2 Tımothy 3:2 - Nǫ̀htsı̨ Nı̨htł'è

² Dǫ ededı̨ zǫ edeghǫnegeètǫ ha, sǫǫ̀mba ghageewı ha, xàhogedì agede xè xàdahogedì ha, nàdahogeeɂà ha, edèot'ı̨ k'èagı̨ı̨t'e ha-le, masì gı̨ı̨wǫ ha-le, degaı nàowoò dę geeda ha,

2 Tımothy 3:2 ပူးပေါင်းရင်းမြစ်များ

Matthew 15:6

Eyı dǫ hadı nı̨dè, yet'à edetà ts'ǫ̀ nezı̨į̀ eda-le kò,’ dahdı hǫt'e. Eyı hanì nàowo aahtsı̨ t'à Nǫ̀htsı̨ weyatıì wedę aahłà.

Luke 12:15

Zezì dǫ hazǫǫ̀ ts'ǫ̀ hadı, “Edexoahdı, ets'edì-le hazǫǫ̀ xàɂaa ch'à edexoahdı! Dǫ t'asìı łǫ wets'ǫ t'à zǫ eda nıìle,” gòhdı.

Luke 16:14

Pharısees ededı̨ sǫǫ̀mba ghageewı t'à Zezì hadı gıìkw'o ekò Zezì k'èch'a agedı.

Luke 6:35

Hanìkò dǫ naxıts'ǫ̀ xànegı̨ı̨ɂaa sìı gıghǫnıahtǫ xè gıts'ǫ̀ dǫ nezı̨ı̨ aahłı̨. T'asìı gıghǫnìahłe nı̨dè ek'èt'à seghǫgeele ha dahwhǫ-le. Hanì-ı̨dè wek'èxa t'asìı nechàa naxıda wheɂǫ ha eyıts'ǫ Nǫ̀htsı̨ wenahk'e gǫ̀hłı̨-le sìı weza aahłı̨ ha. Nǫ̀htsı̨ sìı dǫ masì gı̨ı̨wǫ-le eyıts'ǫ dǫ gıjıı ts'ǫ̀ wedzeè eteèɂı̨ hǫt'e.

Zezì Wecheekeèdeè 5:36

Įdì whaà-le ekò dǫ ı̨łè Theudas wìyeh ‘T'asìı deè aht'e,’ dı t'à dǫ ta at'ı̨ ı̨lè. Eyıt'à dı̨akw'eènǫ dǫ haàtłǫǫ gıts'ǫ̀ ajà. Hanìkò ełaàgı̨ı̨hwho tł'axǫǫ̀ wecheekeè hazǫǫ̀ ehkègı̨ı̨de. Eyı hanàhòwoo sìı t'asìı wı̨ı̨zìı whelı̨-le.

Rome 11:18

Eyı kw'ıhchı̨į̀ dahchı̨atǫ̀ǫ sìı gınahk'e ats'ı̨ı̨t'e dahwhǫ t'à, edeghǫ xàdahoahdì-le. Haahdı nı̨dè dıı weghǫ nànıahdè: Naxı̨ sìı ts'ı weghochı̨į̀ nàtsoò aahwhǫ nıìle, hanìkò ts'ı weghochı̨į̀ sìı nàtsoò anaxį̀į̀hwhǫ hǫt'e.

2 Corınth 5:15

Ededı̨ sìı dǫ hazǫǫ̀ gha ełaı̨wo t'à, dǫ geedaa sìı edegha geeda ha nıìle hanìkò amìı gogha ełaı̨woo eyıts'ǫ gogha naìdàa sìı wegha geeda ha hǫt'e.

Phılıppı 2:21

Dǫ hazǫǫ̀ edegha sìghà zǫ gı̨ı̨wǫ, hanìkò Zezì-Krı dànıwǫǫ sìı gıdaànıedè-le.

Colosse 3:5

Eyıt'à dıı nèk'e gots'ǫ hołı̨ı̨ nàowoò naxıts'ǫ̀ k'àowo-le aahłe. Dıı hołı̨ı̨ nàowoò hǫt'e: gozhį̀į̀ t'à hołı̨ı̨ k'alats'edèe, gonìłı̨ı̨, hołı̨ı̨ ghats'eewı, eyıts'ǫ t'asìı ghǫ ets'edì-le. T'asìı gha ets'edì-le sìı gogha nǫ̀htsı̨ elı̨į̀ at'į̀ hǫt'e.

2 Thessalonıca 2:4

Eyı dǫ wejıı sìı t'asìı hazǫǫ̀ dǫ Nǫ̀htsı̨ gìt'ı̨ı̨ sìı eyıts'ǫ t'asìı hazǫǫ̀ ts'ǫ̀ yagehtıı sìı k'èch'a k'ehoɂa xè gınahk'e ehłı̨ hadı ha. Eyıt'à Nǫ̀htsı̨kǫ̀-gocho goyìı wheda gà Nǫ̀htsı̨ aht'e edèhdı ha.

