Dànì Kèhoį̀wo 12:16 - Nǫ̀htsı̨ Nı̨htł'è

¹⁶ K'àowocho, Sarayı wets'ıhɂǫ̀ Abram ts'ǫ̀ nezı̨į̀ nageɂa. Sahzǫ̀ą eyıts'ǫ ejıe łǫ gıghàı̨la, eyıts'ǫ tłı̨tsoa werezhıì eyıts'ǫ wedets'è łǫ gıghàı̨la, eyıts'ǫ dǫzhìı eyıts'ǫ ts'èko eghàlageedaa-dǫǫ̀ łǫ gıghàı̨la, eyıts'ǫ tıts'aàdìıcho t'asìı k'elee hanıı sı łǫ gıghàı̨la.

Dànì Kèhoį̀wo 12:16 ပူးပေါင်းရင်းမြစ်များ

Dànì Kèhoį̀wo 13:2

Abram sahzǫ̀ą eyıts'ǫ ejıe łǫ wets'ǫ ajà, sǫǫ̀mba degoo eyıts'ǫ sǫǫ̀mbaekwo łǫ wets'ǫ t'à dǫ ahxee whelı̨.

Dànì Kèhoį̀wo 13:6

Hanìkò eyı dèè k'e ełexè nàgedèe sìı gıgha gòɂǫ-le agòjà. Sıì tıts'aàdìı łǫ gıts'ǫ t'à ełexè nàgedè ha dìì agòjà.

Dànì Kèhoį̀wo 16:1

Abram wets'èkeè Sarayı wezaa gòı̨lè-le, hanìkò ts'èko yegha eghàlaedaa elı̨ı̨ sìı Hagar wìyeh. Eyı ts'èko sìı Egypt got'ı̨į̀ gots'ǫ hǫt'e.

Dànì Kèhoį̀wo 20:14

Eyı tł'axǫǫ̀ Abımelek sahzǫ̀ą, ejıe, eyıts'ǫ dǫzhìı, ts'èko gıgha eghàlageedaa gı̨ı̨lı̨ ha sìı Abraham ghàı̨la, eyıts'ǫ wets'èkeè Sarah yeghǫı̨htı̨.

Dànì Kèhoį̀wo 24:35

Gots'ǫ̀ K'àowo sìı sets'ǫ̀ k'àowo Abraham xè sìghà hòɂǫǫ̀ ayį̀į̀là t'à dǫ ahxee whelı̨. Sahzǫ̀ą, ejıe, sǫǫ̀mba degoo, eyıts'ǫ sǫǫ̀mbaekwo yeghàı̨la. Eyıts'ǫ eghàlageedaa-dǫǫ̀, dǫzhìı sı, ts'èko sı, tıts'aàdìıcho, eyıts'ǫ tłı̨tsoa yeghàı̨la hǫt'e.

Dànì Kèhoį̀wo 26:14

Sahzǫ̀ą eyıts'ǫ ejıe łǫ wets'ǫ eyıts'ǫ wecheekeè łǫ t'à Fılıstea got'ı̨į̀ gıghǫ ts'ohogeedı.

Dànì Kèhoį̀wo 30:43

Hanì t'aa Jacob dǫ ahxee-deè whelı̨. Tıts'aàdìı łǫ wets'ǫ, ts'èko eyıts'ǫ dǫzhìı gıgha eghàlaedaa łǫ wets'ǫ, eyıts'ǫ tıts'aàdìıcho eyıts'ǫ tłı̨tsoa sı łǫ wets'ǫǫ̀ ajà.

Dànì Kèhoį̀wo 32:5

Ejıe eyıts'ǫ tłı̨tsoa, sahzǫ̀ą eyıts'ǫ ejıetsoa sets'ǫ, eyıts'ǫ segha eghàlageedaa-dǫǫ̀ dǫzhìı sı, ts'èko sı sets'ǫ. Seghǫ nınà ha dehwhǫ t'à dıı godı nets'ǫ̀ nìıhɂǫ hǫt'e,’ Esau ts'ǫ̀ haahdı,” Jacob gòhdı.

Luke 12:45

Ekò edahxǫ eyı dǫ edets'ǫ̀ dıı hadı, ‘Sets'ǫ̀ k'àowo whaà nı̨dè jǫ nǫ̀ǫtła ha ne,’ hadı t'à k'àowo wecheekeè dagǫ̀ǫhɂa eyıts'ǫ shètı̨ xè yedǫ zǫ k'alawo.