Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Tımothy 4:8 - Nǫ̀htsı̨ Nı̨htł'è

8 Ehkw'ı gha sııtà xè hoehnǫ ts'ıhɂǫ̀ t'asìı sǫǫ̀mbaekwo t'à hòèlı̨ı̨ nǫǫde dzęę̀ k'e seghǫ̀t'à ha. Gots'ǫ̀ K'àowo ededı̨ zǫ ehkw'ı dǫ sınìyaehtı hǫt'e eyıts'ǫ ayìı dehnǫǫ sìı seghàyııɂà ha. Sı̨ zǫ hasele ha nıìle, hanìkò dǫ hazǫǫ̀ wègoèht'į̀ gha kànegı̨ı̨ɂaa sìı ededı̨ sı hagole ha hǫt'e.

အခန်းကိုကြည့်ပါ။ ကော်ပီ




2 Tımothy 4:8
39 ပူးပေါင်းရင်းမြစ်များ  

Hanì kǫ̀godeè wedıhoı̨htsı̨ ha honàedı nıìle. Dǫ ehkw'ı geedaa sìı dǫ hołı̨ı̨ k'ę̀ę̀ geedaa xè ełaàgį̀ı̨hde ha dìì. Dǫ ehkw'ı geedaa eyıts'ǫ dǫ hołı̨ı̨ k'ę̀ę̀ geedaa ełèht'eè gıghàlaı̨da ha dìì hǫt'e. Hanì ha honàedı nıìle. Dıı nèk'e t'asìı hazǫǫ̀ yesınìyahtıı elı̨ı̨ sìı ehkw'ı eghàlaeda ha nıìle nì?” Abraham yèhdı.


“Dǫ wı̨ı̨zìı ayìı dzęę̀ k'e agode ha sìı yek'èezǫ nıìle, yak'eet'ı̨į̀ kò gık'èezǫ nıìle, eyıts'ǫ Nǫ̀htsı̨ Weza ededı̨ kò yek'èezǫ nıìle, hanìkò Nǫ̀htsı̨-Gotà ededı̨ zǫ yek'èezǫ hǫt'e.


Eyı dzęę̀ k'e nìhǫǫwo nı̨dè dǫ łǫ sets'ǫ̀ dıı hagedı ha, ‘Sets'ǫ̀ K'àowo, nıızì dahxà nadąą̀ gots'ı̨ı̨de ı̨lè, ı̨nìłı̨ı̨ xàdets'eèzhì eyıts'ǫ enıìyah łǫ hots'èhtsı̨ ı̨lè,’ gedı ha.


Ehkw'ı anaxèehsı̨, eyı dzęę̀ k'e nı̨dè eyı kǫ̀ta gots'ǫ dǫ dagı̨ı̨ɂa ha. Kǫ̀ta Sodom dǫ nàı̨dè ı̨lèe sìı nahk'e dagı̨ı̨ɂa ha.


Hanìkò naxıkwì nàtso xè naxıdzeè t'à edek'eahłı̨-le t'à, Nǫ̀htsı̨ naxıts'ǫ̀ wek'èch'a aahłà hǫt'e. Nǫ̀htsı̨ edenàowoò ehkw'ıı k'ę̀ę̀ dǫ-sınìyaehtıı-dzęę̀ k'e nı̨dè, deɂǫ̀ǫ̀ hoìla anaxedle ha hǫt'e.


T'asìı hòèlı̨ı̨ zǫ hanì dagı̨ı̨ɂa nıìle, goxı̨ sı Yedàyeh Nezı̨ı̨ hòt'a goyìı eghàlaeda ats'ı̨ı̨t'ee sìı godzeè t'à hǫts'eetse hǫt'e. Łǫ̀ǫ̀ Nǫ̀htsı̨ weza ts'ı̨ı̨lı̨ ha gòìhchı ha, eyıts'ǫ gozhį̀į̀ deghàà edaxàzhe ha wekanıts'eèɂà xè wek'enats'eèhɂı̨.


Nǫ̀htsı̨ Nı̨htł'è k'e dıı hanì dek'eèhtł'è: “Dǫ Nǫ̀htsı̨ ghǫnegeètǫǫ sìı Nǫ̀htsı̨ ayìı ts'atà godawhehłaa sìı dǫ wı̨ı̨zìı yaɂı̨ whìle, eyıts'ǫ dǫ wı̨ı̨zìı yı̨ı̨hkw'ǫ̀ whìle, eyıts'ǫ dǫ wı̨ı̨zìı yedaànıwhewo whìle,” dek'eèhtł'è.


dànì edılaà ghàlaı̨dàa sìı nǫǫde dzęę̀ k'e wek'èhoedzǫǫ̀ adle ha. Ayìı hòèhtsı̨ı̨ sìı kǫ̀-dèk'ǫ̀ǫ t'à wek'èhoedzǫǫ̀ adle ha, kǫ̀ t'à weèdzà ha, eyıts'ǫ wılaà k'è hoı̨zı̨ nı̨dè wek'èhoedzǫǫ̀ adle ha.


