2 Tımothy 2:14 - Nǫ̀htsı̨ Nı̨htł'è

¹⁴ Eyı yatı hazǫǫ̀ t'aats'ǫǫ̀ gınadì agı̨ı̨le. Nǫ̀htsı̨ nadąą̀ gıghǫnatı̨ı̨ɂà, yatı wet'àaɂà-le ghǫ ełek'èch'a agııdì-le. Eyı nezı̨ nıìle, dǫ gogeèhkw'ǫǫ sìı wet'à gınì nàtso-le at'į̀ zǫ hǫt'e.

2 Tımothy 2:14 ပူးပေါင်းရင်းမြစ်များ

Matthew 16:26

Dıı nèk'e dǫ t'asìı hazǫǫ̀ edegha dèhnǫ kò wedą̀ązhį̀ı̨ weghǫ wedıhòłı̨ nı̨dè, wegha wet'àaɂà nıìle. Dǫ wedą̀ązhį̀ı̨ k'èxa t'asìı wı̨ı̨zìı nìɂà ha nıìle.

Zezì Wecheekeèdeè 13:10

“Nı̨ sìı wehłı̨ı̨ weza anet'e, t'asìı hazǫǫ̀ ehkw'ı ne sìı k'èch'a anet'e! T'asìıłı̨ı̨ hazǫǫ̀ xàɂaa eyıts'ǫ hots'ets'ìı nàowoò hanıı zǫ k'èı̨zǫ. Dàht'e-ı̨dè Nǫ̀htsı̨ wenàowoò k'èch'a eghàlaı̨da ghǫ naąt'e ha?

Zezì Wecheekeèdeè 15:24

“Gota gots'ǫ dǫ mǫ̀hdaa naxıts'ǫ̀ nègı̨ı̨dee sìı naxıgha hoìla gehtsı̨ı̨, gıghǫ ts'ıìkw'o hǫt'e. T'asìı hoghànaxegeehtǫǫ sìı wet'à naxınì tsį̀gehwhı ha aget'ı̨. Hanìkò eyı dǫ godahxà gogede nıìle.

Rome 14:1

Dǫ wınì nàtso-le sìı wedę aahłe-le, t'asìı wet'àaɂà-le k'èxa wek'e nìdahoahɂà-le.

Galatıa 1:7

Eyı xàè godı nezı̨ı̨ hǫt'e nıìle. Hoɂıì dǫ mǫ̀hdaa naxıxè hok'èedzǫ-le nèhogį̀ı̨ɂǫ, eyıts'ǫ Zezì-Krı wegodıì nezı̨ı̨ eładı̨į̀ agele ha hogeèhdzà.

Ephesus 4:17

Eyıt'à gots'ǫ̀ K'àowo wedahxà yatı nàtsoo t'à dıı hanaxèehsı̨: Dǫ Nǫ̀htsı̨ k'ègeezǫ-le sìı k'achı̨ gık'ę̀ę̀ aahda-le, gınìłı̨ı̨ k'ę̀ę̀ geeda ne t'à.

1 Thessalonıca 4:1

Sèot'ı̨ı̨, nǫǫde t'à ı̨łaà t'asìı ghǫ naxıts'ǫ̀ eehtł'è ha dehwhǫ. Dànì Nǫ̀htsı̨ wınì k'ę̀ę̀ ts'eedaa sìı weghǫ hoghànaxets'eèhtǫ ı̨lè t'à dıì hanì aahda hǫt'e. Gots'ǫ̀ K'àowo Zezì weyatıì dahxà k'èdaà hanì aahda naxìts'edı, naxıghǫnàdats'eetì.

2 Thessalonıca 3:6

Sèot'ı̨ı̨, gots'ǫ̀ K'àowo Zezì-Krı wıızì t'à dıı hanaxèts'edı: Naxıta dǫ eghàlaeda ha nıwǫ-le xè ayìı hoghànaxets'eèhtǫ k'ę̀ę̀ eda-le nı̨dè wexè aaht'ı̨-le.

1 Tımothy 1:4

Ekìı godı hòèlı̨ı̨ t'à eyıts'ǫ gòet'ı̨ gıızì łǫ dek'eèhtł'è hanıı t'à dǫ hoghàgıahtǫ-le, gìı̨dı. Eyı hanıı ts'ıhɂǫ̀ dǫ ełets'ǫ̀ nàyagehtı t'à Nǫ̀htsı̨ wılaà k'ę̀ę̀ dǫ hoghàgeetǫ-le; gogha ehkw'ı-ahodıı zǫ t'à Nǫ̀htsı̨ wılaà ghàlats'eeda hǫt'e.

