2 Tımothy 3:6 - Nǫ̀htsı̨ Nı̨htł'è

⁶ Dǫ hanıı sìı dǫ kǫ̀ goyageedè gà ts'èko gınì nàtso-le sìı ghǫyageeɂà. Edeyatıì t'à goghǫdageehnè t'à goxè nàgedè xè gots'ǫ̀ k'ahogedè. Dǫ hanıı sìı hołı̨ı̨ zǫ k'ę̀ę̀ geedaa eyıts'ǫ hołı̨ı̨ hazǫǫ̀ xàɂaa sìı gıdaèht'è.

2 Tımothy 3:6 ပူးပေါင်းရင်းမြစ်များ

Matthew 11:28

“Naxı̨ hazǫǫ̀ nìahtsǫǫ xè naxıgha dìì sìı sets'ǫ̀ aahde, naxıxè ts'èwhı̨į̀ hòɂǫǫ agohłe ha.

Matthew 23:13

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Nǫ̀htsı̨ Wenàowoò k'ę̀ę̀ hòɂǫǫ sìı dǫ goyageedè ch'à dǫ gıts'ǫǫ̀hk'e enìahchı. Naxı̨ goyaahdè nıìle eyıts'ǫ dǫ goyats'ııdè gı̨ı̨wǫ kò goyageedè agıahłe-le.

Matthew 4:24

Syrıa nèk'e hazǫǫ̀ wegodıì gıìkw'o t'à dǫ eyagı̨ı̨lı̨ı̨ sìı hazǫǫ̀ Zezì ts'ǫ̀ gogeèwa. Dǫ tàda deè t'à eyagı̨ı̨lı̨ı̨, dǫ ı̨nìłı̨ı̨ gıts'ǫ̀-èlı̨ı̨, dǫ edoo t'à eyagı̨ı̨lı̨ı̨, eyıts'ǫ dǫ gıkw'ǫǫ̀ ełaı̨dèe sìı hazǫǫ̀ Zezì k'aàt'ıì agǫǫ̀là.

Mark 4:19

hanìkò t'asìı łǫ ghǫ nànıgedè, sǫǫ̀mba łǫ eyıts'ǫ t'asìı łǫ gı̨ı̨wǫ t'à edeghǫyageeɂà lanì geeda. Eyıt'à yatı nezı̨ı̨ wedıhogehtsı̨ xè t'asìı nezı̨ı̨ wı̨ı̨zìı xàhogehwhı-le.

1 Corınth 12:2

Įnę̀ę Nǫ̀htsı̨ k'èahsǫ-le ekò naxıts'ǫ̀ dàgòjàa sìı wek'èahsǫ hǫt'e. Ts'ıɂǫ̀ anaxììdlà t'à nǫ̀htsı̨ eda-le sìı ts'ǫ̀ yaahtı ı̨lè.

1 Tımothy 5:6

Hanìkò ts'èko gıdǫǫ̀ ełaı̨dèe sìı sìgoèt'ı̨ı̨ zǫ gı̨ı̨wǫ nı̨dè, ı̨łaà geeda et'ıì dǫ ełaı̨dèe lagı̨ı̨t'e.

1 Tımothy 6:9

Dǫ deɂǫ̀ǫ̀ sǫǫ̀mba łǫ gı̨ı̨wǫǫ sìı hołı̨ı̨ nàowoò k'ę̀ę̀ geeda aget'į̀ t'à, gık'èchıìtła laget'į̀. Ezhı̨ne laget'į̀ xè hołı̨ı̨ zǫ k'alagedè ha gı̨ı̨wǫ. Hanì geeda nı̨dè wet'à gıdıhołè ha.

Tıtus 1:11

Hagedı-le agedle ha hǫt'e. Hagììdlà-le nı̨dè, ełèot'ı̨ ełek'èch'a geedaà agogele ha, ayìı hoghàgogeehtǫǫ sìı hanì hoghàgogeehtǫ ha-le ı̨lè. Haget'ı̨ t'à sǫǫ̀mba łǫ gıts'ǫ̀ ade ha gı̨ı̨wǫ.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.

2 Peter 2:18

Yatı wet'àaɂà-le t'à xàdahogedì, dǫ gınìłı̨ı̨ t'à hołı̨ı̨ hogehtsı̨ ha gok'alagedè, eyıts'ǫ hołı̨ı̨ k'ę̀ę̀ geedaa gıta gots'ǫ dǫ edaxàwhedee sìı k'achı̨ hołı̨ı̨ hogehtsı̨ ha gok'alagedè.

2 Peter 3:17

Eyıt'à seàgı̨ą, eyı hòt'a wek'èahsǫ t'à, hotıì edexoahdı. Hanì-ı̨dè dǫ Nǫ̀htsı̨ k'èagı̨ı̨t'e-le sìı gıxè naxıdıhołè ha-le, eyıts'ǫ Nǫ̀htsı̨ edaxànaxı̨ı̨la gots'ǫ ek'èt'à anaahde ha-le.

Jude 1:16

Eyı dǫ sìı t'aats'ǫǫ̀ sǫagedı xè dǫ k'e nìdahogeeɂàa dǫǫ̀ agı̨ı̨t'e, eyıts'ǫ edınìłı̨ı̨ k'ę̀ę̀ k'ehogeɂa. Edeghǫ xàdahogedì eyıts'ǫ edegha sìghà hogehtsı̨ zǫ gha dǫ ts'ǫ̀ nezı̨į̀ agedı.

Jude 1:18

Dıı hanaxègedı ı̨lè, “Nǫǫde dzęę̀ ts'ǫ̀ whaà-le nı̨dè, eghageedlòo-dǫǫ̀ edınìłı̨ı̨ k'ę̀ę̀ geedaa sìı naxıta agede ha,” gedı ı̨lè.

Jude 1:4

Dǫ mǫ̀hdaa ekǫ-le dǫ hoghàgogeehtǫǫ sìı naxınaàhtǫ naxıta gı̨ı̨de hǫt'e. Hanıı dǫ sìı gısınìyaetı ha whaà gots'ǫ hanì dek'eèhtł'è hǫt'e. Dǫ hanıı Nǫ̀htsı̨ gıgha wedę sìı Nǫ̀htsı̨ wesǫnıwǫ eładı̨į̀ dǫ hoghàgogeehtǫ, hagedı, “Nǫ̀htsı̨ wedzeè sǫnıwǫ t'à hołı̨ı̨ k'ę̀ę̀ eghàlats'eeda kò wegha t'asanìle,” gedı. Hagedı t'à Zezì-Krı ededı̨ zǫ Gots'ǫ̀ K'àowodeè t'asìı wegha dìì-le elı̨ı̨ sìı wedę welè gedı.