Dànì Kèhoį̀wo 1:20 - Nǫ̀htsı̨ Nı̨htł'è

²⁰ Eyıts'ǫ Nǫ̀htsı̨ hadı, “Tı yìı nàdèe sìı hazǫǫ̀ xàɂaa gǫ̀hłı̨į̀ awede, eyıts'ǫ yat'a k'edèe sìı dèè gote hazǫǫ̀ ts'ǫ̀ k'et'aà awede,” hadı.

Dànì Kèhoį̀wo 1:20 ပူးပေါင်းရင်းမြစ်များ

Dànì Kèhoį̀wo 1:14

Eyıts'ǫ Nǫ̀htsı̨ hadı, “Įdòo yat'a t'asìı wet'à dzęh nı̨ı̨dı̨ı̨ gǫ̀hłı̨ ha, wet'à dzę agǫht'e ha eyıts'ǫ to agǫht'e ha, weghàà dzędeè k'èhoedzǫ ha, eyıts'ǫ weghàà ı̨bèe, xat'ǫ̀, xok'e, edaèk'ǫ wek'èhoedzǫ ha,

Dànì Kèhoį̀wo 1:19

Xèhts'ǫ̀ eyıts'ǫ k'omǫǫ̀dǫǫ̀ agòjà; dı̨ dzęę̀ k'ehǫǫwo.

Dànì Kèhoį̀wo 1:21

Eyıt'à Nǫ̀htsı̨ tıts'aàdìıcho tı yìı nàdèe sìı whehtsı̨. Tı yìı godìı elı̨ı̨ sìı hazǫǫ̀ ełek'ę̀ę̀ xàɂaa whehtsı̨, eyıts'ǫ yat'a k'edèe hazǫǫ̀ xàɂaa whehtsı̨. Nǫ̀htsı̨ yeghàeda, wegha nezı̨.

Dànì Kèhoį̀wo 1:22

Nǫ̀htsı̨ eyı hazǫǫ̀ ts'ǫ̀ sìghà xàyaı̨htı, hagòhdı, “Tıcho yìı dàgoòɂǫǫ̀ agode ha t'à deɂǫ̀ǫ̀ łǫǫ̀ aahde, eyıts'ǫ yat'a k'edèe deɂǫ̀ǫ̀ łǫǫ̀ awede,” gòhdı.

Dànì Kèhoį̀wo 1:30

Eyıts'ǫ dèè k'e tıts'aàdìı hazǫǫ̀, yat'a k'edèe hazǫǫ̀, t'asìı hazǫǫ̀ dèè k'e k'eɂàa sìı, t'asìı hazǫǫ̀ ejìı sìı ı̨t'ǫ̀ gıdıì elı̨ gha gıgha whela hǫt'e,” hadı, eyıt'à hagòjà.

Dànì Kèhoį̀wo 1:7

Eyıt'à Nǫ̀htsı̨ dèè k'e tı eyıts'ǫ ı̨dòo yat'a tı į̀łak'aà ayį̀į̀là. Eyıt'à hanì hòɂǫǫ̀ agòjà.

Dànì Kèhoį̀wo 2:19

Gots'ǫ̀ K'àowo Nǫ̀htsı̨ tıts'aàdìı hazǫǫ̀ eyıts'ǫ t'asìı hazǫǫ̀ yat'a k'edèe sìı dèè gots'ǫ ehtł'è t'à gòèhtsı̨ hǫt'e. Tıts'aàdìı hazǫǫ̀ whehtsı̨ı̨ sìı dǫ dànì goızì yehtsı̨ ha nıwǫ t'à, yets'ǫ̀ nègòı̨wa. Tıts'aàdìı dànì goızıı sìı k'ę̀ę̀ gıızì gǫ̀hłı̨į̀ ajà.

Dànì Kèhoį̀wo 7:21

T'asìı hazǫǫ̀ dèè k'e k'edèe sìı hazǫǫ̀ ełaı̨dè. Yat'a k'edèe, tıts'aàdìı wek'èhodìı, tıts'aàdìı whatsǫǫ̀ edeedaa, dèè k'e k'ełezhee hazǫǫ̀, eyıts'ǫ dǫ hazǫǫ̀ ełaàgı̨ı̨dè.

Dànì Kèhoį̀wo 8:17

Tıts'aàdìı hazǫǫ̀ xàɂaa nexè geedaa sìı, yat'a k'edèe, tıts'aàdìı hazǫǫ̀, dèè k'e k'eɂàa gı̨ı̨lı̨ı̨ sìı hazǫǫ̀ xàgı̨ı̨wa, dıı nèk'e gıza yàgǫ̀hłı̨ı̨ xè gı̨ı̨tłǫǫ̀ agede ha t'à,” Nǫ̀htsı̨ Noah èhdı.

Zezì Wecheekeèdeè 17:25

Dǫ t'asìı yeghàedı t'à eda nıìle. Ededı̨ dǫ hazǫǫ̀ gıt'à eda hǫt'e, gıt'à gejìı eyıts'ǫ t'asìı hazǫǫ̀ wet'à-ats'et'ı̨ı̨ sìı goghàyele hǫt'e.