2 Tımothy 3:7 - Nǫ̀htsı̨ Nı̨htł'è

⁷ T'aats'ǫǫ̀ hołı̨ı̨ nàowoò hoghàdegeetǫ, hanìkò Nǫ̀htsı̨ wenàowoò ehkw'ıı sìı gıgha ehkw'ı-ahodı hǫı̨lı̨-le.

2 Tımothy 3:7 ပူးပေါင်းရင်းမြစ်များ

Matthew 13:11

Eyıt'à Zezì gots'ǫ̀ hadı, “Naxı̨ sìı Nǫ̀htsı̨ Wenàowoò k'ę̀ę̀ hòɂǫǫ k'èahsǫ ha naxıghàhòt'ǫ hǫt'e, hanìkò dǫ eyıì-le sìı hanì gıghàhòt'ǫ nıìle.

John 5:44

Dǫ naxıghǫ nezı̨į̀ agedı ha dahwhǫ, hanìkò Nǫ̀htsı̨ naxıghǫ nezı̨į̀ adı gha hots'ǫnıahɂà-le. Hanì-ı̨dè dànì naxıgha ehkw'ı-ahodı lì?

Ephesus 4:14

Hanì-ı̨dè k'achı̨ bebìa lats'ı̨ı̨t'e ha-le, taatı̨į̀ t'à goxè k'etaetı̨ lanì ha-le. Dǫ goghǫyageeɂà t'à gogı̨ı̨zǫǫ sìı ładı̨į̀ hoghàgogeehtǫ nı̨dè goxè ts'ıɂǫ̀-hogeeɂà ha-le.

1 Tımothy 2:4

Dǫ hazǫǫ̀ edaxàgeedè ha nıwǫ, eyıts'ǫ nàowo ehkw'ıı k'ègeezǫ xè gınıedì ha nıwǫ.

2 Tımothy 2:25

Dǫ gık'èch'a agedıı sìı edek'egı̨ı̨lı̨ gha Nǫ̀htsı̨ goghàhòɂà ha t'à ts'èwhı̨į̀ hoghàgoehtǫ ha hǫt'e. Hanì-ı̨dè nàowo ehkw'ıı sìı gık'èezǫǫ̀ agede ha,

Hebrew 5:11

Eyı ghǫ ı̨łaà naxıts'ǫ̀ gohde ha dehwhǫ, hanìkò ı̨whąą̀ yatı ààhchı-le t'à weghǫ naxıts'ǫ̀ gohde ha wèhoedı-le lanì.