Dànì Kèhoį̀wo 14:13 - Nǫ̀htsı̨ Nı̨htł'è

¹³ Dǫ ı̨łè goch'à kwı̨èhsaa sìı ekǫ dàgòjàa sìı Hebrew got'ı̨į̀ Abram ts'ǫ̀ hadı. Ekò k'e Abram, Amor got'ı̨į̀ Mamer wets'ǫ ts'ı nechàa nàwheɂaa gà nàde ı̨lè. Eyı dǫ Mamer sìı Eshkol eyıts'ǫ Aner gìot'ı̨ hǫt'e. Eyı dǫ hazǫǫ̀ Abram xè ełets'àgedı gha nàowo gèhtsı̨ ı̨lè.

Dànì Kèhoį̀wo 14:13 ပူးပေါင်းရင်းမြစ်များ

Dànì Kèhoį̀wo 10:16

Jebus got'ı̨į̀, Amor got'ı̨į̀, Gırgash got'ı̨į̀,

Dànì Kèhoį̀wo 13:18

Eyıt'à Abram edenı̨hbàa hazǫǫ̀ nàı̨wa. Hebron nèk'e Amor got'ı̨į̀ Mamer wets'ǫ ts'ı nechàa nàwheɂaa ts'ǫ̀ tàèhtła. Ekǫ gots'ǫ̀ K'àowo ts'ǫ̀ t'asìı k'eehk'ǫ̀ gha kwe ełeka nèyı̨ı̨wa t'à kwe-ladà whehtsı̨.

Dànì Kèhoį̀wo 14:24

T'asìı wı̨ı̨zìı edegha neèhchı ha-le, sets'ǫ dǫ ayìı gıghǫ shèzhee, eyıts'ǫ dǫ sexè agejàa sìı Aner, Eshkol eyıts'ǫ Mamer, t'asìı edegha gìhchìı sìı eyı zǫ,” Abram yèhdı.

Dànì Kèhoį̀wo 18:1

Amor got'ı̨į̀ Mamer wets'ǫ ts'ı nechàa nàwheɂaa ts'ǫ̀ nıwà-le, gots'ǫ̀ K'àowo Abraham ts'ǫ̀ wègoèht'į̀. Dzętanı edı ekìıyeè k'e Abraham edenı̨hbàa gà tı̨ı̨dà wheda ı̨lè.

Dànì Kèhoį̀wo 21:24

Abraham gots'ǫ̀ hadı, “Eyı gha yatı nàtsoo naxıxè whıhtsı̨ hǫt'e,” gòhdı.

Dànì Kèhoį̀wo 21:27

Eyıt'à Abraham, sahzǫ̀ą eyıts'ǫ ejıe Abımelek ghàı̨la, eyıt'à ełexè nàowo gèhtsı̨.

Dànì Kèhoį̀wo 21:32

Bersheba nèk'e nàowo hòèlı̨ tł'axǫǫ̀ k'àowocho Abımelek eyıts'ǫ yegha eghǫǫ-dǫǫ̀ ts'ǫ̀ k'àowo elı̨ı̨ Fıkol, Fılıstea nèk'e ts'ǫ̀ nageèhde.

Dànì Kèhoį̀wo 39:14

dǫ goyìı eghàlagıìdèe sìı goka whezeh, hadı, “Eyı Hebrew got'ı̨į̀ goghàedlò gha gots'ǫ̀ awììdlà! Set'àetè ha segà goyaèhtła ı̨lè, hanìkò hòtł'ò whıhzeh.

Dànì Kèhoį̀wo 40:15

Sınì k'ę̀ę̀-le Hebrew nèk'e gots'ǫ nèsegììchì, eyıts'ǫ jǫ Egypt nèk'e ekǫ-le hòwhıhtsı̨-le kò dǫ-danìı̨laa-kǫ̀ nèsegį̀ı̨htı̨,” Joseph yèhdı.

Dànì Kèhoį̀wo 41:12

Ekǫ Hebrew got'ı̨į̀ ts'ǫ cheko goxè ekǫ wedaàtǫ ı̨lè. Eghǫǫ-dǫǫ̀ gha k'àowo gha eghàlaeda ı̨lè. Ayìı ghǫ nàwìtee sìı wets'ǫ̀ hats'edı t'à į̀łah gogha yek'ayawhehtı.

Dànì Kèhoį̀wo 43:32

Joseph whatsǫǫ̀ shètı̨ ha gıghàı̨dì, ełechıke whatsǫǫ̀ goghàgı̨ı̨dì, eyıts'ǫ Egypt got'ı̨į̀ goxè shègezhee sìı ededı̨ sı whatsǫǫ̀ goghàgı̨ı̨dì. Egypt got'ı̨į̀ gınàowoò k'èch'a ne t'à, Hebrew got'ı̨į̀ xè shègezhe ha dìì.

2 Corınth 11:22

Hebrew got'ı̨į̀ agı̨ı̨t'e ghǫ xàdahogedì nı̨dè sı̨ sı Hebrew got'ı̨į̀ aht'e. Israel got'ı̨į̀ agı̨ı̨t'e nì? Sı̨ sı Israel got'ı̨į̀ aht'e. Abraham wets'ıhɂǫ̀ǫ-dǫǫ̀ agı̨ı̨t'e nì? Sı̨ sı Abraham wets'ıhɂǫ̀ǫ-dǫǫ̀ aht'e hǫt'e.

Phılıppı 2:5

Naxınì Zezì-Krı wınì xèht'e welè.