Dànì Kèhoį̀wo 14:10 - Nǫ̀htsı̨ Nı̨htł'è

¹⁰ Eyı shìhge dèè nıɂàa Sıdım gòyeh sìı ekǫ kwedzeè k'è łǫ gòla, eyıt'à kǫ̀ta Sodom eyıts'ǫ kǫ̀ta Gomorah gots'ǫ k'àowocho kwı̨geèhde ekò gıts'ǫ eghǫǫ-dǫǫ̀ mǫ̀hdaa kwedzeè k'è gòlaa goyìı gı̨ı̨tł'ı, eyıts'ǫ mǫ̀hdaa shìhta ts'ǫ̀ kwı̨geèhde.

Dànì Kèhoį̀wo 14:10 ပူးပေါင်းရင်းမြစ်များ

Dànì Kèhoį̀wo 11:3

Ełets'ǫ̀ hagedı, “Ehtł'è kwe lade gha kwe-satsǫ̀ yìı hòtł'ò et'è ats'ııle,” gedı. Kwe tàet'aa t'à aget'ı̨-le, hanìkò kwe whet'ee t'à aget'ı̨. Eyıts'ǫ kwedzeè t'à kwe ełexıìht'eè agehɂı̨ t'à t'asìı gehtsı̨.

Dànì Kèhoį̀wo 14:11

Eyı k'àowocho dı̨ hogeèhnǫ ts'ıhɂǫ̀ kǫ̀ta Sodom eyıts'ǫ kǫ̀ta Gomorah gots'ǫ t'asìı łǫ negı̨į̀wa, eyıts'ǫ gıghǫ shèzhee sı hazǫǫ̀ negı̨į̀wa tł'axǫǫ̀ nageèhde.

Dànì Kèhoį̀wo 14:17

Abram, k'àowocho Kedorlomer, eyıts'ǫ wexè k'àowocho eyıì-le goghǫèhnǫ gots'ǫ nǫ̀ǫtła ekò, kǫ̀ta Sodom gots'ǫ k'àowocho shìhge dèè nıɂàa Shaveh gòyeh (dıì K'àowocho Gıts'ǫ Shìhge Dèè Nıɂàa gòyeh) ekǫ Abram ts'ǫ̀ èhtła.

Dànì Kèhoį̀wo 14:21

Kǫ̀ta Sodom gots'ǫ k'àowocho Abram ts'ǫ̀ hadı, “Sı̨ t'aa dǫ seghàgı̨ı̨le. Eyı wedę t'asìı hazǫǫ̀ edegha wek'èı̨dì,” yèhdı.

Dànì Kèhoį̀wo 14:3

K'àowocho sı̨làı nǫǫde gıts'ìzıı sìı ełets'àgedı gha gıts'ǫ eghǫǫ-dǫǫ̀ łetagı̨ı̨wa. Shìhge dèè nıɂàa Sıdım gòyeh, ekǫ ełegegǫ gha łą̀ą ełègı̨ı̨de.

Dànì Kèhoį̀wo 14:9

Kǫ̀ta Elam gots'ǫ k'àowocho Kedorlomer, kǫ̀ta Goyım gots'ǫ k'àowocho Tıdal, kǫ̀ta Shınar gots'ǫ k'àowocho Amrafel, eyıts'ǫ kǫ̀ta Elasa gots'ǫ k'àowocho Arok ts'ǫ̀ ełegegǫ gha sınìgı̨ı̨de. Eyı k'àowocho dı̨ nǫǫde sìı k'àowocho sı̨làı ts'ǫ̀ ełegegǫ ha.

Dànì Kèhoį̀wo 19:17

Xàgogeèwa ts'ǫ̀et'ıì eyı dǫ ı̨łè hagòhdı, “Jǫ gots'ǫǫ̀ kwı̨ahdè, edaxàahdè! Ek'èt'à k'eaht'į̀-le eyıts'ǫ dèè goı̨tłoa k'e nìahdè-le! Yeè shìh ta ts'ǫ̀ kwı̨ahdè, hanì-le-ı̨dè ełaahde ha!” gòhdı.

Dànì Kèhoį̀wo 19:30

Lot kǫ̀ta Zoyar nàdè ha dejı̨ t'à edetì nàke xè shìhta nàdè. Edetì nàke xè kwe yìı gòɂǫǫ yìı nàdè.