Colosse 4:8 - Nǫ̀htsı̨ Nı̨htł'è

⁸ Dànì goxè hòɂǫǫ sìı naxıts'ǫ̀ hadı ha eyıts'ǫ naxıdzeè nàtsoò ayele ha t'à, naxıts'ǫ̀ awehłe ha.

Colosse 4:8 ပူးပေါင်းရင်းမြစ်များ

1 Corınth 4:17

Eyıt'à Tımothy naxıts'ǫ̀ weehɂà ha hǫt'e. Seza lanì weghǫneehtǫ, gots'ǫ̀ K'àowo gha wınì nàtso. Dànì Zezì-Krı wegha ehdaa sìı naxıts'ǫ̀ hadı ha. Kǫ̀ta hazǫǫ̀ Nǫ̀htsı̨ wecheekeè dànì hoghàgeehtǫǫ sìı t'aats'ǫǫ̀ hanì ehda hǫt'e.

2 Corınth 1:4

Goxè hoìla łǫ sǫnı kò goxè sìghà hòɂǫǫ̀ agohɂı̨. Gots'ǫ̀ hanì eda hǫt'e t'à dǫ gıgha hoìla sìı gıxè sìghà hòɂǫǫ̀ agets'ehɂı̨.

2 Corınth 12:18

Tıtus naxıts'àtła ha naxıts'ǫ̀ wııhɂà ı̨lè, eyıts'ǫ gòet'ı̨ ı̨łè wexè ahłà ı̨lè. Tıtus sǫǫ̀mba gha naxık'adaawo-le ı̨lè. Eyıt'à ełèht'eè k'ehodıìɂa xè ełèht'eè nànedıìwo hǫt'e.

2 Corınth 2:7

Dıì hòt'a weghǫ nahoahłe, eyıts'ǫ wets'ǫ̀ nezı̨į̀ aahdı, hanì-ı̨dè sıì edek'eelı̨ t'à wegha dìì agode ha-le.

Ephesus 6:22

Eyıt'à goxè dànì hòɂǫǫ sìı wek'èahsǫ ha, eyıts'ǫ naxıdzeè nàtsoò ayele ha naxıts'ǫ̀ wııhɂà hǫt'e.

Phılıppı 2:28

Eyıt'à ı̨whąą̀ naxıts'ǫ̀ awehłe ha dehwhǫ. Hanì-ı̨dè k'achı̨ weahɂı̨ nı̨dè naxınà ha eyıts'ǫ sı̨ sı t'asìı ghǫ nànıhwho ha-le.

Colosse 2:2

Gıdzeè nàtso ha, eyıts'ǫ dǫ ı̨łè lanì ełeghǫnegeètǫ ha, gıgha daıhɂa. Hanì-ı̨dè deghàà t'asìı k'ègeezǫǫ̀ agede ha, eyıts'ǫ Nǫ̀htsı̨ t'asìı deɂı̨į̀ whehɂǫǫ sìı k'ègeezǫǫ̀ agede ha, Zezì-Krı k'ègeezǫǫ̀ agede ha t'à.

1 Thessalonıca 2:11

Gotà edeza k'èdì lanì naxık'èts'adì hotıì wek'èahsǫ hǫt'e.

1 Thessalonıca 3:2

Gòet'ı̨ Tımothy, Nǫ̀htsı̨ gha eghàlaedaa eyıts'ǫ goxè Zezì-Krı wegodıì nezı̨ı̨ k'eɂaa sìı naxınì nàtsoò ayele ha, eyıts'ǫ denahk'e naxıgha ehkw'ı-ahodı gha naxıts'ǫ̀ wets'ı̨ı̨hɂà hǫt'e.

1 Thessalonıca 3:5

Eyı ts'ıhɂǫ̀ sıì naxıghǫ nànıhwho t'à, Tımothy naxıts'ǫ̀ wııhɂà hǫt'e. Ayìı naxıgha ehkw'ı-ahodıı sìı asį̀į̀ ı̨łaà wet'à nàahtso, wek'èehsǫ ha dehwhǫ t'à awèhłà. Edahxǫ t'asìı t'à wehłı̨ı̨ naxeèhdzà ha sǫnı dehwhǫ t'à, eyıts'ǫ dànì naxıgha hòtł'ò eghàlats'ı̨ı̨dàa sìı ekìı k'ètł'ǫ̀ ade ha sǫnı dehwhǫ t'à sıì naxıghǫ nànıhwho ı̨lè.

1 Thessalonıca 4:18

Eyıt'à eyı yatıì t'à nezı̨į̀ ełets'ǫ̀ goahde xè ełınì nàtsoò aahłe.

1 Thessalonıca 5:11

Eyıt'à nezı̨į̀ ełets'ǫ̀ goahde xè ełınì nàtsoò aahłe, hòt'a haaht'ı̨ lanì.

1 Thessalonıca 5:14

Sèot'ı̨ı̨, dıı naxıghǫnàdats'eetì: Dǫ gots'egeedìı sìı yatı nàtsoo gıghàahɂà. Dǫ edègeejı̨ı̨ sìı gınì nàtsoò aahłe, dǫ nàgetso-le sìı gıts'àahdı, dǫ hazǫǫ̀ xè ts'èwhı̨į̀ k'ehoahɂa.

2 Thessalonıca 2:17

hotıì naxıdzeè nàtsoò agııle, eyıts'ǫ wet'à t'aats'ǫǫ̀ nezı̨į̀ eghàlaahda gha, eyıts'ǫ wet'à nezı̨į̀ goahde gha nàahtso welè.