3 John 1:8 - Nǫ̀htsı̨ Nı̨htł'è

⁸ Eyıt'à dǫ hanıı gokǫ̀ nàgedè agıts'ehɂı̨ı̨ sìı nezı̨ hǫt'e, hanì-ı̨dè ełexè nàowo ehkw'ıı gha eghàlats'eeda ha.

3 John 1:8 ပူးပေါင်းရင်းမြစ်များ

Matthew 10:14

Dǫ naxıgı̨ı̨wǫ-le xè naxıgeèhkw'ǫ-le nı̨dè, naahdè kwe gıkǫ̀ta gots'ǫ ehtł'è naxıkè-tł'a whìle aahłe (hanì-ı̨dè weghàà ekǫ-le eghàlageeda gık'e nìdahoahɂà gık'èezǫǫ̀ ageahłe ha).

Matthew 10:40

“Dǫ naxıgı̨ı̨wǫǫ sìı sı̨ segı̨ı̨wǫ hǫt'e eyıts'ǫ dǫ segı̨ı̨wǫǫ sìı amìı sı̨ı̨hɂàa sìı gı̨ı̨wǫ hǫt'e.

Luke 11:7

“Dǫ edekǫ̀ goyìı whedaa sìı yets'ǫ̀ hadı, ‘Naı̨tłe. Hòt'a enìı̨ɂa eyıts'ǫ seza sexè geète. T'asìı neghàehchı ha nets'ǫ̀ neèhtła ha dìì,’ yèhdı.

2 Corınth 6:1

Goxı̨ Nǫ̀htsı̨ gha ełexè eghàlats'eedaa ts'ı̨ı̨lı̨ı̨ sìı Nǫ̀htsı̨ wesǫnıwǫ k'ètł'ǫ̀ naxıts'ǫ̀ awede-le, naxèts'edıì naxıghǫnàdats'eetì.

2 Corınth 8:23

Tıtus ededı̨ sexè eghàlaeda hǫt'e, eyıts'ǫ setł'axǫǫ̀ naxıta eghàlaeda hǫt'e. Eyıts'ǫ wexè dǫ nàke sìı Nǫ̀htsı̨ cheekeè hazǫǫ̀ gha k'ehogeɂa t'à Zezì-Krı weghàsǫhoedıì adlà hǫt'e.

Phılıppı 4:3

Hęɂę, seàgı̨ą nı̨ t'aats'ǫǫ̀ sexè eghàlaneedàa sìı eyı ts'èko nàke gıts'àądı. Godı nezı̨ı̨ gha sexè hòtł'ò eghàlagı̨ı̨dà ı̨lè, Clement wexè sı eghàlagı̨ı̨dà, eyıts'ǫ dǫ eyıì-le sexè agıat'į̀ı̨ sı gıxè. Welǫ whìle ts'ǫ̀ ts'eedaa enı̨htł'è k'e gıızì dek'eèhtł'è hǫt'e.

Colosse 4:11

Dǫ ı̨łè Zezì eyıts'ǫ Justus sı wìyeh, “Naxıxè sìghà welè,” naxèhdı. Eyı Israel got'ı̨į̀ taı zǫ goxè Nǫ̀htsı̨ Wenàowoò gha eghàlageeda. Nezı̨į̀ sets'àgı̨ı̨dì t'à sedzeè nàtsoò asegį̀į̀là.

1 Thessalonıca 3:2

Gòet'ı̨ Tımothy, Nǫ̀htsı̨ gha eghàlaedaa eyıts'ǫ goxè Zezì-Krı wegodıì nezı̨ı̨ k'eɂaa sìı naxınì nàtsoò ayele ha, eyıts'ǫ denahk'e naxıgha ehkw'ı-ahodı gha naxıts'ǫ̀ wets'ı̨ı̨hɂà hǫt'e.

Phılemon 1:2

Archıppus ededı̨ sı goxè godı nezı̨ı̨ gha eghàlaedaa elı̨ı̨ eyıts'ǫ godè Apphıa gıts'ǫ̀ eehtł'è. Eyıts'ǫ Nǫ̀htsı̨ wecheekeè nekǫ̀ yagehtı gha ełègehdèe sìı ededı̨ sı gıts'ǫ̀ eehtł'è.

Phılemon 1:24

Eyıts'ǫ dǫ eyıì-le sexè eghàlageedaa, Mark, Arıstarchus, Demas, eyıts'ǫ Luke, “Naxıxè sìghà welè,” gedı.

3 John 1:10

Eyıt'à naxıts'ǫ̀ nèehtła nı̨dè dànì k'ehoɂa xè yatıjıı t'à goghǫ godee sìı ghǫ naxıts'ǫ̀ gohde ha. Hanì k'ehoɂa wegha hòt'a-le t'à, gots'ǫ dǫ ekǫ aget'ı̨ ha goı̨hwhǫ-le. Dǫ hagı̨ı̨wǫǫ sìı haget'ı̨ ha-le gòhdı xè Nǫ̀htsı̨ wecheekeè gıta gots'ǫ nagoèhɂà.

3 John 1:7

Zezì-Krı gha eghàlageeda t'à dǫ ta ts'ǫ̀ agejà hǫt'e, eyıts'ǫ dǫ Nǫ̀htsı̨ k'ègeezǫ-le sìı t'asìı wı̨ı̨zìı t'à gots'àgedı ha gogı̨ı̨hwhǫ-le.

3 John 1:9

Nǫ̀htsı̨ wecheekeè ekǫ geèhkw'ee sìı gıts'ǫ̀ ııhtł'è ı̨lè, hanìkò Dıotrephes, ededı̨ k'àowo edeetsı̨ wegha nezı̨ t'à goèhkw'ǫ ha nıwǫ-le.