Dànì Kèhoį̀wo 1:14 - Nǫ̀htsı̨ Nı̨htł'è

¹⁴ Eyıts'ǫ Nǫ̀htsı̨ hadı, “Įdòo yat'a t'asìı wet'à dzęh nı̨ı̨dı̨ı̨ gǫ̀hłı̨ ha, wet'à dzę agǫht'e ha eyıts'ǫ to agǫht'e ha, weghàà dzędeè k'èhoedzǫ ha, eyıts'ǫ weghàà ı̨bèe, xat'ǫ̀, xok'e, edaèk'ǫ wek'èhoedzǫ ha,

Dànì Kèhoį̀wo 1:14 ပူးပေါင်းရင်းမြစ်များ

Dànì Kèhoį̀wo 1:13

Xèhts'ǫ̀ eyıts'ǫ k'omǫǫ̀dǫǫ̀ agòjà, taı dzęę̀ k'ehǫǫwo.

Dànì Kèhoį̀wo 1:15

eyıts'ǫ yat'a dzęh nı̨ı̨dı̨ı̨ gǫ̀hłı̨ ha, wet'à dèè k'e dzęh awede,” hadı, eyıt'à hagòjà.

Dànì Kèhoį̀wo 8:22

“Dıı dèè gòɂǫ gots'ǫ̀ dèè k'e t'asìı dehshe ha, eyıts'ǫ t'asìı dehshee sìı dǫ nàgehtsį̀ ha, edzaa eyıts'ǫ edıı sìı t'aats'ǫǫ̀ hagot'ı̨ ha, ı̨mbè eyıts'ǫ xok'e agot'ı̨ ha, eyıts'ǫ t'aats'ǫǫ̀ dzę eyıts'ǫ to agot'ı̨ ha,” Nǫ̀htsı̨ edets'ǫ̀ hadı.

Dànì Kèhoį̀wo 9:13

K'oh xè k'àlemį̀į̀ wègaat'ı̨į̀ ahłe ha, eyı weghàà naxıxè eyıts'ǫ dıı dèè xè nakenahòdlı̨ı̨ sìı wek'èhoedzǫ ha.

Matthew 2:2

“Bebìa laedì?” gedı dǫ dageehke, “Eyı chekoa Israel got'ı̨į̀ gha k'àowocho elı̨ ha wegǫ̀hłı̨ı̨ sìı welaedì? Įdè gonèk'e wets'ǫ whǫ̀ ts'aɂı̨. Weghàsǫts'eedı ha jǫ nèts'ı̨ı̨de,” gedı.

Matthew 24:29

“Hanì dǫ gıxè hoìla tł'axǫǫ̀-t'ıì sa daaɂa-le agode ha, adzęzah xè togoòtł'ò agode ha, eyıts'ǫ whǫ̀ hazǫǫ̀ hodàetł'ì xè yat'a hòtł'ò nàgoìdà ha.

Mark 13:24

“Ekìıyeè k'e hanì dǫ gıxè hoìla tł'axǫǫ̀-t'ıì sa daaɂa-le agode ha, adzęzah xè togoòtł'ò agode ha,

John Wenazhıı 6:12

Eyı tł'axǫǫ̀ sahzǫ̀ą weghàehda kò enı̨htł'èyeè wets'ǫdaàdzeh ek'ètaı t'à wheɂǫǫ sìı nàyı̨ı̨zhì. Hǫtsaa dèè hòtł'ò nàgoèhdǫ. Sa dezǫǫ̀ ajà, eyıts'ǫ adzęzah edoò lajà,

John Wenazhıı 8:12

Yak'eet'ı̨į̀ dı̨ t'à whedaa sìı edets'ǫ dechı̨shì yeèhdı. Sadeè, adzęzah, eyıts'ǫ whǫ̀ hazǫǫ̀ tanı k'aɂį̀ı̨ ts'ǫ̀ gıxèɂeèhdı t'à tanı k'aɂį̀ı̨ ts'ǫ̀ gıxè togoòtł'ò agòjà. Dzę eyıts'ǫ to dı̨ sadzeè haı̨wa ts'ǫ̀ togoòtł'ò agòjà.

John Wenazhıı 9:2

Eyı dèè goyìı gǫǫ̀ɂàa sìı yets'ǫdaà xàechì ekò weyìı gots'ǫ ło łǫ xàı̨t'ı lanì, kǫ̀ nàtsoo dèk'ǫ̀ǫ gots'ǫ lanì. Ło łǫ xàekw'e t'à sadeè eyıts'ǫ yat'a goèhzǫǫ̀ agòjà.