̀ eyıts'ǫ Zezì-Krı wets'ıhɂǫ̀, dǫ hazǫǫ̀ ełetł'axǫǫ̀-geedèe sìı welǫ whìle ts'ǫ̀ Nǫ̀htsı̨ ghàsǫgeedı welè! Amen.

Phılıppı 4:13

Nǫ̀htsı̨ sınì nàtsoò asehɂı̨ı̨ sìı ededı̨ wet'à t'asìı hazǫǫ̀ segha dìì-le hǫt'e.

Hebrew 12:28

Eyıt'à welǫ whìle ts'ǫ̀ Nǫ̀htsı̨ wenàowoò k'ę̀ę̀ hòɂǫǫ goxè hòɂǫǫ̀ adlàa sìı weghǫ masì ts'ı̨ı̨wǫ welì. Nǫ̀htsı̨ wınì k'ę̀ę̀ wegha ts'eeda welì, godzeè t'à wets'ǫ̀ nezı̨į̀ nats'ııɂà, wets'àts'eejı̨ xè weghǫ enehots'ıìhsah welì.

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.