Dànì Kèhoį̀wo 10:32 - Nǫ̀htsı̨ Nı̨htł'è

³² Eyı hazǫǫ̀ Noah weza gıts'ıhɂǫ̀ǫ-dǫǫ̀ agı̨ı̨t'e. Hazǫǫ̀ gıcho gıızì k'ę̀ę̀ ełek'èdaà gıadè. Tı dèè goteètł'ı tł'axǫǫ̀ eyı dǫ xàgeèɂaa haàtłǫǫ sìı hazǫǫ̀ nèk'e ts'ǫ̀ ehkègı̨ı̨de.

Dànì Kèhoį̀wo 10:32 ပူးပေါင်းရင်းမြစ်များ

Dànì Kèhoį̀wo 10:1

Dıı godı dek'eèhtł'èe sìı Noah weza Shem, Ham eyıts'ǫ Jafet gıgodıì hǫt'e: Tı dèè goteètł'ı tł'axǫǫ̀ ededı̨ sı gıza łǫ gòı̨lè.

Dànì Kèhoį̀wo 10:20

Eyı dǫ haàtłǫǫ xàgeèɂaa sìı Ham wets'ıhɂǫ̀ǫ-dǫǫ̀ agı̨ı̨t'e. Edèot'ı̨ k'ę̀ę̀ gıızì gǫ̀hłı̨ eyıts'ǫ hazǫǫ̀ edeyatıì k'ę̀ę̀ gogede, eyıts'ǫ hazǫǫ̀ edenèk'e nàgedè.

Dànì Kèhoį̀wo 10:25

Eber weza nàke gǫ̀hłı̨: Įłè Peleg wìyeh. Ekò k'e dǫ ełets'ǫǫ̀ agejà t'à hawìyeh adlà. Peleg wechı Joktan wìyeh.

Dànì Kèhoį̀wo 10:31

Eyı dǫ haàtłǫǫ xàgeèɂaa sìı Shem wets'ıhɂǫ̀ǫ-dǫǫ̀ agı̨ı̨t'e. Edèot'ı̨ k'ę̀ę̀ gıızì gǫ̀hłı̨ eyıts'ǫ hazǫǫ̀ edeyatıì k'ę̀ę̀ gogede, eyıts'ǫ hazǫǫ̀ edenèk'e nàgedè.

Dànì Kèhoį̀wo 10:5

(Dǫ tıcho gà nàgedèe sìı eyı dǫ haàtłǫǫ gıts'ıhɂǫ̀ǫ-dǫǫ̀ agı̨ı̨t'e. Hazǫǫ̀ edenèk'e, gıts'ǫ dǫ xàgeèɂaa ta edèot'ı̨ xè łą̀ą nàgedè, eyıts'ǫ edeyatıì k'ę̀ę̀ gogede.)

Dànì Kèhoį̀wo 11:1

Ekìıyeè k'e dıı nèk'e dǫ hazǫǫ̀ yatı ı̨łè zǫ t'à gogede ı̨lè, eyıt'à dǫ hazǫǫ̀ ełegıìkw'o ı̨lè.

Dànì Kèhoį̀wo 9:1

Nǫ̀htsı̨ Noah xè eyıts'ǫ weza sı xè sìghà xàyaı̨htı, hagòhdı, “Dıı nèk'e hazǫǫ̀ ts'ǫ̀ naxıts'ıhɂǫ̀ǫ-dǫǫ̀ łǫǫ̀ awede.

Dànì Kèhoį̀wo 9:19

Eyı Noah weza taı sìı gıts'ıhɂǫ̀ǫ-dǫǫ̀ gots'ǫ dǫ hazǫǫ̀ dıı nèk'e ts'ǫ̀ ajà.

Dànì Kèhoį̀wo 9:7

Naxıza łǫ gǫ̀hłı̨ xè naxıts'ıhɂǫ̀ǫ-dǫǫ̀ łǫǫ̀ awede. Dıı nèk'e hazǫǫ̀ ts'ǫ̀ wek'e nàahdè,” Nǫ̀htsı̨ gòhdı.

Zezì Wecheekeèdeè 17:26

Dǫ ı̨łè gots'ǫ, dǫ hazǫǫ̀ xàɂaa whehtsı̨ hǫt'e eyıts'ǫ dıı nèk'e hazǫǫ̀ nàgedè ha agǫ̀ǫ̀là. Dàwhaà geeda ha sìı goghàhòı̨ɂǫ eyıts'ǫ edı̨į̀ nàgedèe ha sìı goghàhòı̨ɂǫ hǫt'e.