1 Tımothy 1:20

Hymenaeus eyıts'ǫ Alexander gıxè hagòjà. Wehłı̨ı̨ ghàgèehła, hanì-ı̨dè Nǫ̀htsı̨ k'èch'a gogede ha-le gha hoghàgeetǫ ha welì.

1 Tımothy 1:9

Dǫ ehkw'ı geedaa sìı nàowodeè gıgha adlà nıìle, wek'èts'eezǫ, hanìkò dǫ eyı nàowo k'ègedì-le sìı gıgha adlà hǫt'e: nàowo-k'eezhìı-dǫǫ̀, dǫ k'èagı̨ı̨t'e-le dǫǫ̀, Nǫ̀htsı̨ gı̨ı̨wǫ-le dǫǫ̀, hołı̨ı̨-hogehtsı̨ı̨-dǫǫ̀, hołı̨ı̨ k'ę̀ę̀ geedaa dǫǫ̀, Nǫ̀htsı̨ nàowoò gıtǫ̀-le dǫǫ̀, dǫ edetà eyıts'ǫ edemǫ ełaàgehdee, eyıts'ǫ dǫ-ełahdee-dǫǫ̀,

1 Tımothy 3:3

Yeèhdee-dǫǫ̀ elı̨ ha-le, wınì nàìtło ha-le, hanìkò dǫ ts'ǫ̀ wedzeè nezı̨ ha, dǫ ts'ǫ̀ nàyaehtı ha-le, eyıts'ǫ sǫǫ̀mba gha edì ha-le.

1 Tımothy 6:10

Sǫǫ̀mba ghǫ ets'edì-le nı̨dè wets'ıhɂǫ̀ hołı̨ı̨ hazǫǫ̀ xàɂaa hots'ehtsı̨. Dǫ mǫ̀hdaa sıì sǫǫ̀mba ghageewı t'à, Zezì-Krı gha gınì nàtso-le aget'į̀. Eyıt'à edegha hoìla hogehtsı̨.

1 Tımothy 6:4

xàhodì xè t'asìı wı̨ı̨zìı nıedì-le hǫt'e. Yatı ghǫ dǫ ełek'ę̀ę̀ agı̨ı̨wǫ-le xè ełets'ǫ̀ nàyagehtıì agohɂı̨ ghaewı t'à wınì nezı̨-le. Eyıt'à dǫ ełeghǫ ts'ohogeedıì agohɂı̨, ełek'èch'a geedaa, yatıjıı t'à ełeghǫ gogedee, eyıts'ǫ hołı̨ı̨ t'à ełeghǫ nànıgedè agohɂı̨.

2 Tımothy 3:4

ełeghǫyageeɂà ha, gınì nàìtło ha, t'asìı deè edegeetsı̨ ha, Nǫ̀htsı̨ nahk'e sìgoèt'ı̨ı̨ ghageewı ha,

James 2:8

Nǫ̀htsı̨ Nı̨htł'è k'e dıı hanì dek'eèhtł'èe, “Edeghǫnıahtǫ k'ę̀ę̀ naxèot'ı̨ ghǫnıahtǫ.” Eyı nàowo nezı̨ı̨ wek'èahdì nı̨dè ehkw'ı eghàlaahda hǫt'e.

James 4:16

Hanìkò naxı̨ sìı xàdahoahdì lanì goahde. Hanì xàdahots'edìı sìı hołı̨ı̨ hots'ehtsı̨ hǫt'e.

James 4:6

Hanìkò edesǫnıwǫǫ̀ denahk'e gots'ǫ̀ ayehɂı̨ hǫt'e. Hanì ts'ıhɂǫ̀ Nǫ̀htsı̨ Nı̨htł'è dıı hadı: “Nǫ̀htsı̨ sìı dǫ xàhodì k'èch'a at'ı̨, hanìkò dǫ k'èeweèt'ı̨ı̨ elı̨ı̨ sìı ts'ǫ̀ wedzeè sǫnıwǫ hǫt'e,” dek'eèhtł'è.

1 Peter 5:5

Naxı̨ cheko yàahłı̨ı̨ sìı dǫzhìı ǫhdaà gık'èaht'e. Hazǫǫ̀ ełets'ǫ̀ k'èeweèt'ı̨ k'ę̀ę̀ aahda, dıı hanì dek'eèhtł'è t'à: “Nǫ̀htsı̨ dǫ xàhodìı sìı ts'ǫ̀ wınì-le hǫt'e, hanìkò amìı k'èeweèt'ı̨ı̨ elı̨ı̨ sìı ts'ǫ̀ sǫnıwǫ hǫt'e,” hanì dek'eèhtł'è.

