2 Tımothy 4:2 - Nǫ̀htsı̨ Nı̨htł'è

² Nǫ̀htsı̨ yatıì t'à dǫ ts'ǫ̀ goı̨de ha t'aats'ǫǫ̀ sınìwheęda. Nàowo ehkw'ıı k'ę̀ę̀ aahda, hołı̨ı̨ hòahtsı̨-le, eyıts'ǫ eyı gha naxınì nàtsoò aahłe, gìı̨dı. T'aats'ǫǫ̀ dǫ xè ts'èwhı̨į̀ neewǫ eyıts'ǫ hotıì nezı̨į̀ hoghàgı̨ı̨htǫ.

2 Tımothy 4:2 ပူးပေါင်းရင်းမြစ်များ

Luke 7:23

Amìı wek'èch'a aht'ı̨-le sìı wexè sìghà hǫt'e,” Zezì gòhdı.

Luke 7:4

Israel got'ı̨į̀ gıɂǫhdaà Zezì ghǫ nègı̨ı̨de ekò gıghǫnàdaetì, hagedı, “Dıı k'àowo goghǫneètǫ xè ełèts'ehdèe-kǫ̀ gogha gòhtsı̨ t'à, wets'ǫ̀ nezı̨į̀ eghàlaı̨da ha nets'ı̨ı̨hwhǫ,” gıìhdı.

Luke 9:60

Zezì yets'ǫ̀ hadı, “Dǫ ełaı̨dèe lagı̨ı̨t'ee sìı edets'ǫ dǫ ełaı̨dèe gıkw'ǫǫ̀ nègııle, hanìkò nı̨ sìı Nǫ̀htsı̨ Wenàowoò k'ę̀ę̀ hòɂǫǫ sìı t'à dǫ ts'ǫ̀ goı̨de,” yèhdı.

Zezì Wecheekeèdeè 13:5

Kǫ̀ta Salamıs nègı̨ı̨de ekò Israel got'ı̨į̀ gıts'ǫ ełègehdèe-kǫ̀ goyìı Nǫ̀htsı̨ yatıì t'à dǫ xè gogedo. John-Mark gots'àdı t'à goxè at'ı̨.

Zezì Wecheekeèdeè 16:13

Nǫ̀htsı̨ Dzęę̀ k'e kǫ̀ta gà deh nıɂàa ekǫ dǫ yagehtı ha sǫnı ts'ı̨ı̨wǫ t'à, ekǫ ts'ǫ̀ ats'ejà. Ts'èko mǫ̀hdaa eyı łą̀ą nègı̨ı̨dee sìı gıxè ts'eèhkw'e eyıts'ǫ gıts'ǫ̀ gots'ı̨ı̨de.

Zezì Wecheekeèdeè 20:7

Nǫ̀htsı̨ Dzęę̀ tł'axǫǫ̀ ełexè łèt'è ts'eɂà ha łą̀ą nèts'ı̨ı̨de. Paul dǫ ts'ǫ̀ goı̨de. Ek'èdaedzęę̀ k'e naetła ha nıwǫ t'à totanı ts'ǫ̀ goı̨de.

Zezì Wecheekeèdeè 28:16

Kǫ̀godeè Rome nèts'ı̨ı̨de ekò Paul ı̨łèhkǫ̀ whatsǫǫ̀ nàdè ha wegha hòɂǫǫ̀ agı̨į̀là, eghǫǫ-dǫǫ̀ ı̨łè yexoehdı xè.

Rome 10:15

Eyıts'ǫ gots'ǫ̀ K'àowo dǫ goı̨hɂà-le nı̨dè, dànì wegodıì nezı̨ı̨ t'à gots'ǫ̀ gogede welì? Dıı hanì dek'eèhtł'è: “Dǫ godı nezı̨ı̨ gots'ǫ̀ nìı̨ɂǫǫ sìı weghǫ sıì goınà hǫt'e!” dek'eèhtł'è.

Rome 12:12

Įdaà naxıxè sìghà hòɂǫ ha t'à naxınà welè, naxıgha hoìla nı̨dè wexè ts'èwhı̨į̀ aahda eyıts'ǫ t'aats'ǫǫ̀ yaahtı.

Galatıa 6:6

Dǫ Nǫ̀htsı̨ yatıì hoghàweètǫǫ sìı t'asìı hazǫǫ̀ nezı̨ı̨ wets'ǫ t'à dǫ hoghàyeehtǫǫ sìı ts'àdı ha hǫt'e.

Colosse 1:25

Nǫ̀htsı̨ sı̨ı̨hɂàa t'à Nǫ̀htsı̨ wecheekeè gıgha eghàlaehda ehłı̨į̀ asììdlà. Nǫ̀htsı̨ weyatıì deè deghàà naxıghàehɂà ha seghàhòı̨ɂǫ hǫt'e.

