Dànì Kèhoį̀wo 1:3 - Nǫ̀htsı̨ Nı̨htł'è

³ Nǫ̀htsı̨ “Dzęh agoıde,” hadı, eyıt'à dzęh agòjà.

Dànì Kèhoį̀wo 1:3 ပူးပေါင်းရင်းမြစ်များ

Dànì Kèhoį̀wo 2:4

Dıı godı sìı Nǫ̀htsı̨ yak'e eyıts'ǫ dèè whehtsı̨ı̨ wegodıì hǫt'e. Nǫ̀htsı̨ yak'e eyıts'ǫ dèè whehtsı̨ ekò, dıı hanì eghàlaı̨dà hǫt'e:

Matthew 8:3

Zezì edılà dǫ k'e ayį̀į̀là, hayèhdı, “Hęɂę, hahwhǫ! K'aàt'ıì anede!” yèhdı. Ekòet'ıì wekwǫ̀ tàda whìle ajà.

John 1:5

Togoòtł'òo yìı dzęh nı̨ı̨dı̨, hanìkò dǫ gıgha togoòtł'òo t'à dzęh nı̨ı̨dı̨ı̨ nıgeedì-le.

John 1:9

Dzęh wedeèdlı̨ı̨ wet'à dǫ hazǫǫ̀ gha dzęh agode ha sìı dıı nèk'e dǫ ts'ǫ̀ ajà.

John 11:43

Zezì hadı tł'axǫǫ̀ hòtł'ò whezeh, “Lazarus, xàı̨tłe!” hadı.

John 3:19

Dıı hanì hòɂǫ ts'ıhɂǫ̀ Nǫ̀htsı̨ dǫ sınìyaehtı hǫt'e: Dzęh dıı nèk'e ts'ǫ̀ ajà, hanìkò dǫ nàowołı̨ı̨ k'ę̀ę̀ eghàlageeda ts'ıhɂǫ̀ to gıgha denahk'e nezı̨.

2 Corınth 4:6

Nǫ̀htsı̨ hadı, “Togoòtł'òo yìı gots'ǫ dzęh xàı̨dı̨į̀ awede,” hadıı sìı godzeè yìı dzęh nı̨ı̨dı̨į̀ ayį̀į̀là, eyı ts'ıhɂǫ̀ Zezì-Krı weghàts'eeda nı̨dè Nǫ̀htsı̨ dànì enıìyah elı̨ı̨ sìı wek'èts'eezǫ ats'et'į̀.

Ephesus 5:14

Eyı dzęę̀ sìı wet'à t'asìı hazǫǫ̀ wègaat'ı̨ at'į̀ hǫt'e. Eyıt'à dıı hanì dek'eèhtł'è, “Nı̨ wheętı̨ı̨ sìı ts'enewı, naìdà anede, hanì-ı̨dè Zezì-Krı dzęh nek'e nı̨ı̨dı̨į̀ ayele ha,” dek'eèhtł'è.

Ephesus 5:8

Įnę̀ę sìı naxı̨ sı naxıxè togoòtł'ò ı̨lè, hanìkò dıì sìı gots'ǫ̀ K'àowo wets'ıhɂǫ̀ naxıxè dzęh agòjà. Eyıt'à dǫ gıxè dzęh agǫ̀ht'e lanì aahda.

1 Tımothy 6:16

Nǫ̀htsı̨ ededı̨ zǫ ełaàwı-le sìı sadeè nàtso lanì wehòhɂǫ t'à dǫ wı̨ı̨zìı yets'ǫ̀ nıwà-le ade ha dìì, eyıt'à dǫ wı̨ı̨zìı yaɂı̨ whìle eyıts'ǫ dǫ wı̨ı̨zìı yeɂį̀ ha dìì. Ededı̨ weghàsǫts'eedı welè, eyıts'ǫ welǫ whìle ts'ǫ̀ gots'ǫ̀ K'àowo enıìyah t'à nàtso welè. Amen.

1 John 1:5

Dıı wegodıì ts'ıìkw'oo sìı naxıts'ǫ̀ hats'edı hǫt'e. Dıı wegodıì hǫt'e: Nǫ̀htsı̨ sìı dzęh hǫt'e, wexè togoòtł'òo whìle.

1 John 2:8

Hanìkò dıì nàowo gòò ghǫ naxıts'ǫ̀ eehtł'è. Wenàowoò ehkw'ıı sìı Zezì wexè wheɂǫ eyıts'ǫ naxı̨ sı naxıxè wheɂǫ wègaat'ı̨ hǫt'e. Togoòtł'òo hòɂǫǫ sìı whìle agodaade eyıts'ǫ dzęh wedeèdlı̨ı̨ sìı hòt'a gok'e hodàsaı̨dı̨į̀ ajà.