2 Peter 2:10

Dǫ edınìłı̨ı̨ k'ę̀ę̀ geeda xè gıts'ǫ̀ k'aodèe nègelı̨-le sìı hotıì gıxè hagode ha. Hanıı dǫ sìı gıkwì nàtso xè xàhogedì t'à, yat'a ı̨nì nàtsoo k'adageedè gha edègeejı̨-le.

2 Peter 2:12

Hanìkò eyı dǫ t'asìı nıgeedì-le ghǫ ekǫ-le gogede t'à Nǫ̀htsı̨ k'èch'a agedı. Tıts'aàdìı wets'àhoejı̨ı̨ lagı̨ı̨t'e eyıts'ǫ tıts'aàdìı k'ę̀ę̀ k'ehogeɂa. Gık'èchıìtła xè ełaàgede zǫ gha gıgǫ̀hłı̨ lagı̨ı̨t'e, eyıts'ǫ tıts'aàdìı lanì gıdıhołè ha.

2 Peter 2:18

Yatı wet'àaɂà-le t'à xàdahogedì, dǫ gınìłı̨ı̨ t'à hołı̨ı̨ hogehtsı̨ ha gok'alagedè, eyıts'ǫ hołı̨ı̨ k'ę̀ę̀ geedaa gıta gots'ǫ dǫ edaxàwhedee sìı k'achı̨ hołı̨ı̨ hogehtsı̨ ha gok'alagedè.

2 Peter 2:3

Eyı dǫ hoghàgogeehtǫǫ sìı t'asìı gha egedì-le t'à ededı̨ godı gèhtsı̨ı̨ sìı t'à naxıxè gogedo. Whaà gots'ǫ nàgeekwa ha gıgha hòɂǫ hǫt'e, hanìkò amìı godıhohtsı̨ ha sìı whetı̨ nıìle.

Jude 1:16

Eyı dǫ sìı t'aats'ǫǫ̀ sǫagedı xè dǫ k'e nìdahogeeɂàa dǫǫ̀ agı̨ı̨t'e, eyıts'ǫ edınìłı̨ı̨ k'ę̀ę̀ k'ehogeɂa. Edeghǫ xàdahogedì eyıts'ǫ edegha sìghà hogehtsı̨ zǫ gha dǫ ts'ǫ̀ nezı̨į̀ agedı.

John Wenazhıı 13:1

Tıts'aàdìıcho dek'oo tabàa nàwo wègaat'ı̨. Eyıts'ǫ tıts'aàdìı nechàa eyıì-le tıcho yìı gots'ǫ xàèhtła wègaat'ı̨. Wekwì łǫ̀hdı̨ eyıts'ǫ wedè hoònǫ gǫ̀hłı̨. Sǫǫ̀mbaekwo kwìt'ıì hoònǫ wedè k'e whela eyıts'ǫ wekwì łǫ̀hdı̨ k'e gıızì dek'eèhtł'è. Eyı gıızì łǫ̀hdı̨ sìı Nǫ̀htsı̨ k'èch'a yatı dek'eèhtł'è hǫt'e.

John Wenazhıı 16:11

eyıts'ǫ gıkaà łǫ xè gıgha eya nàtso t'à Nǫ̀htsı̨ yak'e whedaa sìı ts'ǫ̀ nàdahogeeɂà, hanìkò dànì eghàlagı̨ı̨dàa sìı weghǫ edek'egı̨ı̨lı̨ ha gı̨ı̨wǫ-le.

John Wenazhıı 16:21

Yat'a gots'ǫ ı̨hlı nechàa dǫ k'e hodàetł'ò. Eyı ı̨hlı sìı ı̨łèakw'eènǫ haàtłǫǫ aı̨hdaa dǫ k'e nàı̨tł'ı t'à sıì dagı̨ı̨ɂa, eyıt'à Nǫ̀htsı̨ ts'ǫ̀ gìch'è xè nàdahogeeɂà.

John Wenazhıı 16:9

Sa sıì whekǫ̀ t'à dǫ gıkwǫ̀ k'eek'ǫ̀ ts'ıhɂǫ̀ Nǫ̀htsı̨ ts'ǫ̀ nàdahogeeɂà. Ayìı t'à dǫ dagı̨ı̨ɂaa sìı Nǫ̀htsı̨ yets'ǫ̀ K'àowo hǫt'e, hanìkò ı̨łaà edek'egı̨ı̨lı̨ ha gı̨ı̨wǫ-le eyıts'ǫ Nǫ̀htsı̨ ghàsǫgeedı ha gı̨ı̨wǫ-le.