Colosse 4:3 - Nǫ̀htsı̨ Nı̨htł'è

³ Eyıts'ǫ goxı̨ sı gogha yaahtı, weyatıì t'à dǫ ts'ǫ̀ gots'ede ha Nǫ̀htsı̨ gogha ehkw'ı goòɂà ayele gha. Hanì-ı̨dè Zezì-Krı wegodıì dǫ ts'ǫ̀ deɂı̨į̀ wheɂǫǫ sìı t'à gıxè gots'edo ha, eyı k'èxa jǫ sedaàtǫ hǫt'e.

Colosse 4:3 ပူးပေါင်းရင်းမြစ်များ

Matthew 13:11

Eyıt'à Zezì gots'ǫ̀ hadı, “Naxı̨ sìı Nǫ̀htsı̨ Wenàowoò k'ę̀ę̀ hòɂǫǫ k'èahsǫ ha naxıghàhòt'ǫ hǫt'e, hanìkò dǫ eyıì-le sìı hanì gıghàhòt'ǫ nıìle.

Zezì Wecheekeèdeè 14:27

Kǫ̀godeè Antıoch nègı̨ı̨ɂe ekò Nǫ̀htsı̨ wecheekeè hazǫǫ̀ xè ełegıadì. Nǫ̀htsı̨ dànì goxè eghàlaı̨dà eyıts'ǫ dànì Nǫ̀htsı̨ dǫ eyıì-le xàɂaa gınì nàtsoò agǫ̀ǫ̀làa sìı hazǫǫ̀ gots'ǫ̀ hagedı.

1 Corınth 16:9

jǫ la wet'àaɂàa ghàlaehda ha seghàhòt'ǫ t'à. Dǫ łǫ sek'èch'a agedı kò la wet'àaɂàa segha wheɂǫ.

1 Corınth 4:1

Eyıt'à dǫ Zezì-Krı wecheekeè ats'ı̨ı̨t'e k'ę̀ę̀ gogıhtà welì, eyıts'ǫ Nǫ̀htsı̨ ts'ǫǫ̀hk'e t'asìı deɂı̨į̀ whelaa sìı wek'èts'eezǫ ats'ı̨ı̨t'e, gogı̨ı̨hwhǫ welì.

2 Corınth 2:12

Įdì whaà-le Zezì-Krı wegodıì nezı̨ı̨ t'à dǫ ts'ǫ̀ gohde ha kǫ̀ta Troas nàwhıhtła ı̨lè. Gots'ǫ̀ K'àowo ekǫ dǫ ts'ǫ̀ gohde ha segha hòɂǫǫ̀ ayį̀į̀là.

Ephesus 3:1

Eyı ts'ıhɂǫ̀ sı̨ Paul, Zezì-Krı wegha eghàlaehda k'èxa sedaàtǫ hǫt'e, naxı̨ Israel got'ı̨į̀ aaht'e-le sìı naxıgha sìghà agode ha t'à.

Ephesus 3:3

Eyı t'asìı deɂı̨į̀ wheɂǫ t'à wenıts'eedì-le sìı Nǫ̀htsı̨ wek'èehsǫǫ̀ asį̀į̀là. Eyı weghǫ hòt'a yatı łǫ-lea t'à naxıts'ǫ̀ ııhtł'è ı̨lè.

Ephesus 3:4

Wek'eyaahtı nı̨dè Zezì weghǫ t'asìı wenıts'eedì-le sìı dànì sı̨ wek'èehsǫǫ̀ ahjàa sìı wenıahdì aahde ha. Eyı gogha deɂı̨į̀ wheɂǫ t'à wenıts'eedì-le ı̨lè.

Ephesus 3:9

Eyı t'asìı enıìyah deɂı̨į̀ wheɂǫǫ sìı dànì agode ha sìı dǫ hazǫǫ̀ nezı̨į̀ gınıedì agehłe ha hǫt'e. Nǫ̀htsı̨ t'asìı hazǫǫ̀ whehtsı̨ı̨ sìı ı̨nę̀ę whaà gots'ǫ deɂı̨į̀ yèhɂǫ ı̨lè.

Ephesus 4:1

Gots'ǫ̀ K'àowo wegha sedaàtǫ hǫt'e, gots'ǫ̀ K'àowo naxıkayaı̨htıı sìı hotıì nezı̨į̀ wek'ę̀ę̀ aahda ha naxeehwhǫ hǫt'e.

Phılıppı 1:7

Hanì naxıghǫ sìghà anehwhǫǫ sìı nezı̨ hǫt'e, sedzeè yìı naxık'èhdì t'à. Nǫ̀htsı̨ sets'ǫ̀ sǫnıwǫ t'à la seghàı̨ɂǫǫ sìı naxı̨ hazǫǫ̀ sexè weghàlaahda hǫt'e. Sedaànìı̨tǫ, godı nezı̨ı̨ ts'àdaehdı, eyıts'ǫ godı nezı̨ı̨ t'à dǫ xè gohdo nı̨dè, naxı̨ t'aats'ǫǫ̀ sets'àahdı hǫt'e.

Colosse 1:26

Nǫ̀htsı̨ weyatıì ı̨nę̀ę whaà gots'ǫ dǫ gıgha deɂı̨į̀ wheɂǫ ı̨lèe, hanìkò dıì Nǫ̀htsı̨ wets'ǫ dǫ gık'èezǫ agììdlà.

Colosse 4:18

Sı̨ Paul, sılà t'à dıı yatı nǫǫde naxıts'ǫ̀ eehtł'è hǫt'e. Sedaànìı̨tǫ xè satsǫ̀tł'ıì sek'e whela t'à senaahdì. Nǫ̀htsı̨ naxıts'ǫ̀ sǫnıwǫ welè.

1 Thessalonıca 5:25

Sèot'ı̨ı̨, gogha yaahtı.

2 Tımothy 1:16

Onesıphorus eyıts'ǫ wekǫ̀ dǫ nàdèe sìı gots'ǫ̀ K'àowo gots'ǫ̀ wedzeè eteèɂı̨ welè, t'aats'ǫǫ̀ sınà asį̀į̀hwhǫ ı̨lè t'à, eyıts'ǫ sedaàtǫ kò seghǫ į̀į̀zhaelı̨-le ı̨lè.

2 Tımothy 2:9

eyı gha daıhɂa hǫt'e eyıts'ǫ dǫjıı lanì satsǫ̀tł'ıì t'à daseetł'ı̨. Hanìkò Nǫ̀htsı̨ weyatıì sìı dǫ wı̨ı̨zìı dayeezà ha nıìle.

2 Tımothy 4:2

Nǫ̀htsı̨ yatıì t'à dǫ ts'ǫ̀ goı̨de ha t'aats'ǫǫ̀ sınìwheęda. Nàowo ehkw'ıı k'ę̀ę̀ aahda, hołı̨ı̨ hòahtsı̨-le, eyıts'ǫ eyı gha naxınì nàtsoò aahłe, gìı̨dı. T'aats'ǫǫ̀ dǫ xè ts'èwhı̨į̀ neewǫ eyıts'ǫ hotıì nezı̨į̀ hoghàgı̨ı̨htǫ.

Phılemon 1:22

Eyıts'ǫ t'asìı ı̨łè neehkè ha, nekǫ̀ naehte ha segha sıìgoı̨le. Nǫ̀htsı̨ naxıyatıì k'èhoı̨ɂǫ nı̨dè naxıts'ǫ̀ anahde ha sǫnı dehwhǫ.