3 John 1:10 - Nǫ̀htsı̨ Nı̨htł'è

¹⁰ Eyıt'à naxıts'ǫ̀ nèehtła nı̨dè dànì k'ehoɂa xè yatıjıı t'à goghǫ godee sìı ghǫ naxıts'ǫ̀ gohde ha. Hanì k'ehoɂa wegha hòt'a-le t'à, gots'ǫ dǫ ekǫ aget'ı̨ ha goı̨hwhǫ-le. Dǫ hagı̨ı̨wǫǫ sìı haget'ı̨ ha-le gòhdı xè Nǫ̀htsı̨ wecheekeè gıta gots'ǫ nagoèhɂà.

3 John 1:10 ပူးပေါင်းရင်းမြစ်များ

Luke 6:22

Dǫ-wet'àaɂàa-deè wets'ıhɂǫ̀, dǫ naxıdzagı̨ı̨hwhǫ nı̨dè, naxıdę gı̨ı̨wǫ nı̨dè naxık'adageedè nı̨dè, naxızì jıı gehtsı̨ nı̨dè, naxıxè sìghà hǫt'e.

John 9:22

Dǫ wèot'ı̨ Israel got'ı̨į̀ gha k'aodèe ts'àgeejı̨ t'à agedı. Israel got'ı̨į̀ gha k'aodèe dıı hagedı ı̨lè, “Amìı, ‘Zezì, Chrıst hǫt'e,’ hadıı sìı ełèts'ehdèe-kǫ̀ at'ı̨ ha-le,” gedıì yatıì gèhtsı̨ ı̨lè.

Zezì Wecheekeèdeè 1:15

Ekìıyeè k'e Peter dǫ gıgha ehkw'ı-ahodıı sìı gots'ǫ̀ gode ha gota nàwo. (Dǫ ı̨łèakw'eènǫ-daats'ǫ̀-naènǫ haàtłǫǫ goyìı geèhkw'e.)

2 Corınth 13:2

Nàekeè t'à naxıts'àwhıhtła ekò nadąą̀ yatı nàtsoo naxıghàehɂǫ ı̨lè. Dıì setł'axǫǫ̀ k'achı̨ hanaxèehsı̨ ha. K'achı̨ naxıts'àwhıhtła nı̨dè ı̨dìı dǫ hołı̨ı̨ hogèhtsı̨ı̨ sìı eyıts'ǫ dǫ eyıì-le hazǫǫ̀ eładı̨į̀ agejà-le nı̨dè ts'èwhı̨į̀ gıghàhoehɂà ha nıìle,

Galatıa 6:10

Eyıt'à gogha hòɂǫ taàt'eè dǫ hazǫǫ̀ gıts'ǫ̀ nezı̨į̀ eghàlats'ııdà, eyıts'ǫ goxè Nǫ̀htsı̨ wecheekeè gı̨ı̨lı̨ı̨ sìı denahk'e gıts'ǫ̀ nezı̨į̀ eghàlats'ııdà.

1 Tımothy 5:13

Zezì ts'ǫ̀ edeyatıì k'egı̨ı̨zhì wedaats'ǫ̀ gots'egeedì agede ha sǫnı, eyıt'à ekìı kǫ̀ta k'egedè agede ha. Gots'egeedì agede wedaats'ǫ̀ yatıts'ıì kǫ̀ta k'egeɂa xè t'asìı gı̨į̀dı-le sìı ghǫ gogedeè agede ha, eyıts'ǫ t'asìı gıghǫ gode ha-le sìı ghǫ gogedeè agede ha.

2 John 1:10

Dǫ t'alàa-sìı Zezì wegodıì k'èdì-le xè ekǫ-le hoghànaxeehtǫ nı̨dè naxıkǫ̀ goyaetła aweahłe-le, eyıts'ǫ naxıxè nàwedè-le.

2 John 1:12

Įłaà t'asìı łǫ ghǫ naxıts'ǫ̀ eehtł'è ha hǫt'e, hanìkò enı̨htł'è eyıts'ǫ enı̨htł'èchı̨į̀ t'à welè-le dehwhǫ. Hanìkò naxıts'àhtła ha dehwhǫ, naxıxè whıhda gà naxıts'ǫ̀ gohde ha dehwhǫ, hanì-ı̨dè ełexè sıì goınà ha hǫt'e.

3 John 1:3

Nèot'ı̨ mǫ̀hdaa jǫ nègı̨ı̨de t'à neghǫ sexè gogedo. Dànì nàowo ehkw'ıı ghǫ nınì nàtsoo xè dànì ı̨łaà wek'ę̀ę̀ ı̨da ghǫ sexè gogedo t'à sıì neghǫ sınà hǫt'e.

3 John 1:5

Seàgı̨ą, gòet'ı̨ gık'èı̨zǫ-le kò, nets'ǫ̀ aget'ı̨ nı̨dè t'aats'ǫǫ̀ gıts'ànedıı sìı nezı̨ hǫt'e.