Amìı ehdaàtı̨mǫgeedè goxè at'ı̨ ha nıwǫǫ sìı eyı gha edexè sınìhòɂà hǫt'e. Dǫ hanıı sìı t'asìı sǫǫ̀mbaekwo t'à hòèlı̨ı̨ eyıts'ǫ t'asìı whaà ts'ǫ̀ wheɂǫ ha-le sìı geehnè gha aget'ı̨, hanìkò goxı̨ sìı t'asìı deè welǫ whìle ts'ǫ̀ goghaelı̨ gha ats'et'ı̨ hǫt'e.


Hanìkò ı̨łaà dıı nèk'e ts'eeda et'ıì godzeè etse, yak'e gokǫ̀ yìı nàts'edè ha ts'ı̨ı̨wǫ t'à.


Yak'e t'asìı deè naxıdawhelaa sìı naxıgha ehkw'ı-ahodı t'à dǫ ghǫnıahtǫ. Yatı ehkw'ıı sìı weàhkw'ǫ ı̨lè t'à, eyı t'asìı deè naxıdawhelaa sìı hòt'a wek'èahsǫ hǫt'e. Eyı yatı ehkw'ıı sìı godı nezı̨ı̨


Weza naìdà ayį̀į̀làa sìı yak'e gots'ǫ jǫ anade ha wedanaahɂı̨. Eyı Zezì hǫt'e, ededı̨ sìı Nǫ̀htsı̨ nàgoehkwa ch'à edaxàgole ha hǫt'e.


Hanìkò sèot'ı̨ı̨, naxı̨ sìı eyı gha naxıxè togoòtł'ò nıìle, eyıt'à eyı dzęę̀ k'e sìı eeɂį̀ı̨-dǫǫ̀ naxınaàhtǫ naxıkǫ̀ goyaetła lanì naxıtł'ahk'e agode ha nıìle.


Eyı tł'axǫǫ̀-ı̨dè eyı dǫ wejıı sìı wègoèt'į̀ ha. Hanìkò gots'ǫ̀ K'àowo Zezì nììtła nı̨dè, ededaàzhìı t'à yek'e ehsò t'à yeghǫehnè ha eyıts'ǫ enıìyah deè t'à yedıhohtsı̨ ha.


Haget'ı̨ nı̨dè edegha t'asìı nezı̨ı̨ nègele lanì ha, eyı sìı ı̨daà gogha wet'à nàgetsoò geeda ha. Hanì-ı̨dè hotıì dànì ehkw'ı ts'eedaa sìı k'ę̀ę̀ geedaà agede ha.


Hanìkò dıì sìı wesǫnıwǫ k'èhots'eezǫǫ̀ agǫ̀ǫ̀là, Zezì-Krı Edaxàgolee sìı gots'ǫ̀ nììtła t'à. Nàowo wet'à ełaàts'ewıı sìı yedıhòèhtsı̨ eyıts'ǫ godı nezı̨ı̨ t'à welǫ whìle ts'ǫ̀ ts'eedaa sìı wek'èts'eezǫǫ̀ agǫ̀ǫ̀là.


Eyı ts'ıhɂǫ̀ hanì daıhɂa hǫt'e. Hanìkò amìı segha ehkw'ı adıı sìı wek'èehsǫ t'à, weghǫ į̀į̀zhaehłı̨ nıìle. Nǫǫde dzęę̀ gha ayìı wetł'aà wheɂǫ ahłàa sìı yek'èdì ha hotıì wek'èehsǫ hǫt'e.


Nǫǫde dzęę̀ k'e nı̨dè Nǫ̀htsı̨ eteyeèɂı̨ welè. Kǫ̀ta Ephesus nàhdè ekò t'asìı nezı̨ı̨ łǫ t'à sets'àı̨dì ı̨lèe sìı hazǫǫ̀ wek'èı̨zǫ hǫt'e.


Eyı xèht'eè dǫ ehdaàtı̨mǫedaa sìı sǫnàts'edèe nàowoò k'ę̀ę̀ at'į̀ lenǫsıı t'asìı sǫǫ̀mbaekwo t'à hòèlı̨ı̨ dehnè ha nıìle.


Nǫ̀htsı̨ wenadąą̀ eyıts'ǫ Zezì-Krı wenadąą̀ nets'ǫ̀ eehtł'è. Zezì ededı̨ sìı dǫ geedaa eyıts'ǫ dǫ ełaı̨dèe gosınìyaehtı ha. Gots'ǫ̀ wègoèht'į̀ ha eyıts'ǫ wenàowoò k'ę̀ę̀ hòɂǫǫ̀ ayele ha. Wedahxà dıı yatı neghàıhɂǫ hǫt'e:


Enıìyah deè nàhòwo ha ı̨łaà wek'enats'eèhɂı̨ et'ıì hanì nezı̨į̀ ts'eeda ha hǫt'e. Zezì-Krı Gonǫ̀htsı̨ eyıts'ǫ Edaxàgolee deè elı̨ı̨ sìı gots'ǫ̀ wègoèt'į̀ ha wek'enats'eèhɂı̨ hǫt'e.


