2 Tımothy 2:20 - Nǫ̀htsı̨ Nı̨htł'è

²⁰ Dǫ ahxee wekǫ̀ goyìı sìı kw'à mǫ̀hdaa sǫǫ̀mbaekwo eyıts'ǫ sǫǫ̀mba degoo t'à hòèlı̨ı̨ whela hǫt'e. Eyıts'ǫ mǫ̀hdaa dechı̨ eyıts'ǫ kwe t'à hòèlı̨. Kw'à dètìı sìı t'asìı wet'àaɂà gha gıt'à-at'ı̨, ekò kw'à dètì-le sìı t'asìı-ts'ıì gha gıt'à-at'ı̨.

2 Tımothy 2:20 ပူးပေါင်းရင်းမြစ်များ

John 8:49

Zezì gots'ǫ̀ hadı, “Įnìłı̨ı̨ sets'ǫ̀-èlı̨ nıìle. Sı̨ Setà weghàsǫhoedı ahłà hǫt'e, hanìkò naxı̨ yatı laòt'ı̨-le t'à sets'ǫ̀ goahde.

Rome 9:20

Hanìkò ayìıcho aaht'e dahwhǫ t'à hanì Nǫ̀htsı̨ ts'ǫ̀ ek'èt'à goahde welì? “Ededı̨ gòèhtsı̨ı̨ sìı wek'èch'a gots'ede ha nì? ‘Dànìghǫ dıı hanì sèwheęhtsı̨ nǫǫ̀?’ hats'edıì dawets'eehke ha nì?”

1 Corınth 3:9

Nǫ̀htsı̨ wexè eghàlats'eedaa ats'ı̨ı̨t'e, naxı̨ sìı Nǫ̀htsı̨ wedèè k'e t'asìı dehshee laaht'e, eyıts'ǫ Nǫ̀htsı̨ wekǫ̀ laaht'e.

2 Corınth 4:7

Gozhį̀į̀ kwetǫ lanìı sìı weyìı t'asìı enıìyah k'èts'edì hǫt'e. Eyı t'asìı enıìyah xè nàtsoo sìı Nǫ̀htsı̨ wets'ǫ hǫt'e wek'èhoedzǫ, goxı̨ gots'ǫ nıìle.

Ephesus 2:22

Naxı̨ sı Zezì-Krı wet'à kǫ̀ ełexè naxıhòèlı̨ı̨ laaht'e, eyıts'ǫ wets'ǫ Įnì Degaı t'à Nǫ̀htsı̨ eyı kǫ̀ yìı nàdè hǫt'e.

1 Tımothy 3:15

T'asìı ts'ıhɂǫ̀ ı̨whąą̀ nets'ǫ̀ ahjà-le nı̨dè eyı nı̨htł'è weghàà dànì Nǫ̀htsı̨ wets'ǫ dǫ k'ehogeɂaa sìı wek'èı̨zǫ ha. Nǫ̀htsı̨ wets'ǫ dǫ sìı Nǫ̀htsı̨ edaa wecheekeè agı̨ı̨t'e; yìetł'aà whetǫǫ kǫ̀ yàıtǫ̀ lanì wecheekeè Nǫ̀htsı̨ wenàowoò ehkw'ıı k'ègedì hǫt'e.

1 Peter 2:5

Eyı lanì naxı̨ sı kwe edaa laaht'e. Naxı̨ sìı Nǫ̀htsı̨ wekǫ̀ gocho laaht'e eyıts'ǫ yahtıı degaı lanì wegha k'ehoahɂa. Zezì-Krı naxıgha ehkw'ı adı t'à, Nǫ̀htsı̨ wınì k'ę̀ę̀ weghàdeahła.