2 Tımothy 2:9 - Nǫ̀htsı̨ Nı̨htł'è

⁹ eyı gha daıhɂa hǫt'e eyıts'ǫ dǫjıı lanì satsǫ̀tł'ıì t'à daseetł'ı̨. Hanìkò Nǫ̀htsı̨ weyatıì sìı dǫ wı̨ı̨zìı dayeezà ha nıìle.

2 Tımothy 2:9 ပူးပေါင်းရင်းမြစ်များ

Luke 23:32

Dǫjıı nàke Zezì xè ełaàgehde ha gok'èè geèwa.

Zezì Wecheekeèdeè 21:33

Eghǫǫ-dǫǫ̀-gha-k'àowo weyatıì k'e Paul nıgıìchì eyıts'ǫ satsǫ̀tł'ıì nàke t'à dageèzhà. Eyı tł'axǫǫ̀ dǫ dagoehke, “Dıı dǫ amìı hǫt'e eyıts'ǫ ayìı t'à ekǫ-le hòèhtsı̨?” gòhdı.

Zezì Wecheekeèdeè 28:31

Edèdaedı-le xè Nǫ̀htsı̨ wenàowoò eyıts'ǫ gots'ǫ̀ K'àowo Zezì-Krı ghǫ dǫ hoghàehtǫ, eyıts'ǫ dǫ wı̨ı̨zìı nàyeeɂǫ-le.

Zezì Wecheekeèdeè 9:16

Sıızì ts'ıhɂǫ̀ hòtł'ò daı̨ɂa ha sìı yek'èezǫǫ̀ awehłe ha,” Zezì yèhdı.

Ephesus 3:1

Eyı ts'ıhɂǫ̀ sı̨ Paul, Zezì-Krı wegha eghàlaehda k'èxa sedaàtǫ hǫt'e, naxı̨ Israel got'ı̨į̀ aaht'e-le sìı naxıgha sìghà agode ha t'à.

Phılıppı 1:17

Dǫ seghǫ ts'ohogeedıı sìı Zezì-Krı wegodıì t'à gogede, hanìkò edegha aget'ı̨, gıdzeè ehkw'ıı t'à agedı nıìle. Dǫ-danìı̨laa-kǫ̀ whıhda et'ıì segha hoìla xàgeeta gha aget'ı̨.

Phılıppı 1:7

Hanì naxıghǫ sìghà anehwhǫǫ sìı nezı̨ hǫt'e, sedzeè yìı naxık'èhdì t'à. Nǫ̀htsı̨ sets'ǫ̀ sǫnıwǫ t'à la seghàı̨ɂǫǫ sìı naxı̨ hazǫǫ̀ sexè weghàlaahda hǫt'e. Sedaànìı̨tǫ, godı nezı̨ı̨ ts'àdaehdı, eyıts'ǫ godı nezı̨ı̨ t'à dǫ xè gohdo nı̨dè, naxı̨ t'aats'ǫǫ̀ sets'àahdı hǫt'e.

Colosse 4:18

Sı̨ Paul, sılà t'à dıı yatı nǫǫde naxıts'ǫ̀ eehtł'è hǫt'e. Sedaànìı̨tǫ xè satsǫ̀tł'ıì sek'e whela t'à senaahdì. Nǫ̀htsı̨ naxıts'ǫ̀ sǫnıwǫ welè.

Colosse 4:3

Eyıts'ǫ goxı̨ sı gogha yaahtı, weyatıì t'à dǫ ts'ǫ̀ gots'ede ha Nǫ̀htsı̨ gogha ehkw'ı goòɂà ayele gha. Hanì-ı̨dè Zezì-Krı wegodıì dǫ ts'ǫ̀ deɂı̨į̀ wheɂǫǫ sìı t'à gıxè gots'edo ha, eyı k'èxa jǫ sedaàtǫ hǫt'e.

1 Thessalonıca 1:8

Dànì aahda ts'ıhɂǫ̀ gots'ǫ̀ K'àowo wegodıì Macedonıa eyıts'ǫ Achaıa nèk'e ts'ǫ̀ ajà. Ekǫ zǫǫ̀-le, dànì Nǫ̀htsı̨ naxıgha ehkw'ı-ahodıı sìı hazǫǫ̀ nèk'e ts'ǫ̀ wek'èhoedzǫǫ̀ ajà. Eyıt'à naxıghǫ xàyats'ehtı-le kò.