Nǫ̀htsı̨ hołı̨ı̨ hots'ehtsı̨ ch'à hoghàgoehtǫ nı̨dè gogha nezı̨-le xè gogha dìì hǫt'e. Hanìkò nǫǫde-ı̨dè wet'à ehkw'ı ts'eedaà ats'et'į̀, eyıts'ǫ weghàdets'eetǫ nı̨dè goxè sìghà hòɂǫ agot'į̀ hǫt'e.


Eyı lanì Zezì-Krı ı̨łàà zǫ dǫ łǫ gıhołı̨į̀ k'èxa ełaàwìgwo, eyıts'ǫ k'achı̨ nàke t'à nììtła ha. Dǫ-hołı̨į̀ k'èxa k'achı̨ daı̨ɂa gha nììtła ha-le, hanìkò dǫ gıdanaèhɂı̨ı̨ sìı edaxàgole gha ade ha.


Dǫ weèdzà t'à wexè hoìla kò wınì nàtso-le ade-le sìı wexè sìghà hǫt'e. Ayìı t'à weèdzàa sìı yeghǫèhnǫ nı̨dè wek'èxa welǫ whìle ts'ǫ̀ edaà awedle ha. Amìı Nǫ̀htsı̨ ghǫnegeètǫǫ sìı hanì edeyatıì goghàı̨ɂǫ hǫt'e.


Nǫ̀htsı̨ ayìı naxıda ts'atà whehłaa sìı naxıghǫ̀t'à ha hǫt'e, yak'e naxıgha wek'èhodì ne t'à wezǫą ade hǫı̨lı̨ ha-le, ek'eèhtsǫ̀ ade hǫı̨lı̨ ha-le, eyıts'ǫ ı̨hjıì ade hǫı̨lı̨ ha-le.


Haaht'ı̨ nı̨dè Nǫ̀htsı̨ wesahzǫ̀ą-k'èdìı-deè nììtła nı̨dè welǫ whìle ts'ǫ̀ enıìyah k'ę̀ę̀ aahdaà anaxedle ha hǫt'e.


Įdòo k'eaht'į̀, k'oh k'e gots'ǫ̀ nììtła ha. Dǫ hazǫǫ̀ geɂį̀ ha. Dǫ behkà t'à gıghaı̨hkoo sìı ededı̨ kò geɂį̀ ha. Eyıts'ǫ dıı nèk'e dǫ hazǫǫ̀ wets'ıhɂǫ̀ geejı̨ xè getse ha. Hanì hòɂǫ welè! Amen.


Yak'e enìxànı̨ı̨tǫ wègoèht'į̀ ekò senadąą̀ tłı̨cho degoo nàwo. Eyı tłı̨cho t'à-at'ı̨ı̨ sìı dıı hawìyeh: “edeyatıì k'èdìı” eyıts'ǫ “ehkw'ı hǫt'e” wìyeh. Ededı̨ sìı ehkw'ı dǫ sınìyaehtı eyıts'ǫ nàowo ehkw'ıı k'ę̀ę̀ eghǫ.


Whaà-le-t'ıì ayìı t'à daahɂa ha sìı weghǫ dahjı̨-le. Ehkw'ı anaxèehsı̨, wehłı̨ı̨ naxeèhdzà ha nıwǫ t'à dǫ-danìı̨laa-kǫ̀ ts'ǫ̀ anaxele ha hǫt'e. Hoònǫ dzęę̀ ts'ǫ̀ danaxegį̀ı̨hɂa ha. Naxıweè hogehtsı̨ kò naxınì nàtsoò aahłe. Wek'èxa welǫ whìle ts'ǫ̀ ts'eedaa naxıghàehɂà ha.


Ededı̨ dıı godı t'à godee sìı dıı hadı, “Hęɂę, whaà-le-t'ıì jǫ nèehtła ha,” hadı. Hęɂę, gots'ǫ̀ K'àowo Zezì, gots'ǫ̀ anede!


ǫhdah naènǫ-daats'ǫ̀-dı̨ sìı eyı daèhchı̨cho k'e whedaa ts'ǫ̀ nàgògehge eyıts'ǫ welǫ whìle ts'ǫ̀ wehòhɂǫǫ sìı ghàsǫgeedı. Edets'ǫ sǫǫ̀mbaekwo kwìt'ıì eyı daèhchı̨cho nadąą̀ nègewa xè hagedı,


Eyı daèhchı̨cho wemǫǫ̀ daèhchı̨cho naènǫ-daats'ǫ̀-dı̨ whela. Ǫhdah naènǫ-daats'ǫ̀-dı̨ gık'e dèhkw'e. Goht'ǫ degoo yìı geèhkw'e eyıts'ǫ sǫǫ̀mbaekwo kwìt'ıì gık'e whela.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