Colosse 2:4 - Nǫ̀htsı̨ Nı̨htł'è

⁴ Dǫ, nezı̨į̀ gogede t'à naxıghǫyagııɂà sǫ̀ǫ̀ dehwhǫ t'à anaxèehsı̨.

Colosse 2:4 ပူးပေါင်းရင်းမြစ်များ

Matthew 24:24

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Dǫ ghǫdageehnè ha dìì-le nı̨dè Nǫ̀htsı̨ dǫ gòį̀hchìı sìı eyı kò goghǫdageehnè ha.

Matthew 24:4

Zezì gots'ǫ̀ hadı, “Hotıì kexoahdı, naxıghǫyagııɂà sǫ̀ǫ̀.

Mark 13:22

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Nǫ̀htsı̨ dǫ gòį̀hchìı sìı ghǫdageehnè ha dìì-le nı̨dè eyı dǫ kò ghǫyageeɂà ha hǫt'e.

Zezì Wecheekeèdeè 20:30

Naxıta gots'ǫ kò dǫ mǫ̀hdaa Nǫ̀htsı̨ wecheekeè edek'ę̀ę̀ agogele ha gı̨ı̨wǫ t'à, godı ehkw'ıı sìı ekǫ-le agele ha.

1 Corınth 2:4

Godı nezı̨ı̨ t'à naxıts'ǫ̀ gohde ekò wet'à gots'ı̨ı̨zǫǫ yatıì t'à naxıts'ǫ̀ goıhde-le ı̨lè, hanìkò Yedàyeh Nezı̨ı̨ nàhtsoò asį̀į̀là t'à naxınadąą̀ enıìyah k'ę̀ę̀ eghàlaehda ı̨lè.

2 Corınth 11:3

Hanìkò Eve gòocho yeghǫyaàɂǫ xèht'eè naxı̨ sı naxıghǫyaeɂà aweahłe ha sǫnı dehwhǫ t'à naxıghǫ dehjı̨. Naxıdzeè t'à Zezì-Krı ghàdeahtı̨ ı̨lèe sìı eyı ch'à naxınì ekǫ-le ayele ha sǫnı.

Galatıa 2:4

Dǫ gòet'ı̨ edegeetsı̨ı̨ sìı gokwǫ̀ nàat'àa nàowoò k'èts'edì ha gedı t'à eyı ghǫ gots'ı̨ı̨de ı̨lè. Eyı dǫ agedıı sìı godageeɂį̀ ha gı̨ı̨wǫ t'à gotagı̨ı̨de. Dànìghǫ Zezì-Krı wets'ıhɂǫ̀ gınàowoò tł'a ts'eèhkw'e-le ats'ejà gı̨ı̨wǫ, eyıts'ǫ gınàowoò ts'ǫ̀ anats'ede ha gogı̨ı̨hwhǫ.

Ephesus 4:14

Hanì-ı̨dè k'achı̨ bebìa lats'ı̨ı̨t'e ha-le, taatı̨į̀ t'à goxè k'etaetı̨ lanì ha-le. Dǫ goghǫyageeɂà t'à gogı̨ı̨zǫǫ sìı ładı̨į̀ hoghàgogeehtǫ nı̨dè goxè ts'ıɂǫ̀-hogeeɂà ha-le.

Ephesus 4:17

Eyıt'à gots'ǫ̀ K'àowo wedahxà yatı nàtsoo t'à dıı hanaxèehsı̨: Dǫ Nǫ̀htsı̨ k'ègeezǫ-le sìı k'achı̨ gık'ę̀ę̀ aahda-le, gınìłı̨ı̨ k'ę̀ę̀ geeda ne t'à.

Ephesus 5:6

Hots'ets'ìı yatıì t'à dǫ naxıghǫyagııɂà sǫ̀ǫ̀. Dǫ hanì eghàlageeda t'à Nǫ̀htsı̨ k'èagı̨ı̨t'e-le sìı Nǫ̀htsı̨ nàgoehkwa ha hǫt'e.

Colosse 2:18

Dǫ k'èeweèt'ı̨ edegeetsı̨ eyıts'ǫ yak'eet'ı̨į̀ ts'ǫ̀ yagehtıı sìı Nǫ̀htsı̨ t'asìı nezı̨ı̨ naxıghàɂà ch'à anaxegııle sǫ̀ǫ̀. Eyı dǫ hanıı sìı gınazhıı xègoèht'į̀ ghǫ naxıts'ǫ̀ gogede ghageewı, hanìkò Nǫ̀htsı̨ ts'ǫ̀ gınì nàtso-le t'à dǫ nahk'e ts'ı̨ı̨lı̨ gı̨ı̨wǫ xè xàdahogedì.

