Dànì Kèhoį̀wo 1:1 - Nǫ̀htsı̨ Nı̨htł'è

¹ Kèhoį̀wo ekò Nǫ̀htsı̨ yak'e eyıts'ǫ dèè sı whehtsı̨.

Dànì Kèhoį̀wo 1:1 ပူးပေါင်းရင်းမြစ်များ

Matthew 11:25

Ekìıyeè k'e Zezì hadı, “Setà, neghàsǫehdı, yak'e eyıts'ǫ dıı nèk'e ts'ǫ̀ K'àowo anet'e. Dǫ gogı̨ı̨zǫǫ xè hoghàgeètǫǫ sìı eyı hazǫǫ̀ gıch'à deɂı̨į̀ wheɂǫ anelà, hanìkò chekoa nechà-lea sìı gık'èezǫǫ̀ anelà.

Zezì Wecheekeèdeè 14:15

“Dànìghǫ aaht'ı̨? Goxı̨ naxıxèht'eè dǫ ats'ı̨ı̨t'e. Naxıts'ǫ̀ godı nezı̨ı̨ nèts'ı̨ı̨ɂǫ. T'asìı wet'àaɂà-le k'alaahdèe sìı wedę aahłe, Nǫ̀htsı̨ edaa sìı wets'ǫ̀ aahde. Ededı̨ sìı yak'e, dèe, tı eyıts'ǫ t'asìı hazǫǫ̀ weyìı nàdèe sìı yèhtsı̨ hǫt'e.

Zezì Wecheekeèdeè 17:24

“Nǫ̀htsı̨, dèe eyıts'ǫ t'asìı hazǫǫ̀ edaa whehtsı̨ı̨ sìı yak'e eyıts'ǫ dıı nèk'e gha K'àowo hǫt'e. Yats'ehtıı-kǫ̀-gocho, dǫlà t'à hòèlı̨ı̨ sìı, yeyìı nàdè nıìle.

Zezì Wecheekeèdeè 4:24

Nǫ̀htsı̨ wecheekeè egıìkw'o ekò hazǫǫ̀ Nǫ̀htsı̨ ts'ǫ̀ yagehtı, hagedı, “Gots'ǫ̀ K'àowo t'asìı hazǫǫ̀ negha dìì-le anet'e. Yat'a, dèe, tı, eyıts'ǫ t'asìı hazǫǫ̀ edaa sìı wheęhtsı̨ hǫt'e.

Rome 11:36

Nǫ̀htsı̨ t'asìı hazǫǫ̀ whehtsı̨, t'asìı hazǫǫ̀ wets'ǫ hǫt'e, eyıts'ǫ t'asìı hazǫǫ̀ wegha hǫt'e. Welǫ whìle ts'ǫ̀ weghàsǫts'eedı welè! Amen.

1 Corınth 8:6

hanìkò goxı̨ gogha sìı Nǫ̀htsı̨ ı̨łè zǫ gǫ̀hłı̨, eyı sìı Nǫ̀htsı̨-Gotà hǫt'e. Ededı̨ t'asìı hazǫǫ̀ whehtsı̨ eyıts'ǫ ededı̨ wegha ts'eeda hǫt'e. Eyıts'ǫ gots'ǫ̀ K'àowo ı̨łè zǫ gǫ̀hłı̨, eyı sìı Zezì-Krı hǫt'e. Ededı̨ wet'ǫ̀ǫ̀ t'asìı hazǫǫ̀ hòèlı̨, eyıts'ǫ wet'à ts'eeda hǫt'e.

Ephesus 3:9

Eyı t'asìı enıìyah deɂı̨į̀ wheɂǫǫ sìı dànì agode ha sìı dǫ hazǫǫ̀ nezı̨į̀ gınıedì agehłe ha hǫt'e. Nǫ̀htsı̨ t'asìı hazǫǫ̀ whehtsı̨ı̨ sìı ı̨nę̀ę whaà gots'ǫ deɂı̨į̀ yèhɂǫ ı̨lè.

Hebrew 1:10

Eyıts'ǫ Nǫ̀htsı̨ dıı hadı, “Gots'ǫ̀ K'àowo t'akwełǫ̀ǫ̀ kèhoį̀wo ekò dıı dèè whenehtsı̨ eyıts'ǫ nılà t'à yat'a whenehtsı̨ hǫt'e.

Hebrew 1:2

hanìkò dıì nǫǫde dzęę̀ ts'ǫ̀ hawee sìı Edeza t'à gots'ǫ̀ goı̨de. T'asìı hazǫǫ̀ Edeza tł'aà whelaà ayele ha yį̀į̀hchì hǫt'e, eyıts'ǫ wet'ǫ̀ǫ̀ dèè, yat'a eyıts'ǫ t'asìı hazǫǫ̀ whehtsı̨ hǫt'e.

