3 John 1:1 - Nǫ̀htsı̨ Nı̨htł'è

¹ Sı̨ Zezì-Krı wecheekeèdeè aht'ee sìı seàgı̨ą Gaıus nàowo ehkw'ıı k'ę̀ę̀ weghǫneehtǫǫ sìı wets'ǫ̀ eehtł'è hǫt'e.

3 John 1:1 ပူးပေါင်းရင်းမြစ်များ

Zezì Wecheekeèdeè 11:30

Sǫǫ̀mba nàgı̨ı̨htsı̨ı̨ sìı Judea nèk'e Nǫ̀htsı̨ wecheekeè gha k'aodèe gı̨ı̨lı̨ı̨ sìı gots'ǫ̀ agele ha t'à, Barnabas eyıts'ǫ Saul ghàgı̨ı̨wa.

Zezì Wecheekeèdeè 19:29

Whaà-le-t'ıì kǫ̀ta hazǫǫ̀ dǫ nìdahogı̨į̀hdè. Dǫ nàke Gaıus eyıts'ǫ Arıstarchus, Paul xè Macedonıa nàgedè ı̨lèe sìı dagogıachì. Ełegeèhdìı-k'è gǫchàa ts'ǫ̀ gogeèwa.

Zezì Wecheekeèdeè 20:4

Dǫ gıxè at'ı̨ı̨ sìı Berea got'ı̨į̀ Pyrhus weza, Sopater wìyeh, eyıts'ǫ Thessalonıca got'ı̨į̀ nàke Arıstarchus eyıts'ǫ Secundus, eyıts'ǫ Derbe got'ı̨į̀ Gaıus. Tımothy, Asıa got'ı̨į̀ Tychıcus eyıts'ǫ Trophımus goxè aget'ı̨.

Rome 16:23

Gaıus, sı̨ eyıts'ǫ Nǫ̀htsı̨ wecheekeè hazǫǫ̀ wekǫ̀ gots'ǫ̀ enìxàı̨tǫ t'à weghǫ masì ts'ı̨ı̨wǫǫ sìı, “Naxıxè sìghà welè,” naxèhdı. Erastus, kǫ̀ta gha sǫǫ̀mba k'èdìı elı̨ eyıts'ǫ gòet'ı̨ Quartus, “Naxıxè sìghà welè,” naxègedı.

1 Corınth 1:14

Naxıta gots'ǫ dǫ gık'ètaèhdzǫ-le ı̨lè, eyı gha masì dehwhǫ. Crıspus eyıts'ǫ Gaıus ededı̨ zǫ gık'ètaèhdzǫ ı̨lè.

1 Peter 5:1

Naxıgha k'aodèe gı̨ı̨lı̨ı̨ sìı gıdanatıehɂà ha. Naxıxèht'eè k'àowo aht'e eyıts'ǫ sedaà Zezì-Krı daı̨ɂà hǫt'e. Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sı̨ sı wexè aht'ı̨ ha hǫt'e.

1 John 3:18

Sèot'ı̨ı̨, goyatıì zǫ t'à ełeghǫnets'eètǫ welè-le, hanìkò nàowo ehkw'ıı k'ę̀ę̀ ełets'àts'edı ha hǫt'e.

3 John 1:2

Seàgı̨ą, hotıì ı̨da xè t'asìı hazǫǫ̀ negha sìghà, eyıts'ǫ nedą̀ązhį̀ı̨ xè sìghà hòɂǫ gha, negha yahtı hǫt'e.