Dànì Kèhoį̀wo 1:11 - Nǫ̀htsı̨ Nı̨htł'è

¹¹ Nǫ̀htsı̨ hadı, “Dechı̨ hazǫǫ̀ xàɂaa, eyıts'ǫ ı̨t'ǫ̀ hazǫǫ̀ xàɂaa dèè k'e dehsheè awede. Įt'ǫ̀ wejìì weyìı whelaa hanıı, eyıts'ǫ ts'ı wek'e jìecho dehshee hanıı, hazǫǫ̀ edek'ę̀ę̀ xàɂaa dehsheè awede,” hadı, eyıt'à hagòjà.

Dànì Kèhoį̀wo 1:11 ပူးပေါင်းရင်းမြစ်များ

Dànì Kèhoį̀wo 1:12

Dèè k'e t'asìı hazǫǫ̀ dehsheè ajà. Įt'ǫ̀ wejìì weyìı whelaa hazǫǫ̀ xàɂaa, eyıts'ǫ ts'ı wek'e jìecho wejìì weyìı whelaa hazǫǫ̀ xàɂaa, hazǫǫ̀ dèè k'e dehsheè ajà. Nǫ̀htsı̨ yeghàeda, wegha nezı̨.

Dànì Kèhoį̀wo 1:29

Eyı tł'axǫǫ̀ Nǫ̀htsı̨ hadı, “Dèè k'e t'asìı hazǫǫ̀ dehshee wejìì gǫ̀hłı̨ı̨ sìı eyıts'ǫ ts'ı hazǫǫ̀ wejìecho wejìì gǫ̀hłı̨ı̨ sìı naxıgha hǫt'e. Wets'ǫ shèahzhe gha hǫt'e.

Dànì Kèhoį̀wo 2:16

Gots'ǫ̀ K'àowo Nǫ̀htsı̨ eyı dǫ ghàyatıı̨ɂǫ, hayèhdı, “Jǫ dèè-goehshee-k'è ts'ı t'alàa-sìı gots'ǫ shènetı̨ ha dìì-le,

Dànì Kèhoį̀wo 2:5

Ekò k'e sìı dèè k'e dechı̨ wı̨ı̨zìı gǫ̀hłı̨-le, eyıts'ǫ dèè gots'ǫ ı̨t'ǫ̀ ı̨łaà xàehshe-le ı̨lè. Nǫ̀htsı̨ ı̨łaà dèè k'e chǫh ayį̀į̀là-le, eyıts'ǫ dǫ dèè k'e eghàlaeda ha gǫ̀hłı̨-le.

Dànì Kèhoį̀wo 2:9

Gots'ǫ̀ K'àowo Nǫ̀htsı̨ sìı dechı̨ hazǫǫ̀ xàɂaa dèè k'e dehsheè ayį̀į̀là. Ts'ı wèdaat'ı̨ı̨ xè wets'ǫ jìecho ts'edè gha nezı̨ı̨ sìı dehsheè ayį̀į̀là. Eyı dèè-goehshee-k'è tanı ts'ı wet'à ts'eedaa nàı̨ɂa, eyıts'ǫ ts'ı wet'à nàowo nezı̨ı̨ eyıts'ǫ nàowo nezı̨-le k'èhots'eezǫǫ nàı̨ɂa.

Matthew 3:10

Ts'ı nàekwį̀ ha gokwı̨ hòt'a ts'atà wheɂǫ hǫt'e. Ts'ı hazǫǫ̀ wek'e jìecho nezı̨-le dehshee sìı nàgeehkà gà kwıìgeehdè ha. (Eyıt'à hotıì ts'ı nezı̨ı̨ laaht'e.)

Matthew 6:30

Nǫ̀htsı̨ hanì dèè k'e tł'oh wèdaat'ı̨į̀ whehtsı̨ı̨ sìı dıı dzęę̀ k'e dehshe hanìkò satsǫ kwıìgeehdè. Eyı nahk'e nezı̨į̀ naxık'èdì ha, eyıts'ǫ goht'ǫ nezı̨ı̨ naxıghàle ha hǫt'e. Hanìkò naxınì nàtso-le dìì.

Mark 4:28

Ayìı dèè k'e nèyı̨ı̨laa sìı whatsǫǫ̀ dehshe. T'akwełǫ̀ǫ̀ dèè goyìı ts'ǫ weɂı̨t'ǫ̀ą xàeshe, eyı tł'axǫǫ̀-ı̨dè tł'olà dehshe eyıts'ǫ k'ǫǫ̀t'a wejìì nechà-lea weyìı whelaa sìı dehshe.

1 Corınth 15:38

Hanìkò Nǫ̀htsı̨ sìı weɂı̨t'ǫ̀ dàhòt'ı̨ ha nıwǫ k'ę̀ę̀ xàesheè ayehɂı̨ hǫt'e, wet'à t'asìı dehshee wejìì wetaàt'eè ı̨t'ǫ̀ą dàhòt'ı̨ı̨ xàeshe ha nıwǫǫ sìı hanì ayehɂı̨ hǫt'e.

Hebrew 6:7

K'àowo wedèè k'e chǫh łǫ at'ı̨ t'à wegha t'asìı nezı̨ı̨ dehshe nı̨dè, gots'ǫ̀ K'àowo eyı dèè xè sìghà hòɂǫǫ̀ ayehɂı̨ t'à hǫt'e.

James 3:12

Sèot'ı̨ı̨, jìek'oò ı̨chį̀ghoò ta dehshe nıìle, eyıts'ǫ edaghoò jìek'ots'ıì k'e dehshe nıìle. Eyı xèht'eè, tı nezı̨ı̨ eyıts'ǫ dewatì sı tık'è ı̨łè gots'ǫ xàetł'ò nıìle.