Colosse 4:4 - Nǫ̀htsı̨ Nı̨htł'è

⁴ Godı nezı̨ı̨ dànì gıts'ǫ̀ deghàà weghǫ gohde ha sìı segha yaahtı, hanì gohde ha segha hòɂǫ t'à.

Colosse 4:4 ပူးပေါင်းရင်းမြစ်များ

Zezì Wecheekeèdeè 4:29

Gots'ǫ̀ K'àowo, dıì k'aodèe gı̨ı̨lı̨ı̨ sìı dànì gok'èch'a gogedee sìı geęhkw'ǫ. Necheekeè ts'ı̨ı̨lı̨ı̨ sìı negodıì t'à dǫ xè gots'edo ha edèdats'eedı-le agoı̨le.

Zezì Wecheekeèdeè 5:29

Peter eyıts'ǫ Zezì wecheekeèdeè mǫ̀hdaa hagedı, “Nǫ̀htsı̨ sìı dǫ nahk'e wek'èats'ı̨ı̨t'e ha hǫt'e!

2 Corınth 3:12

Hanì gogha ehkw'ı-ahodı t'à sıì weghǫ goınì nàtso hǫt'e.

Ephesus 6:20

Eyı godı nezı̨ı̨ k'èxa sedaàtǫ xè satsǫ̀tł'ıì sek'e whela. Dejı̨-le xè dànì gots'ǫ̀ K'àowo godı nezı̨ı̨ weghǫ gohde ha sı̨ı̨hwhǫ k'ę̀ę̀ gohde ha segha yaahtı.

Colosse 4:5

Dǫ gıgha ehkw'ı-ahodı-le sìı gıts'ǫ̀ goahsǫǫ̀ k'ehoahɂa. Godı nezı̨ı̨ t'à gıxè goahdo gha hòɂǫ taàt'eè nezı̨į̀ gıxè goahdo welì.

Colosse 4:6

Dǫ ts'ǫ̀ goahde nı̨dè t'aats'ǫǫ̀ gıxè sǫdahwhǫ xè goahsǫǫ̀ gıts'ǫ̀ goahde welì, hanì-ı̨dè dànì dǫ hazǫǫ̀ ts'ǫ̀ xàyaahtı ha sìı wek'èahsǫ ha.