Hebrew 11:3

Gogha ehkw'ı-ahodı t'à Nǫ̀htsı̨ edeyatıì t'à dèè, yat'a eyıts'ǫ t'asìı hazǫǫ̀ whehtsı̨ wek'èts'eezǫ hǫt'e. Hanì t'à t'asìı wègaat'ı̨ı̨ sìı t'asìı wègaat'ı̨ı̨ t'à hòèlı̨ nıìle.

Hebrew 3:4

Kǫ̀ hazǫǫ̀ dǫ yèhtsı̨ hǫt'e wek'èts'eezǫ, hanìkò Nǫ̀htsı̨ sìı t'asìı hazǫǫ̀ whehtsı̨ hǫt'e.

2 Peter 3:5

Hanìkò Nǫ̀htsı̨ edeyatıì t'à yak'e whehtsı̨ eyıts'ǫ tı yìı gots'ǫ dèè ı̨dòo ayį̀į̀là eyıts'ǫ tı t'à dèè xè hòɂǫǫ̀ ayį̀į̀là, eyı sìı gınadì ha gı̨ı̨wǫ-le.

1 John 1:1

Ededı̨ kèhǫǫ̀wo gots'ǫ wehòhɂǫǫ sìı wets'eèhkw'ǫ ı̨lè, xàè godaà t'à wets'aɂı̨ xè weghàts'ı̨ı̨dà ı̨lè eyıts'ǫ goılà t'à dawets'aachì ı̨lè. Eyı Yatı wet'à ts'eedaa elı̨ı̨ sìı weghǫ gots'edeè ats'edı.

John Wenazhıı 10:6

Nǫ̀htsı̨ welǫ whìle ts'ǫ̀ edaa sìı yak'e eyıts'ǫ t'asìı hazǫǫ̀ yeyìı nàdèe whehtsı̨. Eyıts'ǫ dıı dèè eyıts'ǫ t'asìı hazǫǫ̀ yek'e nàdèe whehtsı̨. Eyıts'ǫ tıcho eyıts'ǫ t'asìı hazǫǫ̀ yeyìı nàdèe whehtsı̨ı̨ sìı ededı̨ yıızì dahxà dıı hadıì yatı nàtsoo whıhtsı̨: “Hòt'a Nǫ̀htsı̨ naèhɂı̨ ha nıìle!

John Wenazhıı 14:7

Yak'eet'ı̨į̀ hòtł'ò hadı, “Hòt'a dǫ sınìyaetıı dzęę̀ ts'ǫ̀ whaà-le t'à Nǫ̀htsı̨ wek'èaht'e eyıts'ǫ weghàsǫahdı. Ededı̨ sìı yak'e, dıı dèe, tıcho eyıts'ǫ tı xàı̨lı̨ı̨ hazǫǫ̀ yèhtsı̨ hǫt'e, eyıt'à wegha zǫ aahda,” hadı.

John Wenazhıı 21:6

Eyıts'ǫ sets'ǫ̀ hadı, “Hòt'a enahǫ̀t'e. Yatı t'akwełǫ̀ǫ̀ aht'e eyıts'ǫ yatı nǫǫde aht'e; kèhǫǫ̀wo ts'ǫ sehòhɂǫ eyıts'ǫ nǫǫde ts'ǫ̀ sehòhɂǫ. Amìı tı ghaewıı sìı t'asìı k'èxa-le tı wet'à ts'eedaa weghàehdı ha.

John Wenazhıı 22:13

Yatı t'akwełǫ̀ǫ̀ aht'e eyıts'ǫ yatı nǫǫde aht'e; kèhǫǫ̀wo gots'ǫ sehòhɂǫǫ eyıts'ǫ welǫ ts'ǫ̀ sehòhɂǫǫ aht'e.

John Wenazhıı 3:14

“Kǫ̀ta Laodısıya Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ ‘Amen’ wìyeh, t'aats'ǫǫ̀ ehkw'ı gode eyıts'ǫ Nǫ̀htsı̨ t'asìı hazǫǫ̀ whehtsı̨ ts'ǫ̀ K'àowo elı̨ı̨ sìı dıı weyatıì hǫt'e.

John Wenazhıı 4:11

“Gots'ǫ̀ K'àowo Gonǫ̀htsı̨, t'asìı hazǫǫ̀ wheęhtsı̨ ne t'à enıìyah xè neghàsǫts'eedıı sìı nı̨ zǫ nets'ǫ̀ hats'edı ha hǫt'e eyıts'ǫ t'asìı hazǫǫ̀ ts'ǫ̀ k'àı̨wo welè. Hanì welè neewǫ t'à t'asìı hazǫǫ̀ hòèlı̨ı̨ xè geeda hǫt'e,” gedı.