Dànì Kèhoį̀wo 1:24 - Nǫ̀htsı̨ Nı̨htł'è

²⁴ Eyıts'ǫ Nǫ̀htsı̨ hadı, “Dıı nèk'e t'asìı hazǫǫ̀ godìı xàɂaa gǫ̀hłı̨į̀ awede: tıts'aàdìı gık'èhodìı, tıts'aàdìı whatsǫǫ̀ edeedaa, dèè k'e k'eɂàa lanıı, hazǫǫ̀ ełek'ę̀ę̀ gıgǫ̀hłı̨į̀ awede,” hadı, eyıt'à hagòjà.

Dànì Kèhoį̀wo 1:24 ပူးပေါင်းရင်းမြစ်များ

Dànì Kèhoį̀wo 1:23

Xèhts'ǫ̀ eyıts'ǫ k'omǫǫ̀dǫǫ̀ agòjà; sı̨làı dzęę̀ k'ehǫǫwo.

Dànì Kèhoį̀wo 2:19

Gots'ǫ̀ K'àowo Nǫ̀htsı̨ tıts'aàdìı hazǫǫ̀ eyıts'ǫ t'asìı hazǫǫ̀ yat'a k'edèe sìı dèè gots'ǫ ehtł'è t'à gòèhtsı̨ hǫt'e. Tıts'aàdìı hazǫǫ̀ whehtsı̨ı̨ sìı dǫ dànì goızì yehtsı̨ ha nıwǫ t'à, yets'ǫ̀ nègòı̨wa. Tıts'aàdìı dànì goızıı sìı k'ę̀ę̀ gıızì gǫ̀hłı̨į̀ ajà.

Dànì Kèhoį̀wo 6:20

Yat'a k'edèe hazǫǫ̀ xàɂaa wets'ǫ nàke, tıts'aàdìı hazǫǫ̀ xàɂaa wets'ǫ nàke, eyıts'ǫ tıts'aàdìı hazǫǫ̀ xàɂaa dèè k'e k'eɂàa sìı wets'ǫ nàke edexè anele, hazǫǫ̀ xàgeeda gha gık'èı̨dì ha hǫt'e.

Dànì Kèhoį̀wo 7:14

Tıts'aàdìı whatsǫǫ̀ edeedaa hazǫǫ̀ xàɂaa, tıts'aàdìı wek'èhodìı hazǫǫ̀ xàɂaa, t'asìı dèè k'e k'eɂàa hazǫǫ̀ xàɂaa, yat'a k'edèe hazǫǫ̀ xàɂaa, eyıts'ǫ t'asìı hazǫǫ̀ wı̨ı̨ts'ǫǫ̀ gǫ̀hłı̨ı̨ sìı edexè elàcho yìı goı̨wa.

Dànì Kèhoį̀wo 8:19

Tıts'aàdìı hazǫǫ̀, dèè k'e k'eɂàa eyıts'ǫ yat'a k'edèe hazǫǫ̀, ełets'ǫ gı̨ı̨lı̨ı̨ sìı ełek'èdaà xàgeède.