2 Tımothy 4:10 - Nǫ̀htsı̨ Nı̨htł'è

¹⁰ Demas dıı nèk'e t'asìı whelaa ghǫneètǫ t'à sets'ǫǫ̀ ajà xè kǫ̀ta Thessalonıca ts'ǫ̀ ajà. Crescens Galatıa nèk'e ts'ǫ̀ ajà, eyıts'ǫ Tıtus Dalmatıa nèk'e ts'ǫ̀ ajà.

2 Tımothy 4:10 ပူးပေါင်းရင်းမြစ်များ

Matthew 12:32

Eyıts'ǫ Dǫ-wet'àaɂàa-deè k'èch'a gogede nı̨dè eyı gıghǫ nahoezhe ha, hanìkò dǫ Yedàyeh Nezı̨ı̨ k'èch'a gogede nı̨dè gıghǫ nahoezhe ha-le. Dıì gıghǫ nahoezhe ha-le eyıts'ǫ ı̨daà sı gıghǫ nahoezhe ha-le.

Matthew 26:56

Hanìkò nakwenàoɂǫǫ gını̨htł'è k'ę̀ę̀ agode ha t'à dıı hagode ha t'ıį̀t'e,” gòhdı. Eyı tł'axǫǫ̀ wecheekeè hazǫǫ̀ gıts'ǫǫ̀ natı̨mǫgeèhde, eyıts'ǫ nakwı̨geède.

Luke 14:33

Eyı lanì, t'asìı hazǫǫ̀ naxıgha wedę lenǫsıı secheekeè aahłı̨ ha dìì.

Luke 16:13

“Dǫ wı̨ı̨zìı k'àowo nàke gha eghàlaeda ha dìì. K'àowo ı̨łè ghǫneètǫ ha eyıts'ǫ ı̨łè nèlı̨ ha-le, eyıts'ǫ k'àowo ı̨łè k'èı̨t'e ha eyıts'ǫ ı̨łè k'èı̨t'e ha-le. Nǫ̀htsı̨ eyıts'ǫ Sǫǫ̀mba į̀łah ełèht'eè gıgha eghàlats'eeda ha dìì hǫt'e,” Zezì hadı.

Luke 17:32

Lot wets'èkeè wexè dàgòjàa sìı hotıì wenaahdì!

Zezì Wecheekeèdeè 13:13

Paul eyıts'ǫ dǫ yexè aget'ı̨ı̨ sìı kǫ̀ta Paphos gots'ǫ Pamphylıa nèk'e kǫ̀ta Perga ts'ǫ̀ geèɂe. Ekǫ John-Mark gots'ǫǫ̀ naèhtła, Jerusalem ts'ǫ̀ anajà.

Zezì Wecheekeèdeè 15:38

Hanìkò John-Mark kǫ̀ta Pamphylıa ekǫ gots'ǫǫ̀ naèhtła ı̨lè, eyıts'ǫ goxè eghàlaı̨dà-le t'à Paul, John-Mark goxè at'ı̨ ha nıwǫ-le.

Zezì Wecheekeèdeè 16:6

Paul eyıts'ǫ dǫ gıxè at'ı̨ı̨ sìı Phrygıa nèk'e eyıts'ǫ Galatıa nèk'e hazǫǫ̀ k'egıadè, hanìkò Yedàyeh Nezı̨ı̨ Asıa nèk'e godı nezı̨ı̨ dǫ ts'ǫ̀ agı̨į̀là agǫ̀ǫ̀là-le.

Zezì Wecheekeèdeè 17:1

Kǫ̀godeè Amfıpolıs eyıts'ǫ Apollonıa goxa geède, kǫ̀godeè Thessalonıca ts'ǫ̀ agejà. Ekǫ Israel got'ı̨į̀ gıts'ǫ ełègehdèe-kǫ̀ gòɂǫ.

Zezì Wecheekeèdeè 17:11

Israel got'ı̨į̀ kǫ̀ta Berea nàgedèe sìı kǫ̀ta Thessalonıca got'ı̨į̀ nahk'e gınezı̨. Godı nezı̨ı̨ gıìkw'o t'à gınà. Asį̀į̀ Paul ehkw'ı gode gı̨ı̨wǫ t'à dzę taàt'eè Nǫ̀htsı̨ Nı̨htł'è k'eyagehtı.

Zezì Wecheekeèdeè 17:13

Israel got'ı̨į̀ Thessalonıca nàgedèe sìı Paul kǫ̀ta Berea Nǫ̀htsı̨ yatıì t'à dǫ hoghàehtǫ ghǫ gıìkw'o t'à ekǫ ts'ǫ̀ geède. Dǫ łǫ Paul k'èch'a nıdahogı̨į̀hdè agogį̀į̀là.

Zezì Wecheekeèdeè 18:23

Whaà-lea ts'ǫ̀ eyı nàı̨dè. Eyı tł'axǫǫ̀ eyı nèk'e gota k'eeda, Galatıa nèk'e eyıts'ǫ Phrygıa nèk'e hazǫǫ̀ nàhtła. Nǫ̀htsı̨ wecheekeè hazǫǫ̀ gınì nàtsoò agǫ̀ǫ̀là.