2 Thessalonıca 3:1

Sèot'ı̨ı̨, nǫǫde t'à dıı hanaxèehsı̨ ha dehwhǫ: Gots'ǫ̀ K'àowo wegodıì nezı̨ı̨ sìı ı̨whąą̀ dǫ ta ts'ǫ̀ ats'ele gha, eyıts'ǫ naxıxè hagòjà lanì dǫ gıghǫ sìghà agedı xè gık'ę̀ę̀ geeda gha, gogha yaahtı.

2 Tımothy 1:12

Eyı ts'ıhɂǫ̀ hanì daıhɂa hǫt'e. Hanìkò amìı segha ehkw'ı adıı sìı wek'èehsǫ t'à, weghǫ į̀į̀zhaehłı̨ nıìle. Nǫǫde dzęę̀ gha ayìı wetł'aà wheɂǫ ahłàa sìı yek'èdì ha hotıì wek'èehsǫ hǫt'e.

2 Tımothy 1:16

Onesıphorus eyıts'ǫ wekǫ̀ dǫ nàdèe sìı gots'ǫ̀ K'àowo gots'ǫ̀ wedzeè eteèɂı̨ welè, t'aats'ǫǫ̀ sınà asį̀į̀hwhǫ ı̨lè t'à, eyıts'ǫ sedaàtǫ kò seghǫ į̀į̀zhaelı̨-le ı̨lè.

2 Tımothy 1:8

Eyıt'à gots'ǫ̀ K'àowo weghǫ dǫ ts'ǫ̀ goı̨de ha į̀į̀zhanelı̨-le, eyıts'ǫ sı̨ wegha dǫ-danìı̨laa-kǫ̀ whıhda t'à seghǫ į̀į̀zhanelı̨-le. Hanìkò godı nezı̨ı̨ gha sexè daneeɂa ha welì. Nǫ̀htsı̨ sìı eyı gha nàts'etsoò agohɂı̨ hǫt'e.

2 Tımothy 2:3

Zezì-Krı wets'ǫ eghǫǫ-dǫǫ̀ nezı̨ı̨ nelı̨, nexè hoìla nı̨dè goxèht'eè nınì nàtso anehwhǫ.

2 Tımothy 4:17

Hanìkò gots'ǫ̀ K'àowo sexè at'ı̨ t'à, sınì nàtsoò asį̀į̀là. Hanì ts'ıhɂǫ̀ godı nezı̨ı̨ deghàà dǫ ts'ǫ̀ gohde ha, eyıts'ǫ dǫ hazǫǫ̀ Israel got'ı̨į̀ agı̨ı̨t'e-le sìı geèhkw'ǫ ha welì. Ekìıyeè k'e goìjìıcho wewà ch'à Nǫ̀htsı̨ edaxàsį̀ı̨htı̨ ı̨lè.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

1 Peter 2:14

eyıts'ǫ wedahxà dèe-ts'ǫ̀-k'àowo naxıts'ǫ̀ gohɂaa sìı gık'èaht'e. Ededı̨ sìı dǫ ekǫ-le hogehtsı̨ nı̨dè nàgogeehkwa ha hǫt'e, eyıts'ǫ dǫ ehkw'ı geedaa sìı nezı̨į̀ goghǫ gogede hǫt'e.

1 Peter 3:16

Naxınì hołı̨ı̨ ch'à wek'èahdì, hanì-ı̨dè Zezì-Krı wedahxà dànì k'ehoahɂaa sìı ghǫ dǫ naxık'adageedè nı̨dè, dǫ naxıızì jıı gehtsı̨ ı̨lèe sìı nǫǫde nı̨dè eyı ghǫ sıì į̀į̀zhagı̨ı̨lı̨į̀ agede ha hǫt'e.

1 Peter 4:15

Naxıgha hoìla nı̨dè dǫ ełaahwho k'èxa welè-le, eeɂį̀ı̨-dǫǫ̀ aaht'e k'èxa welè-le, dǫjıı aaht'e k'èxa welè-le, eyıts'ǫ dǫ naxıìdı geeda-le kò gıghǫ goahde k'èxa welè-le.