2 Tımothy 2:18 - Nǫ̀htsı̨ Nı̨htł'è

¹⁸ Nàowo ehkw'ıı k'ę̀ę̀ dǫ hoghàgogeehtǫ-le agejà. Dǫ ełaı̨dèe hòt'a nagìdà ı̨lè gedıì hoghàgogeehtǫ t'à dǫ mǫ̀hdaa gıgha ehkw'ı-ahodı-le agogehɂı̨.

2 Tımothy 2:18 ပူးပေါင်းရင်းမြစ်များ

Matthew 15:13

Zezì gots'ǫ̀ hadı, “Setà yak'e whedaa sìı ts'ı hazǫǫ̀ dehsheè ayį̀į̀là-le sìı dèè goyìı ts'ǫ weghochı̨į̀ xè xàgehdlà ha.

Matthew 22:29

Zezì gots'ǫ̀ hadı, “Nǫ̀htsı̨ Nı̨htł'è eyıts'ǫ Nǫ̀htsı̨ enıìyah t'à wegha dìì-le sìı wek'èhoahsǫ-le t'à, ekǫ-le naxıgha ehkw'ı-ahodı.

Luke 8:13

Dǫ mǫ̀hdaa sìı wet'à t'asìı dehshee kwe ta nàı̨tł'ı lagı̨ı̨t'e. Eyı yatı gıìkw'o ts'ǫ̀et'ıì sıì gınà xè gìhchı. Hanìkò gıghochı̨į̀ whìle t'à whaà-lea gots'ǫ̀ gıgha ehkw'ı-ahodı, eyıts'ǫ hoìla nèhòkw'ı nı̨dè gıghǫ nat'è.

Zezì Wecheekeèdeè 5:39

Hanìkò Nǫ̀htsı̨ wınì k'ę̀ę̀ agot'ı̨ nı̨dè eyı dǫ gık'èch'a aaht'ı̨ ha dìì. Nǫ̀htsı̨ k'èch'a eghàlaahda ha ne,” gòhdı.

1 Corınth 11:19

Naxıta dǫ ełek'ę̀ę̀ nànıgedè ha-le t'ıį̀t'e, hanì-ı̨dè amìı Nǫ̀htsı̨ wınì k'ę̀ę̀ geedaa sìı wek'èhoedzǫ ha.

1 Corınth 15:12

Zezì-Krı ełaı̨wo gots'ǫ naìdà naxèts'edı nı̨dè, dànìghǫ naxıta gots'ǫ dǫ mǫ̀hdaa, dǫ ełaı̨dèe sìı nagìdà ha nıìle, gedı?

Colosse 3:1

Zezì-Krı wexè naàhdà aahjà ts'ıhɂǫ̀, ı̨dòo yak'e Zezì-Krı, Nǫ̀htsı̨-Gotà gà nàgòts'ehnèe wheda t'à yak'e ghǫ naxıdzeè nàtsoò aahwhǫ.

1 Tımothy 1:19

eyıts'ǫ nınì nezı̨ı̨ xè negha ehkw'ı-ahodı k'ę̀ę̀ ı̨da ha. Dǫ mǫ̀hdaa hanì geeda-le agejà t'à Zezì gıgha ehkw'ı-ahodı-le agejà. Elà kwe k'e wetaı̨tł'ıı lagı̨ı̨t'e.

1 Tımothy 6:10

Sǫǫ̀mba ghǫ ets'edì-le nı̨dè wets'ıhɂǫ̀ hołı̨ı̨ hazǫǫ̀ xàɂaa hots'ehtsı̨. Dǫ mǫ̀hdaa sıì sǫǫ̀mba ghageewı t'à, Zezì-Krı gha gınì nàtso-le aget'į̀. Eyıt'à edegha hoìla hogehtsı̨.

1 Tımothy 6:21

Gota ts'ǫ dǫ mǫ̀hdaa eyı nàowo gıgha ehkw'ı-ahodıı t'à Nǫ̀htsı̨ wenàowoò gogha ehkw'ı-ahodıı sìı ts'ǫǫ̀ agejà. Nǫ̀htsı̨ nets'ǫ̀ sǫnıwǫ welè.

2 Tımothy 2:14

Eyı yatı hazǫǫ̀ t'aats'ǫǫ̀ gınadì agı̨ı̨le. Nǫ̀htsı̨ nadąą̀ gıghǫnatı̨ı̨ɂà, yatı wet'àaɂà-le ghǫ ełek'èch'a agııdì-le. Eyı nezı̨ nıìle, dǫ gogeèhkw'ǫǫ sìı wet'à gınì nàtso-le at'į̀ zǫ hǫt'e.

Tıtus 1:11

Hagedı-le agedle ha hǫt'e. Hagììdlà-le nı̨dè, ełèot'ı̨ ełek'èch'a geedaà agogele ha, ayìı hoghàgogeehtǫǫ sìı hanì hoghàgogeehtǫ ha-le ı̨lè. Haget'ı̨ t'à sǫǫ̀mba łǫ gıts'ǫ̀ ade ha gı̨ı̨wǫ.

Hebrew 3:10

Eyı ts'ıhɂǫ̀ naxıcho ekìıyeè k'e geedaa sìı gıts'ǫ̀ sek'èch'a xè dıı haehsı̨ ı̨lè, ‘T'aats'ǫǫ̀ ededzeè t'à ts'ıɂǫ̀ geedè eyıts'ǫ senàowoò k'ègeezǫ-le.’

James 5:19

Sèot'ı̨ı̨, naxıta gots'ǫ dǫ ı̨łè ekǫ-le ajà nı̨dè, eyıts'ǫ dǫ eyıì-le yets'ǫ̀ gode t'à ehkw'ı goòɂà ts'ǫ̀ anayį̀į̀là nı̨dè,

1 John 2:19

Gota gots'ǫ xàgeède, hanìkò xàè gots'ǫ agı̨ı̨t'e nıìle. Gots'ǫ agı̨ı̨t'e nı̨dè ı̨łaà goxè geèhkw'e ha ı̨lè, hanìkò gots'ǫǫ̀ xàgeède t'à xàè gots'ǫ agı̨ı̨t'e-le wek'èts'eezǫ.