2 Corınth 2:13

Hanìkò sèot'ı̨ Tıtus ekǫ wegòhɂǫ-le t'à sıì weghǫ nanıhwhǫ ı̨lè, eyıt'à ekǫ dǫ masì gèehsı̨ tł'axǫǫ̀ Macedonıa nèk'e ts'ǫ̀et'ıì ahjà.

2 Corınth 7:6

Hanìkò dǫ gıxè hoìlaa sìı Nǫ̀htsı̨ gıdzeè t'à nàtsoò agohɂį̀ hǫt'e. Tıtus gots'ǫ̀ nììtła t'à Nǫ̀htsı̨ godzeè nàtsoò ayį̀į̀là hǫt'e.

2 Corınth 8:16

Dànì naxıxè hòɂǫ ha dehwhǫǫ sìı Nǫ̀htsı̨ Tıtus hanì nànıwoò ayį̀į̀là hǫt'e, eyıt'à Nǫ̀htsı̨ masì weehwhǫ.

2 Corınth 8:23

Tıtus ededı̨ sexè eghàlaeda hǫt'e, eyıts'ǫ setł'axǫǫ̀ naxıta eghàlaeda hǫt'e. Eyıts'ǫ wexè dǫ nàke sìı Nǫ̀htsı̨ cheekeè hazǫǫ̀ gha k'ehogeɂa t'à Zezì-Krı weghàsǫhoedıì adlà hǫt'e.

2 Corınth 8:6

Tıtus ededı̨ naxıta dǫ gha sǫǫ̀mba nàhtsį̀ yexèhoį̀hwho ı̨lè t'à, naxıdzeè sǫnıwǫ t'à dǫ ts'àahdıı sìı deghàà nàyehtsį̀ ha wèts'edı hǫt'e.

Galatıa 1:2

Nǫ̀htsı̨ wecheekeè hazǫǫ̀ sexè geèhkw'ee sìı dıı enı̨htł'è sexè gı̨ı̨tł'è. Galatıa nèk'e Nǫ̀htsı̨ wecheekeè nàgedèe sìı gıts'ǫ̀ ts'ı̨ı̨tł'è hǫt'e.

Phılıppı 2:21

Dǫ hazǫǫ̀ edegha sìghà zǫ gı̨ı̨wǫ, hanìkò Zezì-Krı dànıwǫǫ sìı gıdaànıedè-le.

1 Tımothy 6:10

Sǫǫ̀mba ghǫ ets'edì-le nı̨dè wets'ıhɂǫ̀ hołı̨ı̨ hazǫǫ̀ xàɂaa hots'ehtsı̨. Dǫ mǫ̀hdaa sıì sǫǫ̀mba ghageewı t'à, Zezì-Krı gha gınì nàtso-le aget'į̀. Eyıt'à edegha hoìla hogehtsı̨.

1 Tımothy 6:17

Dıı nèk'e dǫ ahxee gı̨ı̨lı̨ı̨ sìı dıı yatı gıghàı̨ɂà. Xàhogııdì-le eyıts'ǫ t'asìı gıts'ǫ sìı ghǫ hòtł'ò agı̨ı̨wǫ ha-le, hǫtsaa gıghǫ whìle ade ha sǫnı t'à. Hanìkò Nǫ̀htsı̨ gha gınì nàtso ha hǫt'e. Ededı̨ sìı wet'à sìts'eèt'ı̨ı̨ nàts'edè gha t'asìı hazǫǫ̀ goghàyele hǫt'e.

2 Tımothy 1:15

Asıa nèk'e dǫ wı̨ı̨zìı sexè aget'ı̨-le agejà wek'èı̨zǫ hǫt'e. Phygelus eyıts'ǫ Hermogenas ededı̨ kò sexè aget'ı̨-le agejà.

2 Tımothy 4:16

T'akwełǫ̀ǫ̀ seghǫ nàyaetı ekò dǫ wı̨ı̨zìı sek'edaedı-le ı̨lè, hazǫǫ̀ sets'ǫǫ̀ nageèhde ı̨lè. Eyı k'èxa Nǫ̀htsı̨ t'asagǫ̀ǫ̀là-le nı̨dè dehwhǫ.

Tıtus 1:4

Tıtus, nets'ǫ̀ eehtł'è. Setł'aà Zezì-Krı gha eghàlaı̨da t'à, xàè seza lanet'e. Nǫ̀htsı̨-Gotà eyıts'ǫ Zezì-Krı Edaxàgolee elı̨ı̨ sìı nets'ǫ̀ sǫgı̨ı̨wǫ welè, eyıts'ǫ nexè sìghà hòɂǫǫ̀ agııle.

Phılemon 1:24

Eyıts'ǫ dǫ eyıì-le sexè eghàlageedaa, Mark, Arıstarchus, Demas, eyıts'ǫ Luke, “Naxıxè sìghà welè,” gedı.

2 Peter 2:15

Nàowo ehkw'ıı ts'ǫǫ̀ nıwà agejà, Beyor weza Balaam wenàowoò k'ę̀ę̀ geedaà agejà. Eyı dǫ sìı hołı̨ı̨ ghàlaeda k'èxa sǫǫ̀mba ehtsı̨ı̨ wegha nezı̨.