Colosse 2:3 - Nǫ̀htsı̨ Nı̨htł'è

³ T'asìı deè hazǫǫ̀ weghàà t'asìı k'èts'eezǫǫ xè weghàà gots'ı̨ı̨zǫǫ sìı Zezì-Krı weyìı deɂı̨į̀ whela hǫt'e.

Colosse 2:3 ပူးပေါင်းရင်းမြစ်များ

Matthew 10:26

“Dǫ gıts'àahjı̨-le. T'asìı hazǫǫ̀ wègaat'ı̨-le sìı wègaat'ı̨į̀ adle ha, eyıts'ǫ t'asìı deɂı̨į̀ whelaa sìı wek'èhoedzǫǫ̀ adle ha hǫt'e.

Luke 11:49

Nǫ̀htsı̨ t'asìı hazǫǫ̀ k'èezǫ t'à t'akwe whaà dıı hadıì xàyaı̨htı ı̨lè, ‘Nakwenàoɂǫǫ eyıts'ǫ dǫ segha gogedee sìı gıts'ǫ̀ ahłe ha. Mǫ̀hdaa ełaàgogìhde ha eyıts'ǫ mǫ̀hdaa dagogį̀ı̨hɂa ha.’

Rome 11:33

Nǫ̀htsı̨ sıì gǫǫzǫ xè t'asìı hazǫǫ̀ k'èhoezǫ ts'ıhɂǫ̀ Nǫ̀htsı̨ gogha enıìyah hǫt'e! Wınì nıts'eedì ha dìì eyıts'ǫ edı̨į̀ wetı̨lıì nıɂàa sìı wek'èts'eezǫ-le!

1 Corınth 1:24

Hanìkò Nǫ̀htsı̨ sìı Israel got'ı̨į̀ eyıts'ǫ Greece got'ı̨į̀ gòį̀hchìı sìı, Zezì-Krı wegodıì t'à Nǫ̀htsı̨ sıì nàtsoò wehòhɂǫ xè sıì gǫǫzǫ hǫt'e gık'èezǫǫ̀ agejà.

1 Corınth 1:30

Nǫ̀htsı̨ wets'ıhɂǫ̀ Zezì-Krı wexè aaht'e. Nǫ̀htsı̨ sìı Zezì-Krı t'à gots'ı̨ı̨zǫǫ̀ agǫ̀ǫ̀là, wet'ǫ̀ǫ̀ ehkw'ıì ats'ejà, wet'ǫ̀ǫ̀ degaı ts'ı̨ı̨lı̨, eyıts'ǫ wet'ǫ̀ǫ̀ welǫ whìle ts'ǫ̀ edaxàts'eedè hǫt'e.

Ephesus 1:8

Nǫ̀htsı̨ sıì gǫı̨zǫ xè t'asìı hazǫǫ̀ k'èezǫ hǫt'e, eyıt'à wet'à gots'ı̨ı̨zǫǫ eyıts'ǫ wet'à t'asìı nıts'eedìı hazǫǫ̀ deɂǫ̀ǫ̀ goghàyı̨ı̨la hǫt'e.

Colosse 1:19

Nǫ̀htsı̨-Gotà Edeza ghǫ sǫnıwǫ t'à, t'asìı hazǫǫ̀ t'à wehòhɂǫǫ sìı hazǫǫ̀ Edeza ghàyı̨ı̨la.

Colosse 1:28

Zezì-Krı weghǫ dǫ ts'ǫ̀ gots'ede. Dǫ ehkw'ı geeda ha ts'ı̨ı̨wǫ ts'ıhɂǫ̀, wet'à gots'ı̨ı̨zǫǫ̀ ats'ejàa sìı t'à dǫ hazǫǫ̀ nàgets'eɂǫ xè hoghàgets'eehtǫ. Hanì-ı̨dè Zezì-Krı wets'ıhɂǫ̀ dǫ hazǫǫ̀ degaı k'ę̀ę̀ agets'ele ha ts'ı̨ı̨wǫ.

Colosse 1:9

Eyıt'à, naxıghǫ ts'ıìkw'o gots'ǫ naxıgha yats'ehtı ghǫ nats'et'è-le. Yedàyeh Nezı̨ı̨ t'à deghàà goahsǫ ha eyıts'ǫ t'asìı nıahdì aahde ha t'aats'ǫǫ̀ naxıgha Nǫ̀htsı̨ wets'eekè, hanì-ı̨dè Nǫ̀htsı̨ dànıwǫǫ sìı wek'èahsǫǫ̀ aahde ha.

Colosse 3:16

Zezì-Krı weyatıì hazǫǫ̀ naxıdzeè yìı t'aats'ǫǫ̀ wet'à goahsǫ aahda, eyıts'ǫ wet'à hoghàłaahtǫ xè nezı̨į̀ ełek'èahdì. Naxıdzeè t'à Nǫ̀htsı̨ masì weahwhǫ eyıts'ǫ shı̨ xàɂaa t'à wegha aahjı̨.

Colosse 3:3

Ełaahdèe lanì ı̨lè, eyıt'à dıì aahdaa sìı Zezì-Krı wexè Nǫ̀htsı̨ nezı̨į̀ naxık'èdì.

2 Peter 1:5

Nǫ̀htsı̨ hanì goxè hòɂǫ ha nıwǫ t'à naxıgha ehkw'ı-ahodıı sìı wexè nezı̨į̀ k'ehoahɂa, eyıts'ǫ nezı̨į̀ k'ehoahɂa wexè Nǫ̀htsı̨ k'èahsǫ ha hoghàdeahtǫ,

John Wenazhıı 2:17

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welì. T'aa hołı̨ı̨ ghǫehnèe sìı ‘Manna’ deɂı̨į̀ wheɂǫǫ sìı weghàehdı ha. Eyıts'ǫ kwe degoo k'e wıızì gòò dek'eèhtł'èe sìı weghàehɂà ha. Amìı eyı weghǫ̀t'ǫǫ sìı ededı̨ zǫ yek'èezǫ ha.