Colosse 2:8

Hotıì edexoahdı, yatı ekǫ-le eyıts'ǫ nàowo ładı̨ı̨ t'à dǫ naxınì gìhchı sǫ̀ǫ̀. Ayìı hoghànaxegeehtǫǫ sìı nezı̨į̀ lagodı, hanìkò dıı nèk'e gots'ǫ gınàowoò zǫ hǫt'e. Zezì-Krı wenàowoò k'ę̀ę̀ agedı-le.

2 Tımothy 2:16

Nǫ̀htsı̨ k'èch'a t'asìı ghǫ-le gots'edee sìı wedę anele. Dǫ hagedıı sìı Nǫ̀htsı̨ ts'ǫ̀ nezı̨į̀ nageɂa nıìle eyıts'ǫ denahk'e Nǫ̀htsı̨ gı̨ı̨wǫ-le aget'į̀.

2 Tımothy 3:13

Ekò dǫ wejıı eyıts'ǫ dǫ ghǫyageeɂàa gı̨ı̨lı̨ı̨ sìı denahk'e sıì negezı̨-le agede ha. K'èdaà dǫ ghǫyageeɂà xè ededı̨ sı gıghǫyahoeɂà ha.

1 John 2:18

Sèot'ı̨ı̨, nǫǫde dzęę̀ k'e nàts'edè hǫt'e. Chrıst k'èch'a elı̨ı̨ sìı nììtła ha weghǫ aàhkw'o ı̨lè sǫnı. Dıì kò dǫ łǫ Chrıst k'èch'a gı̨ı̨lı̨ı̨ sìı hòt'a dıı nèk'e nègı̨ı̨de hǫt'e. Eyı weghàà nǫǫde dzęę̀ k'e ts'eèhkw'e wek'èts'eezǫ.

1 John 2:26

Dǫ mǫ̀hdaa ts'ıɂǫ̀ anaxegele ha gı̨ı̨wǫ t'à dıı hanì naxıts'ǫ̀ eehtł'è hǫt'e.

1 John 4:1

Seàgı̨ą, ı̨nì hazǫǫ̀ naxıgha ehkw'ı agııdì-le, hanìkò ı̨nì hazǫǫ̀ gıyatıì t'à gıahdzà, asį̀į̀ Nǫ̀htsı̨ wets'ǫ agı̨ı̨t'e lì. Nakwenàoɂǫǫ ehkw'ı gogede-le łǫ dıı nèk'e dǫ ta gį̀ı̨de hǫt'e, eyıt'à, hotıì gıyatıì xoahdı.

2 John 1:7

Dǫ ghǫyageeɂàa łǫ dıı nèk'e dǫ ta ts'ǫ̀ agejà hǫt'e. Zezì-Krı dıı nèk'e wegǫ̀hłı̨ı̨ sìı gıgha ehkw'ı-ahodı nıìle. Hanıı dǫ sìı eghǫyageeɂàa-dǫǫ̀ agı̨ı̨t'e, eyıts'ǫ Zezì-Krı ts'ǫ̀ kànegı̨ı̨ɂaa dǫǫ̀ agı̨ı̨t'e.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 13:8

Dıı nèk'e dǫ hazǫǫ̀ tıts'aàdìı nechàa ts'ǫ̀ yagehtı ha. Sahzǫ̀ą ełaàwìgwo wenı̨htł'è k'e gıızì dek'eèhtł'è-le agı̨ı̨t'e. Dıı dèè hòèlı̨ gots'ǫ amìı welǫ whìle ts'ǫ̀ geeda ha sìı eyı enı̨htł'è yìı gıızì dek'eèhtł'è.

John Wenazhıı 20:3

Įzhıì dèè goyìı gǫǫ̀ɂàa ekǫ goyìı yı̨ı̨hxà gà wets'ǫdaàdoò ayį̀į̀là. Dǫ wı̨ı̨zìı yets'ǫ̀ enìxàechı ha-le ayį̀į̀là. Eyıt'à ı̨łè-lemì xo gots'ǫ̀ eyı tıts'aàdìıcho dek'oo sìı dǫ hazǫǫ̀ xàɂaa ts'ıɂǫ̀ geedè agole ha-le. Eyı tł'axǫǫ̀ nı̨dè whaà-lea ts'ǫ̀ xàetłaà agele ha.

John Wenazhıı 20:8

Dıı nèk'e hazǫǫ̀ ts'ǫ̀ wek'eèhoowo ha, dǫ hazǫǫ̀ xàɂaa goghǫyaeɂà t'à ełegegǫ gha ełègoowa ha. Eyı dǫ xàɂaa agole ha sìı Gog eyıts'ǫ Magog gìyeh. Tabàa ewaà dàtłǫǫ sìı dǫ wexètłǫ hǫt'e.