Dànì Kèhoį̀wo 13:8 - Nǫ̀htsı̨ Nı̨htł'è

⁸ Eyıt'à Abram edesah Lot ts'ǫ̀ hadı, “Ełèot'ı̨ ats'ı̨ı̨t'e t'à ełek'èch'a ats'ııdì-le. Sets'ǫ tıts'aàdìı-k'èdìı-dǫǫ̀, eyıts'ǫ nets'ǫ tıts'aàdìı-k'èdìı-dǫǫ̀ ełek'èch'a hogıhtsį̀-le.

Dànì Kèhoį̀wo 13:8 ပူးပေါင်းရင်းမြစ်များ

Dànì Kèhoį̀wo 13:9

Jǫ dèè haı̨hcho gonadąą̀ wheɂǫ hǫt'e. Ełets'ǫǫ̀ ats'ııde. Sa kàɂàa ts'ǫnèe anejà nı̨dè sı̨ dą̀ą ts'ǫnèe ahde ha. Ekò nı̨ dą̀ą ts'ǫnèe anejà nı̨dè sı̨ sa kàɂàa ts'ǫnèe ahde ha,” hadı.

Dànì Kèhoį̀wo 14:14

Eyıt'à Abram wesah nıgıìchì ghǫ godı ıìkw'o ekò wecheekeè gıts'ıhɂǫ̀ǫ-dǫǫ̀ sìı taekw'eènǫ-daats'ǫ̀-hoònǫ-daats'ǫ̀-ek'èdı̨ (318) dǫ haàtłǫǫ ełegegǫ gha hoghàgeètǫǫ sìı gokayaı̨htı gà kǫ̀ta Dan gòyeh haı̨wa ts'ǫ̀ k'àowocho dı̨ Lot nıgıìchìı sìı k'è geède.

Dànì Kèhoį̀wo 45:24

Eyı tł'axǫǫ̀ Joseph edı̨ı̨de nagoèhɂà. Nageedè ha nìkw'o ekò gots'ǫ̀ hadı, “Ek'èt'à nàahdè nı̨dè ełets'ǫ̀ nàyaahtı-le,” gòhdı.

Dànì Kèhoį̀wo 46:34

wets'ǫ̀ dıı haahdı nǫǫ̀, ‘K'àowo, chekoa ts'ı̨ı̨lı̨ gots'ǫ ejıe eyıts'ǫ sahzǫ̀ą k'èts'edì, gocho hagıat'į̀ lanì,’ wèahdı nǫǫ̀. Hanì-ı̨dè Goshen nèk'e nàahdè anaxele ha. Tıts'aàdìı-k'èdìı-dǫǫ̀ gots'ǫ̀ nıwà-le nàgedèe Egypt got'ı̨į̀ gıgha nezı̨-le hǫt'e,” Joseph gòhdı.

Matthew 5:9

Amìı dǫ xè ts'èwhı̨į̀ hogehtsı̨ı̨ sìı gıxè sìghà hǫt'e; Nǫ̀htsı̨ weza gìyeh ha.

Zezì Wecheekeèdeè 7:26

Ek'èdaedzęę̀ k'e Moses Israel got'ı̨į̀ nàke ełek'aàgedè, goghǫ nììtła. Ełets'ǫ̀ gınì nezı̨į̀ agole ha nıwǫ t'à, gots'ǫ̀ hadı, ‘Sèot'ı̨ı̨, ełechı aaht'e, dànìghǫ ełek'aahdè?’ gòhdı.

Rome 12:10

Ełèot'ı̨ lanì naxıdzeè t'à ełeghǫnıahtǫ. Edenahk'e dǫ eyıì-le gıt'àhoòɂà dahwhǫ ha hǫt'e.

Phılıppı 2:14

T'asìı hazǫǫ̀ weghàlaahdaa sìı weghǫ sǫahdı-le eyıts'ǫ ełets'ǫ̀ nàyaahtı-le xè haahɂı̨.

1 Thessalonıca 4:9

Nǫ̀htsı̨ ededı̨ ełeghǫnıahtǫ ghǫ hoghànaxeèhtǫ ı̨lè, eyıt'à ełèot'ı̨ k'ę̀ę̀ ełeghǫnıahtǫ ghǫ naxıts'ǫ̀ ts'eetł'è-le kò.

Hebrew 12:14

Dǫ hazǫǫ̀ xè ts'èwhı̨į̀ aahda, eyıts'ǫ nàowo degaı k'ę̀ę̀ aahda gha hòtł'ò eghàlaahda. Dǫ wı̨ı̨zìı nàowo degaı k'ę̀ę̀ eda lenǫsıı gots'ǫ̀ K'àowo eɂį̀ ha nıìle.

Hebrew 13:1

Xàè ełèot'ı̨ lanì t'aats'ǫǫ̀ ełeghǫnıahtǫ.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 Peter 2:17

Nezı̨į̀ ełets'ǫ̀ naahɂa xè dıı hanì aahda: Amìı naxıxèht'eè gıgha ehkw'ı-ahodıı sìı gıghǫnıahtǫ, Nǫ̀htsı̨ wek'èaht'e, eyıts'ǫ k'àowocho wets'ǫ̀ nezı̨į̀ naahɂa.

1 Peter 3:8

Nǫǫde t'à naxıts'ǫ̀ dıı haehsı̨ ha dehwhǫ: ts'èwhı̨į̀ ełexè aahdaa; ełets'ǫ̀ naxıdzeè nezı̨ı̨ aaht'ı̨ı̨, ełèot'ı̨ lanì ełeghǫnıahtǫǫ, etełeahɂı̨ı̨ eyıts'ǫ xàhoahdì-le k'ę̀ę̀ ełets'ǫ̀ naahɂa.

1 Peter 4:8

T'asìı hazǫǫ̀ nahk'e ełeghǫnıahtǫ. Ełeghǫnets'eètǫ nı̨dè hołı̨ı̨ łǫ whìle ats'ehɂį̀.

2 Peter 1:7

Nǫ̀htsı̨ wınì k'ę̀ę̀ aahdaa sìı wexè naxèot'ı̨ gıts'ǫ̀ naxıdzeè nezı̨ aaht'ı̨, eyıts'ǫ naxèot'ı̨ gıts'ǫ̀ naxıdzeè nezı̨ wexè ełeghǫnıahtǫ.

1 John 4:7

Eyıt'à, seàgı̨ą, ełeghǫnets'ìıtǫ̀, ełeghǫnets'eètǫǫ sìı Nǫ̀htsı̨ wets'ǫ ne t'à. Amìı ełeghǫnegeètǫǫ sìı Nǫ̀htsı̨ gots'ǫ gıgǫ̀hłı̨ agı̨ı̨t'e, eyıts'ǫ Nǫ̀htsı̨ k'ègeezǫ hǫt'e.