Colosse 4:3

Eyıts'ǫ goxı̨ sı gogha yaahtı, weyatıì t'à dǫ ts'ǫ̀ gots'ede ha Nǫ̀htsı̨ gogha ehkw'ı goòɂà ayele gha. Hanì-ı̨dè Zezì-Krı wegodıì dǫ ts'ǫ̀ deɂı̨į̀ wheɂǫǫ sìı t'à gıxè gots'edo ha, eyı k'èxa jǫ sedaàtǫ hǫt'e.

1 Thessalonıca 1:6

Edànì ts'eedaa sìı goxèahɂı̨į̀ aahjà, eyıts'ǫ gots'ǫ̀ K'àowo sı wexèahɂı̨į̀ aahjà. Sıì daahɂaà anaxììdlà kò godı nezı̨ı̨ edegha ààhchı, eyıts'ǫ Yedàyeh Nezı̨ı̨ eyı godı nezı̨ı̨ ghǫ sıì naxınà anaxį̀į̀là hǫt'e.

1 Thessalonıca 5:14

Sèot'ı̨ı̨, dıı naxıghǫnàdats'eetì: Dǫ gots'egeedìı sìı yatı nàtsoo gıghàahɂà. Dǫ edègeejı̨ı̨ sìı gınì nàtsoò aahłe, dǫ nàgetso-le sìı gıts'àahdı, dǫ hazǫǫ̀ xè ts'èwhı̨į̀ k'ehoahɂa.

1 Thessalonıca 5:20

Yedàyeh Nezı̨ı̨ wedahxà dǫ gode nı̨dè, ekìı ahodı dahwhǫ-le.

1 Tımothy 4:13

Nets'ǫ̀ nèehtła gots'ǫ̀, nınì nàtso xè gıts'ǫ̀ Nǫ̀htsı̨ Nı̨htł'è k'eyaąhtı, wet'à gıts'ǫ̀ goı̨de, eyıts'ǫ wet'à hoghàgı̨ı̨htǫ.

1 Tımothy 5:20

Hołı̨ı̨ hòèhtsı̨ nı̨dè dǫ hazǫǫ̀ gınadąą̀ eyı ghǫ wets'ǫ̀ goahde ha. Hanì-ı̨dè dǫ gıgha ehkw'ı-ahodıı sìı hołı̨ı̨ hogehtsı̨ ch'à edexogııhdı ha.

2 Tımothy 2:21

Dǫ hołı̨ı̨ wedę ayį̀į̀là nı̨dè kw'à wet'àaɂàa lanì hǫt'e. Wets'ǫ̀ K'àowo gha degaı xè wet'àhoòɂà at'į̀, eyıts'ǫ la nezı̨ı̨ ghàlaeda gha sınìwheda ha.

2 Tımothy 2:25

Dǫ gık'èch'a agedıı sìı edek'egı̨ı̨lı̨ gha Nǫ̀htsı̨ goghàhòɂà ha t'à ts'èwhı̨į̀ hoghàgoehtǫ ha hǫt'e. Hanì-ı̨dè nàowo ehkw'ıı sìı gık'èezǫǫ̀ agede ha,

2 Tımothy 3:10

Hanìkò nı̨ sìı ayìı hoghàehtǫǫ, dànì ehdaa, ayìı gha eghàlaehdaa, dànì segha ehkw'ı-ahodıı, dànì ts'èwhı̨į̀ dehwhǫǫ, dànì dǫ gıghǫneehtǫǫ, daıhɂà sǫnı kò sınì nàtso xè ehdaa, hazǫǫ̀ wek'èı̨zǫ hǫt'e.

Tıtus 1:13

Eyı dǫ goghǫ ehkw'ı goı̨dee hǫt'e. Eyıt'à yatı nàtsoo t'à hołı̨ı̨ hoahtsı̨-le gìı̨dı, hanì-ı̨dè nàowo ehkw'ıı sìı gıgha ehkw'ı-ahodıì agede ha,

Tıtus 2:15

Dıı hazǫǫ̀ hoghàgı̨ı̨htǫ ha hǫt'e. Nǫ̀htsı̨ wedahxà gınì nàtsoò agı̨ı̨le, eyıts'ǫ hołı̨ı̨ wedę aahda gìı̨dı. Dǫ wı̨ı̨zìı neyatıì wet'àaɂà-le nı̨ı̨hwhǫ sǫ̀ǫ̀.

Hebrew 13:22

Sèot'ı̨ı̨, eyı yatı nàtsoo naxıghàehɂǫǫ sìı hotıì wek'èahdì, nı̨htł'è nek'ǫ̀ą t'à naxıts'ǫ̀ ııhtł'è ne t'à.

John Wenazhıı 3:19

“T'aa gıghǫneehtǫǫ sìı hołı̨ı̨ hogehtsı̨ nı̨dè nàgeehɂǫ xè nezı̨į̀ geeda gha hoghàgeehtǫ hǫt'e. Eyıt'à ehkw'ı nànıahdè xè edek'eahłı̨.