Dànì Kèhoį̀wo 1:26 - Nǫ̀htsı̨ Nı̨htł'è

²⁶ Eyı tł'axǫǫ̀ Nǫ̀htsı̨ hadı, “Gok'ę̀ę̀ dǫ ts'ııhtsı̨, goxèht'e ha. Tıcho yìı nàdèe hazǫǫ̀, yat'a k'edèe hazǫǫ̀, tıts'aàdìı wek'èhodìı hazǫǫ̀, hǫt'ıì dèè k'e eyıts'ǫ t'asìı hazǫǫ̀ dèè k'e k'eɂàa sìı ts'ǫ̀ k'àowo ha,” hadı.

Dànì Kèhoį̀wo 1:26 ပူးပေါင်းရင်းမြစ်များ

Dànì Kèhoį̀wo 11:7

Gıts'ǫ̀ ats'ııde, gıyatıì eładı̨ı̨ xàɂaa ats'ııle, hanì-ı̨dè ełegıìkw'o ha-le,” hadı.

Dànì Kèhoį̀wo 2:19

Gots'ǫ̀ K'àowo Nǫ̀htsı̨ tıts'aàdìı hazǫǫ̀ eyıts'ǫ t'asìı hazǫǫ̀ yat'a k'edèe sìı dèè gots'ǫ ehtł'è t'à gòèhtsı̨ hǫt'e. Tıts'aàdìı hazǫǫ̀ whehtsı̨ı̨ sìı dǫ dànì goızì yehtsı̨ ha nıwǫ t'à, yets'ǫ̀ nègòı̨wa. Tıts'aàdìı dànì goızıı sìı k'ę̀ę̀ gıızì gǫ̀hłı̨į̀ ajà.

Dànì Kèhoį̀wo 3:22

Eyıts'ǫ gots'ǫ̀ K'àowo Nǫ̀htsı̨ hadı, “Dıı dǫ, nàowo nezı̨ı̨ eyıts'ǫ nàowo nezı̨-le k'èhoezǫ t'à goxèht'eè lajà. Ts'ı wet'à ts'eedaa gots'ǫ jìecho yııɂà sǫ̀ǫ̀, yı̨ı̨ɂà nı̨dè welǫ whìle ts'ǫ̀ eda ha,” hadı.

Dànì Kèhoį̀wo 5:1

Dıı godı sìı Adam eyıts'ǫ wets'ıhɂǫ̀ǫ-dǫǫ̀ gıgǫ̀hłı̨ı̨ sìı gıgodıì dek'eèhtł'è hǫt'e. Nǫ̀htsı̨ dǫ whehtsı̨ ekò edexèht'eè dǫ whehtsı̨ ı̨lè.

Dànì Kèhoį̀wo 9:6

“Dǫ ts'ıhɂǫ̀ dǫ wedoò xàı̨tł'ı nı̨dè dǫ ayį̀į̀làa sìı dǫ t'à wedoò xàtł'ì ha, Nǫ̀htsı̨ edexèht'eè dǫ whehtsı̨ ne t'à.

John 14:23

Zezì yets'ǫ̀ hadı, “Dǫ seghǫneètǫ nı̨dè seyatıì k'èı̨t'e ha. Setà yeghǫneètǫ ha, wets'ǫ̀ ats'ede ha, eyıts'ǫ wexè ats'ı̨ı̨t'e ha.

John 5:17

“Nǫ̀htsı̨ Dzęę̀ k'e kò Setà t'aats'ǫǫ̀ edılaà ghàlaeda hǫt'e t'à, sı̨ sı t'aats'ǫǫ̀ eghàlaehda hǫt'e,” Zezì gòhdı.

Zezì Wecheekeèdeè 17:20

Nàowo ładı̨ı̨ gota k'eneɂaa sìı wenıts'eedì-le, ayìı dàı̨dıı sìı wek'èts'eezǫ ha ts'ı̨ı̨wǫ,” gıìhdı.