1 Tımothy 1:6

Dǫ mǫ̀hdaa eyı nàowo gıtǫ̀-le agejà, godı wet'àaɂà-le ts'ǫ̀ tł'àk'e geède.

1 Tımothy 4:8

Gozhį̀į̀ hòtł'ò eghàlaeda ats'ehɂı̨ı̨ sìı yaazea zǫ wet'àaɂà, ekò Nǫ̀htsı̨ wınì k'ę̀ę̀ ts'eedaa sìı t'asìı hazǫǫ̀ gha wet'àaɂà hǫt'e, dıì ts'eedaa gha eyıts'ǫ ı̨daà ts'eeda gha Nǫ̀htsı̨ edeyatıì goghàı̨ɂǫ ne t'à.

1 Tımothy 5:21

Nǫ̀htsı̨ eyıts'ǫ Zezì-Krı gınadąą̀, eyıts'ǫ yak'eet'ı̨į̀ gììchìı sìı gınadąą̀ dıı yatı nàtsoo neghàehɂǫ: Dǫ hazǫǫ̀ eyı nàowo ełèht'eè k'ę̀ę̀ gısınìyaı̨htı ha hǫt'e, eyıts'ǫ dǫ wı̨ı̨zìı denahk'e nezı̨į̀ wets'ǫ̀ k'ehoı̨ɂa ha-le.

1 Tımothy 6:13

Nǫ̀htsı̨ wet'à t'asìı hazǫǫ̀ edaa sìı wenadąą̀, eyıts'ǫ Zezì-Krı, k'àowo Pılate yesınìyaehtı ekò edeghǫ ehkw'ı yets'ǫ̀ xàyaı̨htı ı̨lèe sìı wenadąą̀ dıı yatı nàtsoo neghàehɂǫ hǫt'e:

2 Tımothy 1:6

Eyı ts'ıhɂǫ̀ Nǫ̀htsı̨ edets'ǫ t'asìı nezı̨ı̨ neghàı̨ɂǫǫ sìı deɂǫ̀ǫ̀ wet'à nezı̨į̀ eghàlaı̨da. Sılà nek'e ahłà xè nek'eèyahtı t'à Nǫ̀htsı̨ wets'ǫ t'asìı nezı̨ı̨ nedzeè yìı ajàa sìı wenaądì.

2 Tımothy 2:16

Nǫ̀htsı̨ k'èch'a t'asìı ghǫ-le gots'edee sìı wedę anele. Dǫ hagedıı sìı Nǫ̀htsı̨ ts'ǫ̀ nezı̨į̀ nageɂa nıìle eyıts'ǫ denahk'e Nǫ̀htsı̨ gı̨ı̨wǫ-le aget'į̀.

2 Tımothy 2:23

Dǫ ezhı̨ne k'ę̀ę̀ ełets'ǫ̀ nàyagehtıı sìı gıxè anet'ı̨-le. Eyı hagedı t'à dǫ ełets'ǫ̀ gìch'e wek'èı̨zǫ hǫt'e.

2 Tımothy 4:1

Nǫ̀htsı̨ wenadąą̀ eyıts'ǫ Zezì-Krı wenadąą̀ nets'ǫ̀ eehtł'è. Zezì ededı̨ sìı dǫ geedaa eyıts'ǫ dǫ ełaı̨dèe gosınìyaehtı ha. Gots'ǫ̀ wègoèht'į̀ ha eyıts'ǫ wenàowoò k'ę̀ę̀ hòɂǫǫ̀ ayele ha. Wedahxà dıı yatı neghàıhɂǫ hǫt'e:

Tıtus 3:1

Dèe-ts'ǫ̀-k'àowo gı̨ı̨lı̨ı̨ sìı k'èagı̨ı̨t'e ha eyıts'ǫ ayìı nezı̨ı̨ sìı gıghàlaeda ha gìı̨dı.

Hebrew 13:9

Ts'ıɂǫ̀ aahde ch'à t'asìı eładı̨ı̨ łǫ xàɂaa t'à dǫ hoghànaxegııhtǫ-le. Nǫ̀htsı̨ wesǫnıwǫ t'à godzeè nàtso nı̨dè nezı̨ hǫt'e. Ayìı ts'edèe, ayìı ts'edè-le nàowoò k'èats'ı̨ı̨t'e nahk'e nezı̨ hǫt'e. Hanıı nàowo k'èats'ı̨ı̨t'ee sìı godzeè gha wet'àaɂà nıìle.

2 Peter 1:13

Įłaà sezhį̀į̀ eda ts'ǫ̀ eyı wenaahdì anaxehłe ha sìı segha ehkw'ı hǫt'e.