Dànì Kèhoį̀wo 14:18 - Nǫ̀htsı̨ Nı̨htł'è

¹⁸ Eyı tł'axǫǫ̀ kǫ̀ta Salem gots'ǫ k'àowocho Melkızedek wìyeh, łèt'è eyıts'ǫ jìetì Abram ts'ǫ̀ yeèwa. Ededı̨ sìı Nǫ̀htsı̨ Enıìyah Deè wets'ǫ yahtıı elı̨ ı̨lè.

Dànì Kèhoį̀wo 14:18 ပူးပေါင်းရင်းမြစ်များ

Zezì Wecheekeèdeè 16:17

Eyı t'eekoa Paul eyıts'ǫ goxı̨ gok'èè k'etło xè hadıì yaìzeh, “Dıı dǫ sìı Nǫ̀htsı̨ wenahk'e gǫ̀hłı̨-le wecheekeè agı̨ı̨t'e. Dànì edaxàts'eedè ha sìı naxıts'ǫ̀ hagedı ha,” hadıì yaìzeh.

Zezì Wecheekeèdeè 7:48

“Hanìkò Nǫ̀htsı̨ wenahk'e gǫ̀hłı̨-le sìı dǫ edılà t'à kǫ̀ gehtsı̨ı̨ sìı yeyìı nàdè nıìle. Nakwenàoɂǫǫ dıı hagedıì gı̨ı̨tł'è ı̨lè:

Galatıa 6:10

Eyıt'à gogha hòɂǫ taàt'eè dǫ hazǫǫ̀ gıts'ǫ̀ nezı̨į̀ eghàlats'ııdà, eyıts'ǫ goxè Nǫ̀htsı̨ wecheekeè gı̨ı̨lı̨ı̨ sìı denahk'e gıts'ǫ̀ nezı̨į̀ eghàlats'ııdà.

Hebrew 5:10

Dànì yahtıı-wet'àaɂàa-deè Melkızedek wììchìı sìı k'ę̀ę̀ Zezì yahtıı-wet'àaɂàa-deè elı̨ ha Nǫ̀htsı̨ yį̀į̀hchì hǫt'e.

Hebrew 5:6

Eyıts'ǫ dıı hanì weghǫ dek'eèhtł'è, “Welǫ whìle ts'ǫ̀ yahtıı anet'e, Melkızedek yahtıı-wet'àaɂàa-deè elı̨ wek'ę̀ę̀ yahtıı anet'e,” dek'eèhtł'è.

Hebrew 6:20

Ekǫ Zezì gonakweè gogha goyaèhtła hǫt'e. Ededı̨ sìı welǫ whìle ts'ǫ̀ Melkızedek wek'ę̀ę̀ yahtıı-wet'àaɂàa-deè whelı̨ hǫt'e.

Hebrew 7:1

Eyı dǫ Melkızedek sìı kǫ̀godeè Salem gogha k'àowocho elı̨ ı̨lè, Nǫ̀htsı̨ wenahk'e gǫ̀hłı̨-le sìı gha yahtıı elı̨ ı̨lè. Abraham, k'àowocho eyıì-le gots'ǫ̀ ełegegǫ t'à goghǫèhnǫ gots'ǫ ek'èt'à naèhtła ekò, Melkızedek yeghaetła t'à yek'eèyaı̨htı ı̨lè.