Zezì Wecheekeèdeè 17:26

Dǫ ı̨łè gots'ǫ, dǫ hazǫǫ̀ xàɂaa whehtsı̨ hǫt'e eyıts'ǫ dıı nèk'e hazǫǫ̀ nàgedè ha agǫ̀ǫ̀là. Dàwhaà geeda ha sìı goghàhòı̨ɂǫ eyıts'ǫ edı̨į̀ nàgedèe ha sìı goghàhòı̨ɂǫ hǫt'e.

1 Corınth 11:7

Dǫzhìı sìı Nǫ̀htsı̨ enıìyah wehòhɂǫ k'ę̀ę̀ wehòèlı̨ ne t'à, edekwì k'e t'asìı whehchì ha nıìle, hanìkò ts'èko sìı dǫzhìı enıìyah wehòhɂǫ k'ę̀ę̀ wehòèlı̨ hǫt'e.

2 Corınth 3:18

Goxı̨ sìı goınì k'e ɂehtł'ı̨ whehchìı nıìle, gots'ǫ̀ K'àowo dànì enıìyah elı̨ı̨ sìı gok'e saı̨dı̨ hǫt'e. Gots'ǫ̀ K'àowo, Įnì Degaı elı̨ı̨ sìı godzeè yìı eładı̨į̀ agohɂį̀, eyıt'à denahk'e wexèht'eè ats'et'į̀ agohɂı̨.

2 Corınth 4:4

Wehłı̨ı̨ dıı nèè gha k'àowo elı̨ı̨ sìı dǫ gıgha ehkw'ı-ahodı-le sìı gınì t'à gıgha xègaat'ı̨-le agǫ̀ǫ̀là. Eyıt'à Zezì-Krı wegodıì nezı̨ı̨ ts'ıhɂǫ̀ dǫ xè dzęh hòɂǫǫ sìı gıgha wègaat'ı̨ ha dìì, eyıts'ǫ Zezì-Krı enıìyah wehòhɂǫ xè hotıì Nǫ̀htsı̨ xèht'eè wègaat'ı̨ı̨ sìı, gınıedì ha dìì hǫt'e.

Ephesus 4:24

eyıts'ǫ dǫgòò lanì aahda ha hoghànaxeètǫ ı̨lè. Nǫ̀htsı̨ k'ę̀ę̀ hotıì ehkw'ı aahda xè degaı aaht'e ha naxıhòèlı̨ hǫt'e.

Colosse 1:15

Nǫ̀htsı̨-Gotà gogha wègaat'ı̨-le, hanìkò Weza yexèht'eè wègaat'ı̨ hǫt'e. Weza sìı t'akwełǫ̀ǫ̀ hǫt'e eyıts'ǫ t'asìı hazǫǫ̀ hòèlı̨ı̨ sìı ts'ǫ̀ K'àowo.

Colosse 3:10

Goht'ǫ gòò yìı aahde laahjà, Nǫ̀htsı̨ gòèhtsı̨ı̨ sìı deghàà wek'èahsǫǫ̀ aahjà, eyıts'ǫ wexèht'eè aahdaà aahjà.

James 3:7

Tıts'aàdìı hazǫǫ̀ xàɂaa, t'asìı yat'a k'edèe, gòo eyıts'ǫ tı yìı t'asìı nàdèe, eyı hazǫǫ̀ dǫ hoghàgogeèhtǫ t'à gok'èagı̨ı̨t'e.

James 3:9

Gowalıì t'à Nǫ̀htsı̨-Gotà weghàsǫts'eedı, hanìkò eyı gowalıì et'ıì t'à dǫ Nǫ̀htsı̨ k'ę̀ę̀ gıhòèlı̨ı̨ sìı gıts'ǫ̀ nàdahots'eeɂà.

1 John 5:7

T'asìı taı xàyagehtı hǫt'e: