Dànì Kèhoį̀wo 15:13 - Nǫ̀htsı̨ Nı̨htł'è

¹³ Gots'ǫ̀ K'àowo yets'ǫ̀ hadıì hǫt'e, “Hotıì dıı wek'èı̨zǫ: nets'ıhɂǫ̀ǫ-dǫǫ̀ gı̨ı̨lı̨ı̨ sìı xàè gınèè nıìle k'e xàhtǫ lagı̨ı̨t'e ha. Dı̨akw'eènǫ (400) xo ts'ǫ̀ la nàtsoo t'à dagogį̀ı̨hɂa ha.

Dànì Kèhoį̀wo 15:13 ပူးပေါင်းရင်းမြစ်များ

Dànì Kèhoį̀wo 15:16

Dı̨akw'eènǫ (400) xo tł'axǫǫ̀ nets'ıhɂǫ̀ǫ-dǫǫ̀ jǫ ts'ǫ̀ anagede ha. Ekìıyeè k'e nı̨dè Amor got'ı̨į̀ weɂǫ̀ǫ̀ whìle ts'ǫ̀ hołı̨ı̨ hogehtsı̨ ha, eyıt'à nàgeehkwa ha,” gots'ǫ̀ K'àowo Abram ts'ǫ hadı.

Dànì Kèhoį̀wo 17:8

Dıì Kanan nèk'e xàhtǫ lanì wek'e nàądè kò dıı dèè hazǫǫ̀ welǫ whìle ts'ǫ̀ neghaelı̨į̀ ahłe ha. Eyıts'ǫ netł'axǫǫ̀ nets'ıhɂǫ̀ǫ-dǫǫ̀ gı̨ı̨lı̨ı̨ sìı dıı dèè gıghaelı̨į̀ ahłe ha, eyıts'ǫ Sı̨ Gınǫ̀htsı̨ ehłı̨ ha,” yèhdı.

Dànì Kèhoį̀wo 47:4

Eyıts'ǫ hagıìhdı, “Whaà-lea ts'ǫ̀ jǫ nàts'edè ha ats'et'ı̨. Kanan nèk'e sıì bò whìle agòjà. Gots'ǫ tıts'aàdìı gıgha tł'oh whìle t'à jǫ nèts'ı̨ı̨de. Goshen nèk'e ekǫ nàts'edè agoı̨le ha nets'eekè,” gedı.

Zezì Wecheekeèdeè 7:17

“Nǫ̀htsı̨ Abraham ts'ǫ̀ yatı whehtsı̨ı̨ sìı hòt'a wek'ę̀ę̀ agode ha ts'ǫ̀ hawe ekò Egypt nèk'e wets'ıhɂǫ̀ǫ-dǫǫ̀ łǫ ajà.

Galatıa 3:17

Ayìı awèehsı̨ı̨ sìı naxıts'ǫ̀ haehsı̨ ha. Dı̨akw'eènǫ-daats'ǫ̀-taènǫ xo tł'axǫǫ̀ Moses nàowo weghǫ̀zha hǫt'e, hanìkò eyı nàowo nììza t'à Nǫ̀htsı̨ dànì Abraham xè nakenawhehtsı̨ı̨ sìı wedę adlà nıìle, ı̨łaà edeyatıì k'ę̀ę̀ eghàlaeda ha hǫt'e.