Dànì Kèhoį̀wo 12:5 - Nǫ̀htsı̨ Nı̨htł'è

⁵ Edets'èkeè Sarayı eyıts'ǫ edesah Lot edexè ayį̀į̀là. Kǫ̀ta Haran gots'ǫ t'asìı ehkègìı̨laa eyıts'ǫ ekǫ gots'ǫ dǫ gogha eghàlageedaa nàgoèhdìı sìı edexè agį̀į̀là. Kanan nèk'e ts'ǫ̀ nageèhde eyıts'ǫ ekǫ nègı̨ı̨de.

Dànì Kèhoį̀wo 12:5 ပူးပေါင်းရင်းမြစ်များ

Dànì Kèhoį̀wo 10:19

Eyıt'à gınèè sìı kǫ̀ta Sıdon gots'ǫ kǫ̀ta Gerar gots'ǫ̀ nıɂà, eyıts'ǫ kǫ̀ta Gaza haı̨wa ts'ǫ̀, eyıts'ǫ kǫ̀ta Sodom, kǫ̀ta Gomorah, kǫ̀ta Admah, eyıts'ǫ kǫ̀ta Zeboyım gots'ǫ̀ nıɂà, eyıts'ǫ kǫ̀ta Lasha haı̨wa ts'ǫ̀ gınèè nıɂà hǫt'e.

Dànì Kèhoį̀wo 11:27

Dıı sìı Terah wegodıì hǫt'e: Terah weza taı gǫ̀hłı̨, Abram, Nahor eyıts'ǫ Haran gìyeh. Haran ededı̨ sìı Lot wetà hǫt'e.

Dànì Kèhoį̀wo 11:31

Terah edeza Abram, eyıts'ǫ edekwı Lot (Haran weza) eyıts'ǫ weza ts'èkeè Sarayı edexè goòwa. Kanan nèk'e ts'ǫ̀ agede ha gı̨ı̨wǫ t'à Kaldea got'ı̨į̀ gınèk'e kǫ̀godeè Ur gòyeh gots'ǫǫ̀ xàgeède. Hanìkò kǫ̀godeè Haran gòyeh ts'ǫ̀ nègı̨ı̨de ekò ekǫ nàgedè agejà.

Dànì Kèhoį̀wo 13:5

Ekìıyeè k'e Lot edeɂeh Abram xè at'ı̨ ı̨lè. Ededı̨ sı sahzǫ̀ą, ejıe, eyıts'ǫ tł'ǫhbàa łǫ wets'ǫ.

Dànì Kèhoį̀wo 13:6

Hanìkò eyı dèè k'e ełexè nàgedèe sìı gıgha gòɂǫ-le agòjà. Sıì tıts'aàdìı łǫ gıts'ǫ t'à ełexè nàgedè ha dìì agòjà.

Dànì Kèhoį̀wo 14:14

Eyıt'à Abram wesah nıgıìchì ghǫ godı ıìkw'o ekò wecheekeè gıts'ıhɂǫ̀ǫ-dǫǫ̀ sìı taekw'eènǫ-daats'ǫ̀-hoònǫ-daats'ǫ̀-ek'èdı̨ (318) dǫ haàtłǫǫ ełegegǫ gha hoghàgeètǫǫ sìı gokayaı̨htı gà kǫ̀ta Dan gòyeh haı̨wa ts'ǫ̀ k'àowocho dı̨ Lot nıgıìchìı sìı k'è geède.

Dànì Kèhoį̀wo 14:21

Kǫ̀ta Sodom gots'ǫ k'àowocho Abram ts'ǫ̀ hadı, “Sı̨ t'aa dǫ seghàgı̨ı̨le. Eyı wedę t'asìı hazǫǫ̀ edegha wek'èı̨dì,” yèhdı.

Dànì Kèhoį̀wo 28:10

Jacob Bersheba nèk'e gots'ǫ naèhtła, kǫ̀ta Haran ts'ǫ̀ dèhtła.

Dànì Kèhoį̀wo 36:6

Esau, edets'èkeè, edeza, edetì eyıts'ǫ dǫ hazǫǫ̀ gıxè nàdèe sìı xè tàèhtła. Edets'ǫ tıts'aàdìı eyıts'ǫ t'asìı hazǫǫ̀ Kanan nèk'e gots'ǫ ełèyį̀ı̨laa sìı edexè ayį̀į̀là gà edechı Jacob ts'ǫǫ̀ nıwà eyıì-le nèk'e ts'ǫ̀ tàèhtła.

Zezì Wecheekeèdeè 7:4

“Eyıt'à Abraham Chaldean got'ı̨į̀ gınèè gots'ǫǫ̀ xàèhtła gà Haran nèk'e nàı̨dè. Abraham wetà ełaı̨wo tł'axǫǫ̀ Nǫ̀htsı̨ jǫ ts'ǫ̀ ayį̀į̀là. Dıì eyı dèè wek'e nàts'edè hǫt'e.